Merkato: Levizjet e Lojtareve

[Kliton]

Kampioni i Ligës Premier, Manchester United, ka pohuar se ka angazhuar futbollistin e Bordeaux, Gabriel Obertan.

Futbollisti i Bordeaux, Gabriel Obertan, është përforcimi i tretë për Sir Alex Ferguson këtë verë, pasi talenti francez ka nënshkruar marrëveshje katërvjeçare me ekipin nga Old Trafford.

Anësori 20-vjeçar do t’i kushtojë Manchesterit 3 milionë funte, ndërsa ka nënshkruar marrëveshje katërvjeçare e cila do ta mbajë atë në Old Trafford deri më 30 qershor 2013.

“Gabriel është një lojtar të cilin e kemi ndjekur disa vite, por për shkak të programit të tij të edukimit përpjekjet tona për ta sjellë këtu gjithmonë janë shtyrë. Jemi të ngazëllyer që e kemi atë këtu, pasi ai është një perspektivë e jona. Ne dëshirojmë të sjellim lojtarë të rinj dhe t’i zhvillojmë ata, dhe do ta shohim atë në Gabriel gjatë dy viteve të ardhshme”, ka thënë Sir Alex Ferguson në një deklaratë në faqen zyrtare të klubit.

[Kliton]

Real Zaragoza ka kompletuar transferimin e Jermaine Pennant, pasi arriti marrëveshje me anësorin, kontrata e të cilit me Liveproolin skadoi në fund të sezonit.

Ish-i riu i Arsenalit i kaloi testet mjekësore me klubin spanjoll mbrëmë dhe nënshkroi marrëveshje trevjeçare, për të ndihmuar Zaragozën e rikthyer këtë sezon në Primera Division.

“Dëshiroja të vij në Spanjë dhe kisha oferta të rëndësishme nga shumë klube tjera të Evropës, por dëshirova të kaloj në Zaragoza. Vërtet dua të filloj sa më shpejt që është e mundur dhe të kem një sezon të mirë”, ka thënë anglezi.

Pennant pjesën e dytë të sezonit të fundit e kaloi i huazuar te Portsmouth, pasi nuk arriti të luftojë për vend në formacionin e parë të Benitez.

[Kliton]

Trajneri i ri i Sampdorias, Luigi Del Neri, ka nënshkruar me mbrojtësin e Lazios, Luciano Zauri, në formë huazim njëvjeçar me mundësi ta blejë atë të plotë në fund të sezonit të ardhshëm.

“Sampdoria dëshiron t’ju komunikojë se ka nënshkruar përkohësisht me Luciano Zaurin nga Lazio me mundësi ta blejë atë në sezonin e ardhshëm”, thuhet në deklaratën e klubit.

Sezonin e fundit italiani e kaloi te Fiorentina si i huazuar.

Sampdoria po ashtu ka bërë të ditur se ka forcuar skuadrën edhe me një lojtar tjetër, Matteo Lanzoni, i cili po ashtu i është bashkuar ekipit si huazim nga Mantova.

[Kliton]

Chelsea ka njoftuar se do të bëjë një ofertë marramendëse prej 60 milionë funtesh (70 milionë euro) për sulmuesin e Interit, Zlatan Ibrahimovic.
Përveç shumës së parave, Blutë do të ofrojnë edhe shërbimet e dy lojtarëve që kërkohen nga Interi, Ricardo Carvalho dhe Deco, dhe kjo duket të jetë një ofertë e cila vështirë do të refuzohet nga skuadra zikaltër.

“Jam i vetëdijshëm se Chelsea dëshiron shërbimet e mia dhe është mjaft joshëse. Chelsea është njëra nga skuadrat më të mëdha në Evropë, ndërsa Liga Premier është njëra nga ligat më të mira në botë”, është cituar Ibra nga “News of The World”.

