Per fansat e Harry Potterit

[genocid]

Mendoj qe te gjithe ata qe kane lexuar te 7 librat e pare, po presin te 8 me entuziazem. Por ka mundesi qe autorja mos te doje ta beje dhe librin e 8. Shume versione te harry potterit kane dale neper forume posacerisht dhe vetem per harry potter edhe ne shume vende te tjera. Mendova qe as Lirentit mos t'i mungonte nje version. Kete e ka krijuar nje amerikan, qe ka te drejtat e autorit, dhe me dha lejen qe ta perktheja ne shqip dhe mund ta shperndaja. Ai ka bere gjithe ate pune, por une pertoja ta perktheja te gjithen (20 e ca faqe e me shume). Aq sa kam perkthyer po e ve ketu:


Kapitulli 1
Udhëtimi


Vraga nuk i kishte dhembur Harrit për nëntëmbedhjetë vjet dhe cdo gjë po shkonte më së miri.

Albusi shikoi dhe një herë të atin si ti thoshte “faleminderit” kur Rozi e shtyu nga mbrapa dhe I tha “Do të gjesh ndonjë ndarje para se të mbushen të gjitha?”
Albusi mori valixhen dhe ndoqi Rozin në një ndarje bosh. Sapo u ulën, kur u hap dera dhe u fut brenda nje djalë.
Djali, si i ati dhe gjyshja, kishte një fytyrë rrethore. Ai kishte flokë të zeza. Ai ishte i shkurtëer dhe i shëndoshë. Emri i tij ishte Xhejk Longbottom.
“Ckemi Albus. Ckemi Rose.” Foli Xhejku me një bëlbëzim të lehtë.
“Hej Xhejk a je I emocionuar per Hoguortsin?” Pyeti Rozi.
Xhejku u ul përballë Albusit dhe u përgjigj “Nervoz më shumë.”
“Nervoz? Por babai yt është mësues në Hoguorts!” Rozi ishte e cuditur nga pergjigja e Xhejkut.
“Por babai s’do të jetë gjithmonë afër meje kur njerëzit e kapin me mua. Kjo gjë ndodh kudo që unë shkoj.” Tha Xhejku mjerueshëm
“Jam e sigurtë se cdo gjë do të shkojë mirë nëse ti do të punosh sa duhet. Unë i kam lexuar të gjithë librat shkollorë. Duken shumë të thjeshta dhe mamaja më ka ndihmuar shumë.” Tha Rozi sikur kjo gjë të ishte e qartë.
Albusi degjoi Rozin tek po fliste tamam si Hermiona në vitin e saj të parë në Hoguorts, por Albusi mendoi që ishte e pamundur të ishte aq mendjemadhe sa Rozi Uezli.
Dera u hap sërish dhe brenda u fut një djalë tjetër. Ai ishte I gjatë, me një fytyrë të zbehtë dhe me flokë të verdha. Sytë e tij ishin si të Astorias, mamasë së tij.
“A ju vjen keq nëse ulem këtu? Kudo është plot me njerëz...” Zëri i Skorpius Mallfoit humbi tutje. Ai kishte frikë se mos refuzohej.
“S’ka problem.” Zëri i Albusit ishte i fortë dhe këtë herë nuk ishte më nervoz. Për herë të parë ai u duk që ishte djali i prindërve të tij.
Skorpiusi u ul dhe po pyeste veten në duhet të thotë ndonjë gjë, por u shpëtua nga trokitja e gruas me karrocë. Skorpiusi bleu një pije dhe u ul. Albusi bleu një drekë të bollshme sepse nuk kishte ngrënë mëngjes. Xhejku dhe Rozi nuk blenë asgjë.

