Te rejat rreth Teknologjise

[rrugaci i vogel]

U lodhet me kaq shume informacione more djema pushoni pak, sidoqofte rrofshi per infot shum interesante....

[Kliton]

Dy dekada pas shpërthimit të centralit bërthamor të Cernobilit, rrezatimi po shkakton ende pakësimin e numrit të insekteve dhe merimangave.
Sipas një grupi kërkuesish që studiojnë zonën rreth Cernobilit, vihen re sinjale të forta të uljes se insekteve dhe ndotjes. Grerezat, karkalecat, fluturat, pilivesat dhe merimangat janë pakësuar. Zbulimi është publikuar në revisten “Biology Letters”.
Dy kërkues amerikanë kishin deklaruar më parë se niveli i rrezatimit në këetë zonë kishte ndikuar edhe tek zogjtë dhe tani studimet janë shtrirë tek insektet, ndërsa më vonë do të vazhdojnë me gjitarët dhe bimët.


Indi, zbulohen bakterie të panjohura nga shkenca



Bakterie të panjohura deri më sot nga shkenca janë gjetur rreth 40 km nga planeti Tokë.

Zbulimin e ka bërë një top aerostatik i Indian Space Research Organization dhe bakteriet janë quajtur Bacillus Isronensis, Bacillus Aryabhata e Janibacter Hoylei. Topi aereostatik me peshe 459 kilograme u leshua nga baza e Hyderabad ne jug te Indisë për të mbledhur kampione ne lartesite nga 20-41 km prej siperfaqes se Tokes.

Sipas kërkuesve, një prej tezave mund të jetë se bakteriet mund te jenë leshuar ne ambient mijera vjet me pare nga aktivitetet vullkanike të Tokës, duke u pershtatur edhe ne kete latresi ku ativiteti i rrezeve ultraviolet eshte i larte.

Por ajo që ngjall më shumë interes është pista se prejardhja e bakterieve mund të jetë nga objektet e paidentifikuara fluturuese ose alienët, gje te cilën e besojnë shumë pak vetë në ekpinin e studimit.


Celularët dëmtojnë zonën e të menduarit



Fushat magnetike që përçojnë celularët ndikojnë shumë në aktivitetin celebral.

Në këtë përfundim kanë dalë disa shkencetarë italianë, të cilët e kanë publikuar studimin në revisten "Journal of Cerebral Blood Flow & Metabolism".

Ekspozimi ndaj fushave magnetike ndryshon menyren tone të të menduarit pasi ndikon në disa zona të trurit që kanë lidhje me marrjen e vendimeve, mendimin krijues dhe përqendrimin. Rreziku që sjellin celularët në trurin tonë është i njëjtë edhe në momentin që aparatet janë të fikur por ndodhen pranë.

Gjithësesi, sipas shkencëtareve, nëpërmjet këtij studimi nuk mund të jepen rezultate përfundimtare pasi nuk janë vërtetuar ende efektet afatgjata në trupin e njeriut. Nga ana tjetër, vërtetohet se efektet afatshkurtra janë të dukshme.


SHBA, shpiket bateria që karikohet për 10 sekonda



Shkencëtarët amerikanë kanë shpikur një bateri që karikohet shumë herë më shpejt se ato ekzistueset. Zbulimi i publikuar në revisten “Nature” pritet të shkaktojnë një revolucion në pajisjet dhe makinat elektrike.

Edhe celularët do të mund të karikohen brenda pak minutash, ose sekondash. Kërkuesit e Massachusetts Institute of Technology thonë se do të duhen vetëm dy vjet që bateri te tilla të dalin ne treg.

Sekreti qendron ne materialin e ri të baterive me jone litiumi, që kane një shtresë speciale që lejon karikimin dhe shkarkimin dhjetëra herë më të shpejtë se në rastin e baterive ekzistuese. Ajo mund të përdoret edhe për energjinë e erës dhe atë diellore.

Shkencëtari Gerbrand Ceder shprehet entuziast se një celular do te mund te karikohet per dhjetë sekonda dhe shumë shpejt edhe makinat elektrike do të bëhen më praktike. Karikimi për bateritë e tyre do të zgjasë 5 minuta.

Bateritë me litium të veshur kanë edhe një tjetër avantazh tjetër, pasi materiali i tyre konsumohet me pak kur karikohen dhe shkarikohen.

