Shqipëria siguron vizën për NATO

[Kliton]

Është mbyllur procesi i ratifikimit të protokolleve të anëtarësimit të Shqipërisë në NATO, pasi edhe dy shtete të fundit, Greqia dhe Holanda, kanë votuar pro këtij protokolli. Me këto vendime përfundon procedura e ratifikimit të protokolleve nga parlamentet e të gjitha vendeve anëtare të NATO-s, dhe i hapet rruga anëtarësimit të plotë të Shqipërisë në Aleancë, në samitin e ardhshëm të Strasburg-Kehl-it.

Me këtë rast, Ministria e Punëve të Jashtme të Shqipërisë ka falënderuar të gjitha vendet anëtare të Aleancës për impenjimin e dëshmuar, në përmbushje të angazhimit politik, të marrë gjatë Samitit të Bukureshtit, për të ratifikuar Protokollet e Anëtarësimit përpara Samitit të prillit 2009.

Ministria e Punëve të Jashtme vlerëson gjithashtu se, periudha e shkurtër - vetëm disa mujore, gjatë së cilës u realizuan të gjitha ratifikimet, është një shprehje tjetër e mbështetjes së vazhdueshme dhe të pakursyer që vendet anëtare të NATO-s i kanë dhënë Shqipërisë në rrugën e saj të integrimit euroatlantik.

Duke përfituar nga ky rast i shënuar, Ministria e Punëve të Jashtme i ka siguruar vendet anëtare të NATO-s se Shqipëria është e gatshme për tu përballur me përgjegjësitë dhe detyrimet që rrjedhin nga anëtarësimi në këtë Aleancë dhe është plotësisht e vendosur për të vijuar procesin e reformave në drejtim të konsolidimit të mëtejshëm institucioneve dhe shtetit ligjor, me qëllim përmbushjen e standardeve të nevojshme që kërkon integrimi euroatlantik.

Në samitin e muajit prill të krerëve të vendeve të NATO-s, pritet që Shqipëria dhe Kroacia të bëhen anëtare me të drejta të plota në Aleancën e Atlantikut.

Megjithatë, tashmë e vetmja pengesë mbetet Sllovenia. Parlamenti slloven e ka miratuar Protokollin e anëtarësimit në NATO të Kroacisë dhe Shqipërisë, edhe me votat e partive kryesore të opozitës. Por presidenti i vendit nuk e ka firmosur dekretin, për shkak të kërkesës së grupeve nacionaliste për një referendum për këtë çështje, zyrtarisht për shkak të problemeve të vjetra kufitare, mes Sllovenisë dhe Kroacisë.

Sidoqoftë, pritet që deri të referendumi nuk do të vije fare, sepse ai kundërshtohet nga shumica e partive sllovene.

[kuklla]

ne nato e pranuan , pse nuk e pranojne dhe ne BE, APO ATY SKA E KANE NEVOJEN.

[Kliton]

Ne BE eshte heret duhet te presim ne 2015,po kush na fut ne BE ne,ne kemi korrupsionin te parin ne lulzim e siper,dhe sa e sa gjera te tjera!

[kuklla]

ate e di por gjyna populli qe nuk leviz dot, vuajne neper ambasada per njue cope vize

[Kliton]

5 jave perpara samitit te NATO-s ne Strasburg dhe Kel, ambasadori amerikan ne Tirane, John Withers, ka bere nje pohim te qarte dhe direkt per pozicionin e pritshem te Shqiperise ne aleance.
Ne nje tryeze te perbashket pune me mazhorancen dhe opoziten, ambasadori Withers nuk le hije dyshimi per anetaresimin e vendit tone ne aleance.

“Ne me pak se dy muaj, Shqiperia do te behet anetare e NATO-s me te drejta dhe privilegje te barabarta. Po e perseris edhe nje here sepse tingellon bukur: me te drejta dhe privilegje te barabarta”, u shpreh Withers.

Nje qendrim i tille i ambasadorit amerikan duket se nuk eshte rastesor. Nje dite me pare, ne samitin joformal te ministrave te Mbrojtjes ne Krakov te Polonise, ku ishte i pranishem edhe ministri shqiptar, Gazmend Oketa, sekretari i Pergjithshem i NATO-s, Jap de Hop Skefer eshte shprehur i shqetesuar, vecanerisht per Kroacine, kunder te ciles nje parti e vogel nacionaliste sllovene ka marre 5 jave kohe per te mbledhur 40 mije firma per referendum.

Por megjithese, ceshtja nuk ka lidhje direkte me Shqiperine, sekretari i pergjithshem i NATO-s, u tha gazetareve ne Krakov, se “zhvillimet ne Slloveni, me te drejte, ngrene shqetesimin se ne Samitin e Prillit ne Strasburg dhe Kel, mund te mos krijohen kushtet e duhura per te mirepritur Shqiperine dhe Kroacine ne familjen e NATO-s”.

Por ne Shqiperi, klasa politike, nuk eshte shfaqur e shqetesuar nga keto zhvillime. Duke besuar tek fjalet e ambasadorit amerikan drejtues kryesore te qeverise dhe opozites shohin drejt sfidave te se ardhmes.

“Me anetaresimin ne NATO nuk do te shterroje procesi i reformave, perkundrazi, qeveria eshte e bindur te vazhdoje rrugen e ndermarre deri tani”, u shpreh ministri i Jashtem, Lulzim Basha.

Po ashtu edhe kryetarja e deputeteve socialiste, Valentina Leskaj, deklaroi se eshte hera e pare qe nje opozite behet iniciatore dhe angazhohet per reformen ne drejtesi dhe ate zgjedhore. Prova e pare jane zgjedhjet e 28 qershorit.

Por megjithe besimin e politikes dhe diplomacise ne Tirane zhvillimet ne Slloveni duhet ndjekur me vemendje, perderisa kryeministri i vendit Pahor me zhvillon takime intensive me partine nacionaliste per ta bindur te terhiqet nga referendumi kunder Kroacise, qe sipas sekretarit te Pergjithshem te NATO-s mund te kete efektin domino edhe mbi anetaresimin e Shqiperise gjate samitit te prillit.