Në kohën që treni po arrinte stacionin e Hogsmidit, biseda kishte marrë rrjedhën e zakonshme. Rozi theu akullin duke e pyetur Skorpiusin se ne cfare shtepie donte të hynte.
“Unë dua të hyj tek Gjarpeblerti.” Albusi u drodh lehtë dhe, me sa duket, Skorpiusi e pa sepse shtoi, “Keshtu që unë mund t’iu tregoj njerëzve që jo të gjithë gjarpeblertet janë kthyer në të këqinj.”
“Por ne e dimë që jo të gjithë gjarpëblertët ishin të keqinj. Shiko Severus Pitonin dhe babanë tënd.” tha Rozi.
“Mirë, unë dua të jem tek Baldoskuqi.” bëlbëzoi Xhejku.
“Unë mendoj se Korbziu do të jetë shtëpia ime,” tha Rozi “Mencuria pa kufi është thesar për cdo njeri!”
“Po ti Albus në cfare shtëpie do të jesh?” pëshpëriti Skorpiusi.
“Grifarti.” Përgjigja e Albusit ishte e shkurtër por dallohej sa shumë dëshironte ai të ishte në atë shtëpi.
Biseda kaloi tek Kuidici dhe tek mësimet e shkollës. Në kohën që treni arriti shkollën, Albusi dhe Skorpiusi u bënë miq.
Kur dolën nga treni, panë një turmë njerëzish që ishin mbledhur dhe po bërtisnin dhe po nxisnin ata që kishin rrethuar.
Pasi u afruan më afër Albusi dhe Skorpiusi panë Xhejmsin tek po rrotullohej në dysheme me një version më të vjetër të Skorpiusit mbi vete.
Xhejmsi po bertiste ‘o Mallfoi i ndyre’ ndërsa djali tjetër cirrej ‘o Potter i ndyre.’
Albusi dëgjoi Skorpiusin që po thoshte ‘Oh Xhejson.’ Albusi e kuptoi që ai ishte vëllai i Skorpiusit.
Nevil Longbotomi erdhi duke vrapuar dhe përdori magjinë për t’i ndarë dy djemtë.
“Ju te dy ejani pas meje.” Tha Nevili i zemëruar.
Skorpiusi u kthye nga Albusi dhe tha “Shoh që ke takuar vëllain tim.”
Albusi u përgjigj “Shoh se dhe ti paske takuar timin gjithashtu.”

[genocid]

Kapitulli 2
Shpërndarja


Gjatë nëntëmbëdhjetë vitet që kanë kaluar, Hoguortsi duket se nuk ka ndryshuar aspak. Fusha e Kuidicit nuk kishte ndryshuar aspak dhe as kështjella.
Një gjë tjetër që dukej sikur nuk kishte ndryshuar ishte edhe ‘rituali’ i Hagridit që merrte ata të vitit të parë në barkë për t’i cuar në kështjellë.
Hagridi ishte shumë entuziast kur pa Albusin, Rozin dhe Xhejkun. Atij duket se i shpëtoi Skorpiusi.
Shpërndarja filloi dhe nga te katërt, Xhejkut i ra fati të ishte i pari. Kapeles iu desh ca kohë që të vendoste, por më në fund tha ‘BALDOSKUQI!’ Xhejku shkoi e u ul tek tavolina e Baldoskuqit mes duartrokitjeve të baldoskuqve të tjerë. Nevili i buzëqeshi Xhejkut për ta inkurajuar.
Pastaj radha i ra Skorpiusit. Edhe përpara se kapelja të cikte kokën e tij, Ajo bërtiti ‘GJARPËBLERTI!’ Xhejmsi fishkëlleu me zë të lartë, ndërsa Xhejsoni brohoriti. Secili nga këto të dy u përpoq që të mbyste zhurmën e tjetrit. Rozi ishte e treta dhe nuk u desh shumë kohë për të vendosur ‘KORBZIU!’
Albusi ishte i fundit nga të katërt dhe sapo e vuri Kapelen në kokë e dëgjoi tek po i fliste.
“Hmm, një Potter tjetër, ë? Pa të shohim... Albus Severus Potter ti je krejt si babai yt. Ke etje për dije...ke gjithashtu goxha talent...Gjarpëblerti do të ishte shtëpia më e mirë për ty”
Albusi gulcoi. Të gjithë në sallë ia ngulën sytë. Albusit iu kujtua se askush nuk mund të dëgjonte bisedën mes tij dhe Kapeles.
“Ti i ngjan babait tënd më shumë seç mendoja. As atij nuk i ka pëlqyer ndonjëherë Gjarpëblerti...Nuk ke qejf të bashkohesh me shokun tënd tek Gjarpëblerti?”
Albusi pyeti veten se nga e dinte Kapelja për miqësinë e tij me Skorpiusin, por e mori përgjigjen një sekondë më pas.
“Unë mund të të lexoj mendjen Potter...asgjë nuk mund të fshihet nga unë! Ah! Po mendon për babain tënd tani... Për atë që të tha në stacion...do të dëgjosh këshillën e tij apo do të ndjekësh zemrën tënde?”
Cfarë duhet të bëjë Albusi? Nga njëra anë Albusi dëshiron të jetë te Grifarti si e gjithë familja e tij, por babai tha që s’ka rëndësi.
‘Ti ke marrë emrat e dy drejtorëve të Hoguortsit. Njëri nga ata ishte Gjarpëblertë, dhe ishte njeriu më trim që kam njohur ndonjëherë.’
Albusi e mori vendimin e tij: La Kapelen që të zgjidhte. Kapelja Folëse u duk sikur buzëqeshi dhe tha ‘ALBUS SEVERUS POTTER PËR GJARPËBLERTIN!’