[Kliton]

Muaji i dytë i vitit 2009 ka sjellë një situatë pak më ndryshe në tregun e shfletuesve të internetit në krahasim me janarin sa i përket faktit se cili shfletues po ja vjedh kujt përdoruesit, por një trend mbetet i njëjtë, Internet Explorer çdo ditë e më shumë po e humb betejën kundër Firefox.

Dallimi në mes dy shfletuesve të përmendur ka rënë nën 50 për qind, edhe pse Internet Explorer edhe më të tutje mbetetsundimtar i kësaj pjese të tregut.

Siç raportojnë analistët e kompanisë NetApplications, gjatë muajit shkurt numri i përdoruesve të Internet Explorer ka rënë në pjesëmarrjen prej 67.44 për qind, derisa numri i përdoruesve të Firefox është rritur në 0.24 për qind dhe tani përbën 21.77 për qind.

Safari është radhitur në vendin e tretë me pjesëmarrje prej 8.29 për qind, Google Chrome në të katërtin me 1.15 për qind dhe Opera në vendin e pestë me pjesëmarrje prej 0.71 për qind.

[Kliton]

Sipas informatave nga faqja gjermane e internetit Netbooknews, në linjën ekzistuese të kompjuterëve Mini të kompanisë Dell do të mund të paraqitej edhe një kryqëzim në mes të laptopit dhe netbookut prej 11 inçësh.

Informatat e “rrjedhura” në publik nga Dell zbulojnë se bëhet fjalë për një kompjuter bartës me diagonale prej 11.6 inç. Më së shumti ka gjasa që të jetë i bazuar në platformën e Intel me procesor të voltazhit ultra të ulët, derisa do të vjen me 2 GB RAM, disk prej 250 GB dhe Windows XP apo Vista..

Koha e pritur e lansimit të tij në treg është fundi i tremujorit të dytë apo fillimi i të tretit me çmim të rekomanduar të shitjes prej 500 dollarësh – për tregun amerikan.

[Kliton]

Të dhënat e fundit mbi specifikat e standardit të ri zbulojnë se Bluetooth 3.0 do të mbështesë shpejtësitë e bartjes së dhënave sikur edhe Wi-Fi.

Bluetooth SIG para lansimit zyrtar ka publikuar detajet e standardit Bluetooth 3.0. Sipas informacioneve të fundit, nga paraardhësi i tij Bluetooth 2.0, standardi i ri do të jetë disa herë më i shpejtë.

Sipas specifikave të paralajmëruara, versioni i tretë do të duhej të ofrojë shpejtësi të bartjes së dhënave sikur edhe Wi-Fi. Po ashtu, teknologjia e re Enhanced Power Control do të ndihmojë në ruajtjen e lidhjes edhe nëse pajisja gjatë bartjes së dhënave mbyllet, sa për shembull, nëse vendoset në xhep apo çantë.

Detajet shtesë do të publikohen më 21 prill, kur specifikat e këtij standardi do të publikohen edhe zyrtarisht. Se kur Bluetooth 3.0 do të mund të paraqitej në produktet e reja nuk dihet.

[Kliton]

Filiali amerikan i T-Mobile ka paralajmëruar konferencën për gazetarë, detajet nuk janë publikuar, por supozohet se është duke ardhur Androidi i dytë me radhë.T-Mobile më 21 prill në New York do të mbaj konferencën të veçantë për gazetarë. Detajet nuk janë bërë të ditura, por thuhet se do të mund të bëhej paraqitja zyrtare e celularit të ri HTC Magic, i njohur nën emrin T-Mobile G2.

Konferencën e fundit të ngjashme T-Mobile e ka mbajtur gjatë muajit shtator të vitit të kaluar kur është paraqitur celulari i parë me sistemin operativ Android të kompanisë Google, ai HTC Dream.

Modeli i ri G2 do të jetë pa tastierë harduerike, derisa do të ketë ekran 3.2 inçësh, mirëpo në dimensione më të vogla të shtëpizës.

[Kliton]

Gjatë muajve të kaluar ne kemi "marrë informacion, një grumbull fotosh dhe disa supozime për modelin E75 ... Së fundi, kompania Nokia lajmëroi që do të fillojë me shitjen e telefonit celular E75.

