4 NENTOR zgjedhjet ne USA

[kuklla]

Kandidatët për Shtëpinë e Bardhë zhvilluan një garë frenetike këtë fundjavë për të bindur zgjedhësit e fundit të votonin për ta. Në një xhiro të shpejtë në shtetet me peshë më të madhe elektorale, demokrati Barak Obama dhe republikani Xhon Mekkein u kërkuan votuesve të tregohen të kujdesshëm ditën e zgjedhjeve. Ata premtuan të dy ndryshimin e fytyrës së Amerikës, më shumë rritje ekonomike dhe më pak taksa; qëllime elektorale të dy kandidatëve me profile kaq të ndryshme politike.
Obama, liberal
i SHBA-së
Senatorët e Shteteve të Bashkuara nuk konsiderohen zakonisht si "Rock star"-ë apo me epitete të tjera që u shkojnë më shumë për shtat këngëtarëve e aktorëve. Por, Barak Obama nuk është senator i zakonshëm dhe shumë pak prej kolegëve të tij adhurohen si ai nga publiku i gjerë. Obama është amerikani i parë me ngjyrë që kandidohet për presidencën nga dy partitë e mëdha amerikane në historinë e Amerikës. Senatori siguroi kandidimin e demokratëve pas një beteje të gjatë dhe të vështirë me ish-zonjën e parë të Amerikës, Hillari Klinton - garë kjo që u ndoq me gojëhapur nga amerikanët që nga janari, deri në qershor të këtij viti. Biri i një keniani dhe një amerikaneje të bardhë nga Kansas, Obama tregoi historinë e jetës së tij në një fjalim që reflektonte idealet tradicionale të Amerikës, besimin tek vetja dhe aspirimin për të arritur më shumë. Ai ka thyer rekordin për mbledhjen e fondeve duke përdorur internetin për të mbledhur donacione të vogla nga shumë mbështetës të vegjël tij dhe nga donatorë të pasur. Si senator, ai ka reputacionin e një liberali të patundur, por në të njëjtën kohë ka punuar së bashku me kolegë republikanë për çështje si ndërgjegjësimi dhe parandalimi i AIDS.
Heroi Mekkein
Hero lufte, pa dorashka dhe disident politik, senatori republikan, Xhon Mekkein është ngjitur në shkallët e hierarkisë së politikës në Amerikë dhe është bërë një zë i fuqishëm në çështjet ushtarake dhe ato të politikës së jashtme. Nëse kandidatura e tij për Shtëpinë e Bardhë, i vetëcilësuar si 'konservator me gjykim të shëndoshë', do të kishte sukses, ai do të ishte presidenti më i moshuar që do të bënte betimin në këtë post për mandatin e parë. Përfaqësues i vijës së ashpër në fushën e politikës së jashtme, z. Mekkein është një nga mbështetësit më të fuqishëm të luftës në Irak dhe ka mbështetur përforcimin e trupave amerikane atje nën drejtimin e gjen. David Petraeus. Mekkein ka kundërshtuar haptazi transportimin e të dyshuarve për terrorizëm në burgje sekrete, në vende ku përdoren metoda më të ashpra të marrjes në pyetje dhe përdorimin e torturës. Ai ka qenë ndër përkrahësit e legjislacionit që ndalon trajtimin mizor, çnjerëzor dhe degradues të të dyshuarve për terrorizëm. Ai thotë se është konservator fiskal dhe se beson në një buxhet të balancuar. Sondazhet i japin atij më pak shanse për të fituar, por asgjë nuk mund të jetë e vendosur deri në momentin e fundit.

[kuklla]

SHEKULLI
Nëse sondazhet nuk do të “tradhtohen” nga vota, sot Shtetet e Bashkuara të Amerikës do të zgjedhin të parin president me ngjyrë në historinë e tyre: demokratin Barack Obama.

Republikani John McCain shpreson në surprizën e orëve të fundit dhe sonte do të jetë në Kolorado dhe Neë Mexiko. Obama ka mbyllur fushatën në Virginia dhe sot zhvillon takimet e fundit në Indiana. Në këto orë ai pati edhe një humbje familjare: vdekjen e gjyshes së tij.

Sarah Palin është liruar nga një komision etike në Alaska, prej akuzave për abuzim pushteti në çështjen 'Troopergate'.

Kutitë e fundit të votimit do mbyllen pikërisht në Alaska në orën 24.00 me orën lokale, 6 e mëngjesit nesër në Shqipëri.

Pritet një pjesëmarrje e lartë. Do të votohet edhe për të rinovuar Dhomën dhe një pjesë të Senatit.

Ka edhe një rezultat të parë vjen nga New Hampshire: 15 vota për Obamën dhe 6 për McCain.

[ReniX]

Obama president: Asgjë e pamundur në Amerikë. Po, ne mundemi!
Senatori demokrat Barack Obama është zgjedhur si presidenti i parë me ngjyrë i SHBA-së.

BBC
Merkure, 05 Nentor 2008 08:17:00
Senatori demokrat Barack Obama është zgjedhur si presidenti i parë me ngjyrë i SHBA-së.
Ndërsa zoti Obama kapërceu kufirin e fitores, pati shenja gëzimi në një park në Çikago ku janë mbledhur dhjetëra mijëra vetë.
Korrespondenti i BBC Justin Webb thotë: "Në çdo nivel Amerika do të ndryshoje si rezultat- impakti do të jetë kaq i thellë saqë kombi asnjëherë nuk do të jetë më i njëjtë."
Presidenti i porsazgjedhur amerikan Barak Obama foli para një numri të madh përkrahësish në Çikago. Ai tha se zgjedhja e tij historike tregon se Amerika është vendi i mundësive të mëdha.

Në fjalimin e fitores, Obama tha "Nëse ka njeri që ende dyshon se Amerika është vend ku çdo gjë është e mundur, që ende vret mendjen nëse ëndrra e themeluesve tanë është gjallë në epokën tonë, që ende vë në pyetje fuqinë e demokracisë sonë, sonte keni përgjigjen."
Zoti Obama tha se vendi përballej me disa nga sfidat më të mëdha në qindra vite:

"Ne e dimë se sfidat që do të sjellë e nesërmja janë më të mëdhatë në jetën tonë - dy luftra, një planet në rrezik, kriza më e rëndë financiare në shekull. Edhe kur qëndrojmë këtu sot, ne e dimë se ka amerikanë të guximshëm që po zgjohen në shkretëtirat në Irak dhe malet në Afganistan duke rrezikuar jetën."
Fitorja e tij përballë republikanit John McCain erdhi si rezultat i përkrahjes nga të rinjtë, afrikano-amerikanët dhe gratë.
Duke pranuar humbjen, zoti McCain tha se ai admiroi fushatën e zotit Obama.
Zoti Obama mori shtetet kyçe të Pennsylvania-së dhe Ohio-s, para se të kapërcente shifrën prej 270 votash të kolegjit elektoral, kur projeksionet treguan edhe fitore në Kaliforni dhe në disa shtete të tjera.
Më pas erdhi lajmi se ai kishte fituar edhe në Florida, Virginia dhe Colorado - të gjitha votuan për republikanët në 2004 - duke i shndërruar këto shtete nga të kuqe në blu.
Ne shqip nga Shekulli

[Insomnia]

Nuk doja fare te fitonte zgjedhjet, por ja qe c'ka dua une, nuk ka rendesi...
Te shohim c'do te bej...!

[kuklla]

edhe se jam e djathte, shpresoj se Obama eshte mjaft i rendesishem per rizhvillimin e ekonomise amerikane dhe boterore.