Kenget dhe Muzika

[Sefedini]

Muzika në fillim të jep ndjenjën që të qetëson apo relakson, por pas pak kohe fillon ta ndjesh efektin e saj negativ dhe pasojat siç janë: kokëdhimbja, ushtimi i veshëve, etj.
Muzika në shumë raste krijon përçarje te njerëzit. Për shembull një person apo një grup mund të jenë simpatizues të një zhanri të muzikës kurse grupi tjetër i një zhanri tjetër. Dhe shpesh nodh që ata të fjalosen, ta nënçmojnë apo ofendojnë zhanrin e njëri tjetrit, bile këtë e bëjnë edhe artistët e këtyre zhanreve në këngët e tyre dhe kështu lindin konfliktet.
Njeriu mendon se nëse atij i pëlqen një zhanër muzike duhet t’i pëlqejë edhe të tjerëve dhe nuk e ka fare idenë se ndoshta të tjerëve ju pengon dhe e dëgjon muzikën e tij me zë të lartë në shtëpi, në punë apo me shoqëri.
Në raste të tubimeve apo ahengjeve gjithashtu muzika moderne i jep njeriut disponim dhe e ngacmon të bëjë sjellje të pahijshme si për shembull britmat, fishkëllimat, duartrokitjet, ngacmimi apo vardisja ndaj gjinisë së kundërt, pirja e alkoholit, duhanit, etj.
Këto sjellje Zoti i urren shumë dhe për këtë na lajmëron Kur’ani:

8:35. Lutja e tyre pranë shtëpisë (Qabes) nuk ishte tjetër vetëm se britmë dhe duartrokitje, prandaj vuajeni dënimin për shkak se mohonit.

Një ves shumë i keq i përhapur në trojet shqiptare është dhënia e bakshisheve apo dhuratave këngëtarëve apo muzikantëve duke i ndihmuar kështu atyre të pasurohen në një mënyrë shumë të lehtë dhe të shpejtë në vend që me ato të holla të ju ndihmojnë të varfërve dhe nevojtarëve të cilët do ta falenderonin dhe nuk do t’ia harronin kurrë atë bëmirësi.
Ja një ajet nga Kur’ani që na tërheq vërejtjen të mos i shpenzojmë paratë tona pa nevojë:

17:27. Ata që shpenzojnë tepër (mastrafxhinjtë) janë vëllezër (në veprim) të djajve, e djalli është përbuzës i madh i Zotit të Tij.

Edhe blerja e CD-ve apo albumeve të artistëve i ndihmon atyre të pasurohen lehtë dhe pa mund dhe gjithashtu jua jep ndjesinë e të qenit superior dhe mendjemadhësinë që ata e shfaqin haptas si për shembull kur u kërkohet ndonjë autograf.
Në televizor mund të shohim shumë këngëtarë apo muzikantë të famshëm që shfaqin mendjemadhësinë kur publiku “çmendet” pas tyre dhe biles bëjnë gjeste ofenduese në mënyra të ndryshme si p.sh. me gishta, me fjalë, etj.
Kurse kjo publikut nuk i pengon fare bile ata ndjehen të kënaqur me këto sjellje dhe me këtë ata e ulin veten dhe moralin e tyre në një nivel shumë të poshtë.
Ja se çfarë shkruan në Kur’an në lidhje me këtë:

91:9. Pra, ka shpëtuar ai që e pastroi vetveten.
91:10. E ka dështuar ai që e poshtëroi vetveten.

Këngëtarët dhe muzikantët e shfaqin mendjemadhësinë e tyre edhe publikisht me gjësendet e tyre personale: vetura, rrobe të shtrenjta, stoli, dhe verbalisht me lëvdata ndonjëherë edhe pa qëllim duke mos e pasur fare parasysh nivelin e varfërisë së popullit tonë apo gjendjen ekonomike në shtetet tona.
Një fenomen tjetër shumë i dëmshëm tek ne është kur sheh sot rininë tonë me kufje në vesh të zhytyr total në botën e tyre të muzikës me mungesë koncentrimi edhe në ecje kjo të bën të ndjehesh shumë keq për ta.
Tekstet e këngëve të zhanreve moderne siç janë Hip hop, Rock, etj., gjithashtu në një farë mënyre po i devijojnë njerëzit dhe po i shtyejnë të bëjnë mëkate.
Një ndër pasojat më negative të dhënies pas muzikës për mendimin tim dhe nga përvoja personale është shpenzimi jashtë mase në blerjen e CD-ve të preferuara apo pajisjeve për zërim apo zmadhim për shtëpi, makinë apo në vend të punës, kur për shembull me atë shumë parash mund të investohet në nevoja personale siç është garderoba.
Këto janë vetëm disa nga dëmet e muzikës sepse kjo është një temë që po të shkruash të gjitha dëmet që i shkakton muzika nuk përfundojnë fjalët.

Autor: Sefedin Muçaj, Prizren, Kosovë.

[qween]

me vjen keq po sjam dakord me mendimin tend per mua muzika eshte pjese shume e rendesishme e jetes!