[genocid]

Kapitulli 3
Dy vëllezër të ndryshëm

Albusi u shtri në krevat i menduar. Ai pyeti veten se si do ta merrte Xhejmsi faktin që ai ishte te Gjarpëblerti. Kur Kapelja e coi Albusin te Gjarpëblerti, ai pa fytyrën e shokuar të Xhejmsit. Albusi u tmerrua nga mendimi se cfarë do ti ndodhte nesër kur Xhejmsi do të fillonte të kapej me të.
Albusi dëgjoi Skorpiusin teksa u rrotullua në krevat duke gërhitur. Albusi pyeti veten se cfarë do të ndodhë kur të përhapet lajmi se Skorpius Mallfoi dhe Albus Severus Potter Janë miq. Si do të reagojnë Xhejmsi dhe Xhejsoni?
Xhejsoni.
Ai kishte ardhur pak më parë në dhomën e përbashkët. Ai kishte hundën e përgjakur dhe një sy të nxirë, padyshim nga përleshja me Xhejmsin.
“Kështu që je tek Gjarpëblertët ë?” Albusi mund të mendonte vetëm ‘pse, nuk shihet,’ por nuk guxoi ta thoshte me zë. Por e bëri Skorpiusi.
“Sa pyetje idiote.” murmuriti Skorpiusi.
“The ndonjë gjë Skorpi” Xhejsoni u ngërdhesh.
“Unë thashë se është e qartë që Albusi është te Gjarpëblerti. Ai është në dhomën e përbashkët.” Albusi buzëqeshi një cikëz.
“Mendon se është për të qeshur, Potter? Do të të bëj magji sic i bëra vëllait tënd më parë... sic i bëri babai im babait tënd kur ishin në Hoguorts...” Xhejsoni shkoi shumë larg duke kujtuar Harrin. Albusi vrapoi të hidhej mbi Xhejsonin, por para se të arrinte aty, Skorpiusi i kishte hipur mbi kokë Xhejsonit.
“Babi tha se ndihet fajtor për të kaluarën e tij! Si guxon...të urrej Xhejson!”
Skorpiusi ishte më shumë se i nervozuar. Ishte i egërsuar. Papritmas Xhejsoni shtyu Skorpiusin dhe i bëri magji.
Skorpiusi fluturoi mbrapa dhe goditi një karrige. Albusi shkoi të ndihmonte shokun e tij dhe Xhejsoni filloi të qeshë me të madhe.
“Ta tregova qejfin Skorpi që u zure me mua! Hë Potteri dhe Mallfoi shokë të ngushtë përgjithmonë! Kjo miqësi s’do të zgjasë. Mallfonjtë dhe Potterat nuk do të jenë kurrë shokë.”
Skorpiusi kishte një gungë të madhe mbrapa kokës, por dukej se ishte më shumë i nervozuar sesa i vrarë. Albusi ishte i shqetësuar. Ai mendonte nëse Xhejsoni kishte thënë ndonjë të vërtetë në gjërat e fundit që ai tha. A mund të jenë vallë Mallfonjtë me Potterat shokë, apo miqësia midis tyre mund të jetë jetëshkurtër?
Mëngjesin tjetër Albusi ia doli të hante mëngjes dhe të merrte orarin e tij të mësimeve pa e ndeshur Xhejmsin. Në orën e parë kishte Kujdesin e Krijesave Magjike me Hagridin. Hagridi i coi ata në pyllin e ndaluar. Aty ai thirri disa centaurë që t’i tregonin klasës për mënyrën e tyre të të jetuarit. Gjatë nëntëmbëdhjetë viteve të fundit, lidhjet midis krijesave magjike dhe magjistarëve ishin përmirësuar.
Ndërsa centaurët po flisnin, Hagridi ia doli të merrte Albusin veçan.

“Albus cfarë po bën? Djali i Harri Potterit te Gjarpëblerti dhe ka shok të ngushtë djalin e Drako Mallfoit!”
“Babai më tha se s’ka problem në cfarë shtëpie je. Ajo që ka rëndësi është se cfarë zgjedhjesh bën.” tha Albusi
“Dhe ti zgjodhe Gjarpëblertin!” Hagridi dukej i tronditur vetëm nga mendimi.
“Hagrid unë e bëra zgjedhjen time...dhe s’ka rëndësi nëse ty të pëlqen apo jo. Ti je shoku i babait tim dhe jo i imi.”
Hagridi u mërzit nga këto fjalë, por Albusit i interesonte. ‘do t’i shërbejë që të mos futë më hundët në punët e mia.’mendoi Albusi. Pastaj u kthye tek Skorpiusi dhe shokët e tij të tjerë, duke e lënë Hagridin vetëm dhe të prekur.

[kristimcs]

shum e bukur kjo....por a do postosh vazhdimin e kesaj....ose te pakten posto linkun kur e ke marr kete...

[genocid]

kete e ka krijuar nje shoku im, anglez, por kam ca kohe pa folur me te.....gjithsesi pertoj ta perkthej tani, s'kam kohe hic :S -po deshet ua postoj ne anglisht te gjithen sa kam