Përmbytje në Fier, bllokohet hyrja në qytet

[ReniX]

Kapriçot e motit kanë shkaktuar probleme në Fier. Për shkak të reshjeve të dendura të shiut, rreth 200 automjete janë bllokuar në hyrje të qytetit. Situata është rënduar edhe në rrugën që lidhet me autostradën.

FIER-Moti i keq duket se ka shkaktuar jo pak probleme edhe në rrethin e Fierit. Kështu si pasojë e reshjeve të dendura të shiut të cilat kanë rënë me intensitet të lartë gjatë mbrëmjes së djeshme dhe ditës së sotme kanë bërë që të dalë nga shtrati i tij lumi Gjanica. Për pasojë është përmbytur tregu industrial i këtij qyteti i cili ndodhet përgjatë lumit Gjanica. Por fatmirësisht në treg nuk kanë qenë të pranishëm tregtarët dhe nuk janë shkaktuar dëme materiale.
Gjithashtu përmbytje ka pasur edhe në disa shtëpi në lagjen “Afrimi i Ri”, e cila është një lagje periferike e qytetit të Fierit. Mësohet se për momentin punonjësit e komunales kanë shkuar për të zhbllokuar kolektorët, por ende nuk ka një përgjigje zyrtare se sa do të zgjasë kjo situatë.
Por moti i keq, që mesa duket ka përfshirë të gjithë vendin ka bllokuar edhe autostradën Lushnje- Fier në komunën Mbrostar dhe për pasojë kanë mbetur të bllokuar 200 mjete në hyrje të qytetit të Fierit. Policia ka mbërritur në vendngjarje për të normalizuar situatën dhe po orienton të gjithë automjetet të kalojnë nga rruga e vjetër për të shmangur kështu bllokimin e mëtejshëm të mjeteve.
(burimi/balkanweb)

[bledi1]

po ca po behet ne qytetin tim nuke punone njeri vetem nuke bene njeri rregullime po prishin te gjithe

[qween]

me vjen keq bledo