E Enjte, 08 Shkurt 2007
Ngjarje e rende ne fshatin Cerrice te Skraparit. Babai 65-vjecar ka vrare per motive te dobeta djalin e tij te vetem. Policia ka shpallur ne kerkim autorin, qe me armen e krimit eshte larguar duke u fshehur ne mal

Eriola HAZIZOLLI

SKRAPAR - Nje 65-vjecar nga fshati Cerrice i rrethit te Skraparit ka vrare mengjesin e djeshem djalin e tij 30-vjecar ne grindje e siper. Sherri ne familjen Mersinasi ka filluar per parate e bagetive qe djali kishte shitur disa dite me pare ne pazar. Teksa babe e bir kane shkembyer replika te ashpra, Hajdar Mersinasi ka rrembyer sepaten dhe ka goditur ne shpatull djalin e tij te vetem, Gazmorin. Me pas ka marre nje automatik tip “Kallashnikov” dhe ka leshuar nje bresher plumbash mbi trupin e 30-vjecarit, i cili ka nderruar jete rruges per ne spitalin e Corovodes.

Mengjesi fatal

Prej disa ditesh Hajdar Mersinasi nuk po arrinte ta gjente esell djalin e tij te vetem, Gazmorin. Nje jave me pare i kishte thene te merrte disa krere bageti dhe t’i shiste ne pazar, pasi familja Mersinasi po kalonte nje moment veshtiresish ekonomike. Por ne shtepine e vogel te Mersinasve ne fshatin Cerrice te komunes Zhepe nuk kishin ardhur as bagetite dhe as parate. Djali vinte cdo nate i dehur dhe ishte e pamundur t’i kerkoje sqarime. Mengjesin e djeshem, Hajdar Mersinasi kishte vendosur te cohet heret dhe te priste derisa te zgjohej i biri. Rreth ores 07.30, Gazmor Mersinasi ka dale ne oborrin e shtepise, por nuk ka mundur dot te hape porten e jashtme per te dale si perdite, pasi 65-vjecari Hajdar Mersinasi i ka zene rrugen.

Vrasja

Babai i ka kerkuar te birit te sqaroje se cfare eshte bere me 200 mije leket e perfituara nga shitja e bagetive, te cilat ishin prone e familjes. Mes te dyve mesohet te kete lindur nje zenke dhe me pas nje sherr. Kater motrat dhe nena e 30-vjecarit kane nderhyre per te shuar grindjet, por ishte vone. Burime nga policia e Skraparit bejne te ditur, se plaku i shtepise ka rrembyer nje sepate dhe ka qelluar ne shpatull djalin e tij te vetem. Menjehere ka marre ne dore nje automatik tip “Kallashnikov”, te cilin e mbante pa leje, ka qelluar disa here mbi trupin e Gazmor Mersinasit dhe eshte larguar me shpejtesi nga banesa. Familjaret e tjere, te tronditur, kane kerkuar ndihmen e fqinjeve dhe kane nisur ne drejtim te spitalit te Corovodes te plagosurin. Por ky i fundit mesohet se ka nderruar jete pak caste me pas, ne automjetin qe sapo kishte dale nga fshati.

Policia

Burime zyrtare te Komisariatit te Policise se Beratit bene me dije, se ngjarja ka ndodhur rreth ores 07:30 ne banesen e familjes Mersinasi, ne dalje te fshatit Cerrice, rreth 36 km larg qytetit te Corovodes. Sipas policise, vrasja ka ndodhur per motive te dobeta. Banore te fshatit kane kerkuar ndihmen e uniformave blu. Ne vendin e ngjarjes kane mberritur eksperte te Komisariatit te qytetit te Corovodes, mjeku ligjor dhe dhjetera forca policie. Paraprakisht eshte konstatuar se 30-vjecari ka gjetur vdekjen si pasoje e disa plageve te shkaktuara me arme zjarri ne trup dhe nje tjeter plage te shkaktuar me arme te ftohte, sepate. Policia pas marrjes se deklarimeve mbi ngjarjen, nga nisur nga puna per zbardhjen e plote te saj.

Kerkimi i autorit

Dhjetera forca policie jane vene ne kerkim te 65-vjecarit ne pyjet dhe shtigjet malore te zones se Cerrices. Policia tha se eshte ne gjurme te autorit, por terreni i thyer dhe kushtet jo te favorshme klimatike me reshje debore, kane veshtiresuar kerkimet per kapjen e autorit. Sipas burimeve zyrtare te Komisariatit te qytetit te Corovodes, ngjarja rezulton pjeserisht e zbardhur. “Vrasja ka ndodhur per motive te dobeta brenda familjes dhe pritet vetem prangosja e autorit per zbardhjen perfundimtare te kesaj ngjarjeje te rende”, - kane bere te ditur burimet nga uniformat blu.



PRECEDENTET

Kaq shume vrasje ne familje

Ky eshte rasti i pare i vrasjes brenda familjes i shenuar per kete vit ne qarkun e Beratit dhe i pesti gjate 12 muajve te fundit. Ne 26 janar te vitit te kaluar, Fatime Xhafa, 62 vjece, vrau ne fshatin Pobrat te rrethit te Beratit bashkeshortin e saj, Mecan Xhafa, 65 vjec, pasi ky i fundit ushtronte ndaj saj dhune sistematike. Ne 29 korrik, Kadri Cili, 73 vjec, ne fshatin Vertop po te ketij rrethi, vrau me sepate djalin e xhaxhait, Bedri Cilin, 67 vjec, ne grindje e siper. Ne 2 tetor Lindita Shuka vrau bashkeshortin e saj, Besnik Shuken, pasi ky i fundit e dhunonte, ndersa ne 18 tetor, Ismail Leca, 37 vjec, vrau me arme te ftohte bashkeshorten e tij, Natasha Leca, 34 vjece, per motive xhelozie.

(c) korrieri shqip