Ky rrëshqitës (slajder) kur hapet, paraqet një tastierë QWERTY plotësisht të hapur, dhe përmban ndërfaqen e përdoruesit nga Nokia. Interfejsi i këtij telefoni ka mbulim për Microsoft Exchange, dhe aty janë edhe N-Gage, funksionet për lojëra.

Specifikat tjera përfshijnë një kamerë me 3,2 mega-piksel, mbështetje për GPS, WiFi, FM radio dhe Bluetooth. Kur bëhet fjalë për mbështetjen e rrjetit, ky model posedon quadband Nokia E75 GSM dhe dualband (900/2100) HSDPA.

Të gjitha funksionet që janë kryer janë të shqyrtuara në ekranin e madhësisë 2,4 inç, e cila ofron imazhin në zgjidhjen e 240 x 320 piksels. Nga shërbimet janë të pranishme, Ovi Files dhe Nokia Maps.

[Kliton]

Filiali amerikan i T-Mobile ka paralajmëruar konferencën për gazetarë, detajet nuk janë publikuar, por supozohet se është duke ardhur Androidi i dytë me radhë.

T-Mobile më 21 prill në New York do të mbaj konferencën të veзantë për gazetarë. Detajet nuk janë bërë të ditura, por thuhet se do të mund të bëhej paraqitja zyrtare e celularit të ri HTC Magic, i njohur nën emrin T-Mobile G2.

Konferencën e fundit të ngjashme T-Mobile e ka mbajtur gjatë muajit shtator të vitit të kaluar kur është paraqitur celulari i parë me sistemin operativ Android të kompanisë Google, ai HTC Dream.

Modeli I ri G2 do të jetë pa tastierë harduerike, derisa do të ketë ekran 3.2 inзësh, mirëpo në dimensione më të vogla të shtëpizës.

[Kliton]

Microsoft ka njoftuar se në muajin maj do të nxjerrë në treg edhe një 'mouse' nga familja SideWinder- modelin SideWinder X3.

Me një dizajn më pak të kufizuar dhe më dimensione më të vogla nga i mëparshmi, ky është modeli i parë me formë simetrike, i cili iu përshtatet edhe djathtakëve edhe majtakëve.

Hardueri tashmë është i ditur, laseri është me rezolucion 2.000 dpi me mundësi të rregullimit të rezolucionit me ndihmën e tasteve të veçanta.

Përveç performancave të jashtëzakonshme, Microsoft-i ka qenë i kujdesshëm edhe në çmim, i cili është 39.95 dollarë.

[Kliton]

Laboratori hulumtues i kompanisë Fujitsu ka zhvilluar një prototip të USB-së, i cili duhet t’i ruajë me siguri të madhe të dhënat e kopjuara në të.

Humbja apo vjedhja e USB-memories do të thoshte edhe zbulim i informatave sekrete të kompanive të ndryshme, ndërsa këtë gjë Fujitsu planifikon ta ndalojë me dy mënyra teknologjike: fshirjen automatike të të dhënave dhe me devijimin e tyre.

Fshirja automatike e të dhënave mund të rregullohet për një periudhë të caktuar (p.sh. 24 orë) dhe USB-memoria do të mund të funksionojë vetëm në kompjuterin përkatës. Nëse USB-memoria nuk vendoset në kompjuterin e duhur dhe nëse kalon koha e caktuar, të dhënat do të fshihen në mënyrë automatike, ndërsa për këtë janë përgjegjës procesori dhe bateria.

Me anë të devijimit të të dhënave pamundësohet kopjimi i materialit nga USB-ja në një kompjuter tjetër: të dhënat ndryshohen drejtpërsëdrejti në USB dhe kopjimi i tyre është i mundur vetëm në serverin e korporatës përkatëse.

[Kliton]

Apple është bindshëm prodhuesi më udhëheqës i kompjuterëve personal sipas kënaqësisë së blerësve, pasuar nga Gateway, HP, Compaq e Dell.

Në hulumtimin më të ri të kënaqësisë së blerësve të kompjuterëve personalë në Shtetet e Bashkuara të Amerikës të cilën e ka kryer kompania Forrester Research notat bindshëm më të mira i ka marrë kompania Apple.

Me notë kënaqësie prej 80% Apple është dukshëm para të plasuarit të dytë Gateway përdoruesit e të cilit janë shprehur 66% të kënaqur, e pasohet nga HP, Compaq e Dell.

