Princërit dhe princeshat më të famshme të botës

[kuklla]

Princërit dhe princeshat më të famshme të botës P
Shkruar nga Blendina Cara

Edhe pse princi William ka lindur me të drejtën e posaçme për të qenë i famshëm e i pasur, atij i duhej të priste 25 vite për të marrë një titull tjetër. Atë të princit më të rëndësishëm dhe më të famshëm në arenën e pincërve e princeshave të botës. Vëmendja e pakushtëzuar e medias ndaj princit anglez, e ka renditur atë në vendin e parë të listës së revistës "Forbes" për të princërit e princeshat më të famshëm të botës.

Djali i madh i princeshës Diana dhe i trashëgimtarit të fronit, princit Charles është në qendër të vëmendjes së medias dhe për lidhjen e tij me Kate Middleton, e cila konsiderohet si mbretëresha e ardhshme e mundshme e Anglisë. Përsa i përket princit Harry, është pak a shumë e njëjta histori, përveç se ai është modeli i princit plangprishës, i dhënë pas festave, alkolit e duhanit. Për të formuluar listën, revista "Forbes" ka llogaritur numrin e prezencave mediatike në shtypin e shkruar dhe atë elektronik, të secilit prej princërve ose princeshave. Të 20 anëtarët e familjeve mbretërore në listë përfaqësojnë thuajse 60 miliardë dollarë pasuri. Ndërkohë që disa prej tyre kanë dhe operojnë bizneset e tyre, pjesa tjetër e elitës mbretërore të botës janë studentë ose janë të përfshirë në shërbimin ndaj vendeve të tyre, si diplomaci, atletikë ose shërbim ushtarak.


1. Princi William
Djali 25-vjeçar i princit Charles dhe së ndjerës princesha Diana, renditet i pari në listën e fëmijëve mbretërore më të famshëm. Kjo për shkak të popullaritet që ka shtyp. Lidhja e tij me moshataren e tij Kate Midletton e ka vënë atë në qendër të spekulimeve për një martesë të mundshme.

2. Princi Harry
Princi Harry, ashtu si dhe në moshë, është gjithnjë një hap pas vëllait të tij, edhe në renditjet e famës. Harry është një prej atyre pjesëtarëve të familjes mbretërore që i pëlqen të zbavitet dhe të mos e vrasë mendjen shumë për imazhin. Ai është i lidhur me trashëgimtaren afrikano-jugore, Chelsy Davy.

3. Zara Phillips
Zara Phillips është princeshë nga gjaku dhe jo nga titulli. Nëna e saj, princesha Anne, vajza e mbretëreshës së Anglisë, donte që fëmijët e saj të jetonin pa tituj formalë, në mënyrë që t'ua lehtësonte jetesën. Zara është një kalorëse e shquar dhe ka fituar medaljen e artë në vitin 2006.

4. Princesha Beatrice
Beatrice është vajza e dukeshës së Jorkut, Sarah dhe dukës së Jorkut, Andrew, i cili është vëllai i princit Charles të Anglisë. Ajo është gjithashtu një anëtare e rregullt e jetës së natës në Londër dhe gazetat botojnë shpesh foto të saj, teksa del e dehur nga lokalet.

5. Charlotte Casiraghi
Charlotte është një prej atyre vajzave të famshme, por gjithashtu ka dhe gjak blu. Ajo njihet për shijen e saj në veshje dhe pamjen fotozhenike, të cilën ia atribuojnë gjyshes së saj, Grace Kelly dhe mamasë, princeshës Caroline të Monakos. Edhe pse ka lindur në Francë, ajo mbetet e katërta në vijën e fronit të Monakos.

6. Princi Sheikh Hamdan i Emirateve të Bashkuara Arabe
Sheikh Hamdam është djali i Sheikh Mohammed bin Rashid al Moktoum, kryeministër dhe zv/president i Emirateve të Bashkuara Arabe. Sheiku ka marrë titullin princ i kurorës së Dubait në shkurt të vitit 2008, me anë të dekretit të babait të tij.

7. Princesha VictoriaPrincesha Victoria e Suedisë është aktualisht femra e vetme në botë trashëgimtare e fronit. Princesha 30-vjeçare jeton me të dashurin e saj, pronarin e një palestre, Daniel Westling. Ajo është përgatitur për jetën diplomatike që prej diplomimit në universitetin "Yale" në vitin 1998.

8. Princi Azim
Princi Azim është i katërti në linjën e fronit shumë të pasur të Bruneit. Aktualisht në fron është Hassanal Bolkiah Muizzaddin Waddaulah, i cili ka një pasuri prej 22 miliardë dollarësh. Azim është i preferuari i paparacëve, për shkak të lidhjes së tij me modele dhe se shpesh ai paguan njerëzit e famshëm që të jenë të pranishëm në festat e tij.

