Ndarja e Hard Diskut - Disk Partition

**Peniel** · 20-03-2009, 07:34 PM

Prej kohësh më interesonte se si mund të ndaja një disk në disa pjesë duke qenë se disku që disponoj ka mjaft hapësirë për të pasur edhe një pjesë të dytë të diskut ku mund të ruaj dokumente apo fotografi duke mos ngarkuar diskun primar i cili ka edhe sistemin operativ të kompjuterit brenda. Meqënëse kjo mundësi jepet nga Windows Vista, nuk është e nevojshme të instaloj një program shtesë.

Duhet të kemi parasysh se në pjesën e dytë apo të tretë (varet se në sa pjesë do e ndajmë diskun) mund të ruajmë dokumente të një rëndësie të lartë dhe më pas të fusim një lloj kriptimi që vetë Windows e ofron. Kriptimi krijon edhe një çelës i cili na jepet pasi të jenë kriptuar të dhënat që kemi vendosur dhe më pas nëse duam që të kemi ndërhyrje në diskun ku kemi të dhënat, na kërkohet direkt çelësi (Kjo vlen për Windows 7 - versioni i ri i Windows). Kjo i ruan të dhënat nga një vjedhje e mundshme qoftë on-line qoftë edhe në rast se kompjuteri në të cilin ne kishim të dhënat na është vjedhur.

Krijimi i dhomave shtesë në disk në Windos Vista është si më poshtë:

Start --> Control Panel --> System and Maintenance --> Administrative Tools dhe klik i dyfishtë Computer Management. Nëse ju kërkohet një fjalëkalim Administratori e jepni ose thjesht konfirmoni veprimin që jeni duke bërë.

______

Pasi është hapur faqja shkojmë tek Storage-->Disk Management. Aty na shfaqen disqet e mundshme që mund të kemi apo disku që kemi të instaluar në kompjuter. Klikojmë një klik të djathtë mbi diskun C: dhe më pas nga menuja e shfaqur klikojmë tek Shrink...

Presim për disa minuta (ndoshta) deri sa të shfaqet menuja e ndarjes e cila ka përcaktuar paraprakisht një pjesë të diskut për ndarje. Nëse ne jemi dakort me madhësinë që ka paracaktuar vetë programi e lëmë ashtu siç është, përndryshe përcaktojmë ne një madhësi. Kini kujdes se si i shkruani të dhënat. Të dhënat shkruhen në MB-Megabyte dhe ju nëse përcaktoni një madhësi tjetër të diskut duhet që të dhënat ti shkruani përsëri në Megabyte. Duhet të tregojmë kujdes se çfarë vlerash i japim dhe gjithmonë duhet të këshillojmë edhe treguesin e fundit për të parë se sa sasi ngelet në disk.

Klikojmë tek Shrink dhe më pas shohim se kemi pjesën e re të diskut që në fakt quhet Unallocated për momentin:

Klikojmë një klik të djathtë mbi volumin Unallocated dhe më pas klikojmë tek New Simple Volume.

Pasi kemi klikuar, na shfaqet dritjarja e një Wizard që do të na udhëheqë në përfundimin e krijimit të diskut. Veproni ashtu siç përshkruhet në figurat e mëposhtëme dhe tek New Volume mund të vendosni një emër për diskun tuaj të ri.

Për çdo problem, mos ngurroni të kontaktoni.

Gjithë të mirat

**briken** · 20-03-2009, 08:46 PM

por per xp si ja behet?????????????????

**ReniX** · 21-03-2009, 02:34 PM

Mesazhi origjinal i postuar nga briken

por per xp si ja behet?????????????????

Dhe per XP eshte e njejta proçedure.

**briken** · 21-03-2009, 05:42 PM

por nuk me dalin te gjitha ato qe me thuhen aty te ajo se ato jan te vistes

**ReniX** · 21-03-2009, 06:43 PM

Pasi te kesh instaluar hard diskun, Kliko Start dhe pastaj Run. Shkruaj: diskmgmt.msc dhe jepi OK. (proçedura si ne vista siper)

Do shofesh diskun si "Unallocated" dhe duke klikuar me te djathte mund te zgjedhesh New Partition command.

Dhe vazhdon me proçeduren Wizard.