Gateway është prodhuesi i vetëm i kompjuterëve të bazuar në sistemet operative Windows me mbi 65% të përdoruesve të kënaqur, që sipas vlerësimit të Forrester mjafton të vlerësohet si “në rregull”, derisa për mbi 80% përdorues të kënaqur të Apple kanë marrë notën “e mirë".

[Kliton]

Gjatë muajit maj apo qershor Nokia ka për qëllim të paraqes trashëguesin e telefonit të mençur muzikor 5800 XpressMusic, së paku nëse mund t’i besohet informatave të portalit DigiTimes.

Supozohet se kompania tanimë ka porositur një numër të madh të ekraneve të ndjeshme në prekje, të mjaftueshëm për prodhimin fillestar të dy milionë pajisjeve.

Mirëpo ekranet e reja janë të llojit capacitive, të ngjashëm me ata që Apple dhe prodhuesit tjerë integrojnë në pajisjet e tyre. Kjo do të thotë se blerësit me këtë Nokia do të mund të udhëheqin nëpërmes gishtave, pa pasur nevojë për stylus.

[Kliton]

OLPC (One Laptop per Child) ka njoftuar se në versionin e ri të laptopëve XO do të largohet nga procesori Geode i kompanisë AMD. Si zëvendësim, do të përdoret ai C7-M i kompanisë VIA i cili punon në frekuencat prej 400 MHz deri në 1 GHz, varësisht nga ngarkesa.

Përveç procesorit të ri, XO do të pajiset me chipset të ri me përshpejtim 3D, mundësi të dekodimit të video materialeve high definition (HD) dhe me sistemin surround të zërimit. Kapaciteti i memories punuese do të rritet në 1 GB, derisa hapësira e diskut në 4 GB apo, si opsion, në 8 GB. Po ashtu është paralajmëruar edhe përmirësimi i ndriçimit të paraqitjes në ekran.

Përdorimi i komponentëve të ri do të mundësoi çmimin më të ulët për përdoruesit. Prototipat e parë pritet të paraqiten gjatë muajit gusht.

[Kliton]

Kompania 3Dconnexion, e cila është formuar nga Logitech, në vitin 2001 është e njohur për prodhimin e 3D mouse’ve, të cilët janë interesant dhe të pazakonshëm për nga dizajni dhe projektimi.

Eksperimenti i fundit me dizajn, është SpacePilot PRO mouse – pajisja masive që duket që do të vijnë nga stacioni hapësinor. Në thelb, ky mouse kryesisht i ngjan një gejm ped’i që përdoret për të luajtur video lojëra.

SpacePilot PRO ka LCD ekran me ngjyra, i cili jep informacion në lidhje me të dhënat, dhe këtë e bën duke përdorur çelësat funksional, si dhe qasjen direkte në aplikacione të tilla si Outlook, Kalendari, Task list, e-mail dhe të tjera.

Mousi është dizajnuar për të përparuar navigacionin MCAD, me pesë taste me funksion të dyfishtë. Këto taste mund të jenë të programuara për të zbuluar gabimet.

SpacePilot PRO është kompatibil me Windows XP dhe Vista, SuSE9.3, Solaris 8 dhe 10 dhe Redhat Enterprise WS 4 sistemeve, dhe shitet me një çmim prej 500 dollarësh amerikanë.

[Kliton]

Operatori i dytë më i madh i telefonisë mobile në Japoni, KDDI au, e ka zbuluar modelin e vet të parë veror të celularit i cili do të bëj revolucion në treg.

Në fakt, kompania KDDI au në bashkëpunim me atë Sharp këtë verë do të paraqes celularin e vet rezistues ndaj ujit, bateria e të cilit do të mbushet me anë të energjisë solare.

Bateria e këtij telefoni do të jetë e plotë vetëm pas dhjetë minutash të ekspozimit në dritën e diellit, derisa specifikat tjera si dhe emërtimi nuk janë bërë të njohura.

Lajmi më së shumti i ka gëzuar aktivistët për mbrojtjen e mjedisit të cilët për nj kohë të gjatë tërheqin vërejtjen për materiet e dëmshme të baterive të hedhura të celularëve të cilat ndotin mjedisin.