[Lucatonii]

Une ne nje web sod e lexova qe Mourinjo kishte then
''Aktualisht kemi më shumë futbollistë sesa duhet. Është e vështirë të stërvitësh 28-30 lojtarë pasi krijohen probleme. Për ibrahimovic dhe Maicon nuk do ketë probleme pasi ata do qëndrojnë me ne” tha Mourinho.
Por me ket mega ofert ndoshta dhe shkon

[Kliton]

Mesfushori kosovar Lorik Cana në sezonin e ardhshëm do të jetë pjesë e ekipit të Bundesligës, Hamburg.

Marrëveshja është arritur sot pasdite në mes drejtuesve të Olimpique Marselle dhe Hamburgut dhe shqiptari do t’i kushtojë ekipit gjerman 7.4 milionë euro.

Hamburg po ashtu ka pranuar kushtet e kërkuara nga mesfushori kuqezi, i cili ka nënshkruar kontratë pesëvjeçare me klubin gjerman.

Cana edhe më herët pati thënë për Le Parisien se është në prag të kalimit në Bundesliga, por se kishte opsion edhe Anglinë dhe Italinë.

“Ka shumë gjasa për mua të luaj në Hamburg. Ne duhej ta finalizonim marrëveshjen këtë fundjavë, por shkoi më gjatë. Opsion është edhe Evertoni, në Angli, që është një klub shumë i mirë. Po ashtu ka edhe zgjidhje të tjera, sidomos në Itali”, pati thënë shqiptari.

Lajmi mbetet të konfirmohet edhe nga vetë klubet. Në pozitën e Lorik Canës, Marseille tashmë ka angazhuar një lojtar tjetër, Stephane M’bia.

[Kliton]

Ekipi i Manchester Cityt ka arritur marrëveshje me sulmuesin argjentinas Carlos Tevez për kushtet personale dhe shumë shpejtë e do të përfundojë i gjithë tregimi.

“Manchester City është i kënaqur që mund t’ua përcjellë lajmin se ka arritur marrëveshje me Carlos Tevez rreth mundësisë që ai të kalojë në City. Kushtet personale me 25-vjeçarin janë arritur dhe marrëveshja është miratuar nga Liga Premier dhe Asociacioni”, thuhet në publikimin e Cityt.

“Me kalimin e testeve mjekësore Tevez do të nënshkruajë marrëveshje pesëvjeçare dhe do të takohet me bashkë-lojtarët e tij në turneun në Afrikën e Jugut. Ai do ta mbajë fanellën me numër 32”, shkruhet më tej në deklaratë.

[Kliton]

Ekipi londinez i Chelsea-t ka ofruar 18 milion euro per mesfushorin i Milan Andrea Pirlo i cili pritet qe shume shpejt te kaloje ne Angli.

“Kontaktet e shpeshta mes Milan dhe Chelsea ditet e fundit kane arritur ne nje perfundim per kalimin e Andrea Pirlo per tek blute kundrejt 18 milion euro qe do t’i duheshin Milanit per blerjen e sulmuesit te Sao Paolos, Hernanes”- shkruan gazeta spanjolle “Marca”.
Keshtu sipas mediave spanjolle mesfushori italian mund te bashkohet me trajnerin Ancelotti ne Londer, por duhet pritur edhe reagimi i klubeve per lajmin e dhene ne shtypin spanjoll.

[Kliton]

Barcelona ne faqen e saj zyrtare komunikon arritjen e akordit me skuadren italiane te Interit per te marre sherbimet e Maxwell.

Inter do te perfitoje nga kjo marreveshje rreth 5 milion euro ndersa klubi katalanas ben me dije se bisedimet do te mbyllen me shifren e 4.5 milion eurove me klauzolen e 500 mije euro ne saje te objektivave te arritura nga lojtari.

Ne rast te perfundimit me sukeses te bisedimeve mbrojtesi brazilian Maxwell do te ishte blerja e pare e “blaugrana” ne kete merkato.

Barcelona ndryshe nga rivalet te Real Madrid qe kane shpenzuar nje shifer prej 220 milion eurosh, nuk ka kryer akoma blerjen e pare ne kete merkato.

[Kliton]

Mbrojtësi i Bayern Munichut, Lucio, në sezonin e ardhshëm do të jetë lojtari i kampionit të Serie A, Interit.