9. Princi Carl Philip
Princi Carl Philip është i dyti në linjë për fronin e Suedisë, pas motrës së tij të madhe, Victoria. Princi i pashëm është diplomuar për "Dizajn Grafik" në shkollën "Forsberg School" në vitin 2006. Që prej asaj kohe ai ka udhëtuar në shumë vende duke bërë dokumentarë.

10. Andrea Casiraghi
Andrea është djali i madh i princeshës Caroline të Monakos. Ai është i dyti në linjë për fronin pas mamasë së tij, edhe pse kjo mund të ndryshojë, nëse zërat për mundësinë e martesës së princit Albert rezultojnë të vërteta. Andrea është i famshëm për paraqitjen e tij dhe marrëdhëniet me femrat.

11. Princi Albert
Princi gjerman, Albert von Thurn und Taxis ka qenë dikur miliarderi më i ri në listën e revistës "Forbes". Tani, në moshën 25-vjeçare ai ka një pasuri prej dy miliardë dollarësh. Kjo pasuri vjen më shumë nga asetet e tij në pronat e paluajtshme dhe biznesi.

12. Princesha Madeline
Princesha Madeline e Suedisë, e njohur si "Len" nga miqtë e saj, është me e reja nga fëmijët e familjes mbretërore. Ajo ka shkaktuar habi të madhe për trasgresionin e saj të përkohshëm adoleshent dhe veshjen shumë më pak se konservatore. Ajo është aktualisht lidhur me një asistent avokat në Stokholm.

13. Princesha Theodora
Princesha Theodora e Greqisë dhe Danimarkës është një princeshë pa pallat. Babai i saj, mbreti Constantine i Greqisë u dëbua nga pallati i tij në vitin 1967. Princesha e ka ruajtur titullin e saj mbretëror dhe i përket linjës së fronit grek dhe atij britanik.

14. Princi Wenzeslaus
Princi 33-vjeçar i Lihtenshtajnit ka marrë titullin "Princi Wence" nga media. Ai njihet më së shumti për lidhjen e tij publike me supermodelen, Adriana Lima, edhe pse ato janë ndarë tashmë. Një arsye tjetër pse ai është i famshëm është se familja mbretërore e Lihtenshtajnit është një ndër më të pasurat në Evropë.

15. Princesha Tsuguko
Princesha Tsukugo e Takamados është kushërira 22-vjeçare e perandorit të Japonisë dhe vajza më e madhe e princit Takamado. Ajo nuk shfaqet shumë në shtyp, për shkak të tabusë që nuk lejon që të ketë raportim të familjes mbretërore, përveç atij që del nga zyra mbretërore e shtypit.

16. Princesha Sirivannavari
Princesha Sirivannavari është vajza e princit të kurorës, Maha Vajiralongkorn të Tajlandës. Ajo e ka arritur famën e saj në vend si stiliste. Ajo është gjithashtu një lojtare ndërkombëtare badminton dhe ka fituar një medalje ari në lojërat e Azisë Juglindore 2006.

17. Sheikha Maitha
Në moshën 27-vjeçare, princesha e Emirateve të Bashkuara Arabe, Sheikha Maitha është një princeshë e karatesë. Ajo është njohur në shkallë ndërkombëtare si përfaqësuese e Emirateve të Bashkuara Arabe në konkurse të ndryshme karateje dhe ka fituar medaljen e argjendtë në lojërat Aziatike 2006.

18. Princesha Iman bint Al Hussein
Princesha Iman është vajza e mbretit të ndjerë të Jordanisë, Husein dhe mbretëreshës Noor e Jordanisë. Edhe pse nuk është e ekspozuar aq sa princeshat e tjera në listë, princesha Iman njihet për shërbimin e saj ushtarak. Ajo ka ndjekur Akademinë Mbretërore Ushtarake "Sandhurst" dhe ka shërbyer në ushtrinë jordaneze.

19. Princi Philippos
Princi Philippos është djali 22-vjeçar i mbretit Constantine të Greqisë dhe mbretëreshës Anne-Marie të Danimarkës. Edhe pse familja e tij është dëbuar nga pallati mbretëror në Greqi, para se ai të lindte, ai dhe motra e tij i mbajnë titujt mbretërorë.

20. Princesha Sikhanyiso
Vajza e mbretit Mswati III i Suazalandit, princesha Sikhanyiso është pjesë e monarkisë së fundit absolute që ekziston në botë. Ajo është e famshme për fjalimet e saj kundër rendit patriarkal, si dhe për veshjen e saj perëndimore dhe karrierën e muzikës hip-hop. Ajo studion aktualisht në Kaliforni.

[ReniX]

Sikur te ishim ndonje nga keta

ata dy te paret nje her e ndrisin fare