Celulari i ri në tregun japonez vjen në muajin qershor, derisa plane për zgjerimin e tregut tani për tani nuk ka.

[Kliton]

Samsung për këtë vit ka paralajmëruar shitje prej së paku dy herë e gjysmë më mirë të laptopëve se sa ka qenë në vitin 2008. Në tregun botëror planifikon të shes gjithsej pesë milionë laptopë.

Gjatë vitit 2008, Samsung në përgjithësi ka shitur dy milionë laptopë me të cilën gjë në listën e prodhuesve ka arritur të zë vendin e dhjetë. Nëse përmbushen parashikimet e bëra, Samsung në atë listë do të mund të ngjitej në vendin e shtatë.

Në tregun e netbookëve, prodhuesi korean deri në fund të vitit shpreson të rris pjesëmarrjen e vet nga 5% sa janë tani në 15%.

[Kliton]

Firefox 3.0.10 sjell me vete rregullimin e problemit me “rrëzimin” e shfletuesit dhe korruptimin e memories, probleme këto të cilat ishin integruar në versionin 3.0.9

Vetëm disa ditë pas lëshimit të versionit 3.0.9 Mozilla ka lëshuar edhe versionin 3.0.10 të shfletuesit të vet të internetit Firefox në të cilin janë rregulluar gabimet e lëshuara në versionin paraprak.

Shumicës së përdoruesve versioni i ri do t’u vjen me anë të funksionit të integruar për përditësim automatik, derisa mund të shkarkohet edhe nga faqet zyrtare të Mozillas.


Mozilla Firefox

[Kliton]

Kompania Samsung ka paraqitur një disk të jashtëm në shtëpizën e vendosur horizontalisht nga alumini i lëmuar.

Përparësia më e madhe e serisë së pajisjeve Story nga Samsung është se nuk duken aspak si disqet e jashtme të forta. Të gjithë ata që janë lodhur nga shtëpizat e plastikës të cilat kryesisht i shohim në këto lloj pajisjesh do të dinë të vlerësojnë diçka që duket se pjesë e ndonjë sistemi muzikor - Hi-Fi.

Sa u përket specifikave, disqet do të janë në dispozicion me kapacitete prej 500 GB si dhe 1 e 1.5 TB. Ata do të janë të pajisur me qasjen USB 2.0 si dhe me softuerin e Samsung për ruajtjen e sigurt të dhënave në kohë reale, me mundësi të enkriptimit dhe mbrojtjes së dhënave me fjalëkalim.

[Kliton]

Kompania "General Electric" ka paraqitur diskun optik me kapacitet prej 500 gigabajt, respektivisht 100 DVD disqe.

Disku mikroholografik është i të njëjtës madhësi sikur disqet ekzistuese DVD, derisa ai është i dedikuar për arkivimin e të dhënave. "General Electric" beson se edhe përdoruesit e rëndomtë do të mund ta përdornin në playerët shtëpiak, transmeton BBC.

Disqet Blue ray, të cilët shërbejnë për incizimin e filmave me definicion të lartë, aktualisht kanë kapacitet prej 25 deri në 50 gigabajt.

Disqet mikroholografike i ruajnë informacionet në tri dimensione, e jo vetëm në sipërfaqe të diskut, dhe mu për këtë arsye kapaciteti i tyre është dukshëm më i madh.

[Kliton]

Klonimi i pajisjeve të popullarizuara, siç është ai i iPhone i kompanisë Apple, apo Touch i kompanisë HTC, është bërë aq i rëndomtë sa që nuk paraqet befasi kur një imitim i ri paraqitet në treg.

Për kualitetin e telefonave të klonuar mund të diskutohet (ndodhë të kanë mundësi të cilat nuk gjenden as në pajisjen origjinale, por gjithashtu shpesh u mungojnë disa opsione), derisa nga pikëpamja e dizajnit kryesisht bëhet fjalë për imitime të mira.

Kloni më i ri, i cili vjen nga prodhuesi kinez i telefonave të klonuar HiPhone, është ai Nano N3+. Bëhet fjalë për një telefon me kapak dhe dizajn të bukur të maskës.

Pajisja ka butonin “click” dhe pamja e tij ngjan pothuajse tërësisht në iPod Nano. Ekrani i tij është 2.8 inçësh QVGA i ndjeshëm në prekje, me të cilën vjen edhe lapsi stylus.