Lajmin e ka zbuluar vetë menaxheri gjeneral i Bayernit, Uli Hoeness, ndërsa kjo është pohuar edhe në faqen zyrtare të klubit gjerman.

“Pas një qëndrimi pesëvjeçar në Bayern Munich, kapiteni i Brazilit, Lucio, do të largohet nga qyteti i Munichut dhe do të transferohet te kampioni i Italisë, Inter. Të enjten, bordi vendosi ta prishë marrëveshjen me lojtarin para skadimit të saj më 30 qershor 2010”, thuhet në deklaratën e Bayernit.

“31-vjeçari Lucio do të nënshkruajë marrëveshje trevjeçare me ekipin e Jose Mourinhos, ndërsa shuma e transferimit mbetet e fshehtë”, shtohet më tej në deklaratë.

[Kliton]

Manchester United i është ofruar shërbimi i Emmanuel Adebayor gjatë ditës së djeshme, pasi negociatat me Manchester Cityn u bllokuan, shkruajnë mediat angleze.

Daily Mail shkruan se negociatat e Adebayor rreth kalimit në Manchester City për një shumë prej afro 25 milionë eurosh u gozhduan, pasi sulmuesi kërkonte 170 mijë funte në javë, por klubi kishte kërkuar ulje të kësaj shifre pasi ka kuptuar se janë ofruesit e vetëm për të.

Ata vazhdojnë të mbeten të sigurt se Adebayor do të pranojë ulje të dukshme të ofertës dhe do të nënshkruajë sot, pasi i është dhënë leja e punës mbrëmë.

Por, përfaqësuesi i sulmuesit nga Togo mund të ketë prishur tashmë simpatinë e fansave të Cityt për lojtarin, duke u përpjekur të nxjerrë një ofertë nga United. Por kampioni i Ligës Premier ka refuzuar rastin për të ofruar për 25-vjeçarin dhe për të nxitur Cityn t’ia rritë pagën lojtarit.

[Kliton]

E ardhmja e Lorik Canes eshte e mbushur me mister. Pas “komplikimeve”, per te cilat foli trajneri Didie Deshamp, transferimi i mesfushorit kuqezi te Hamburgu duket thuajse i pamundur.

Ne gare tashme kane mbetur Evertoni dhe Liverpuli, nderkohe qe interes per sherbimet e 25-vjeçarit kane shfaqur edhe disa klube turke. Por, pavaresisht destinacionit te ardhshem te Canes, ekziston nje klub qe “ferkon duart” per shitjen e lojtarit.
Ai eshte PSG, ekipi ku “shkaterruesi” eshte formuar si profesionist. Vlera 7 milione euro e kartonit te percaktuar nga Olimpik Marseja per kapitenin, do te siguronte edhe fonde per arkat e klubit parisien, qe jane te boshatisura.
Sipas rregullave te FIFA-s, PSG-ja perfiton 0.5 per qind te shifres se transferimit per çdo vit qe Cana ka kaluar ne ekipet zinxhir dhe ne ekipin e pare.
Me llogari te thjeshta, skuadra e kryeqytetit francez do te perfitonte ekuivalentin e pese viteve formim te futbollistit, pra rreth 175 mije euro (2.5 per qind te shifres se perfituar nga Marseja).

[Kliton]

Arrihet marreveshja mes Barcelones dhe Interit per Zlatan Ibrahimovic. Lajmin e beri te ditur presidenti i klubit spanjoll Joan Laporta.

"Me Inter eshte arritur marreveshja finale. Por tratativa nuk eshte e mbyllur pasi mungon edhe konfirmimi i futbollisteve qe do te sherbejne per kembimin", tha Laporta.

Edhe Ibra nuk ka hezituar te thote se ceshtja eshte serioze dhe se eshte i interesuar rreth saj.

[Kliton]

Jane shume te renda kushtet e vendosura nga Samuel Eto'o per te pranuar transferimin e tij te Inter, ne operacionin e kryer ne merkato per te kaluar Zlatan Ibrahimovic te Barcelona.

Sulmuesi kamerunez, i kerkon klubit zikalter nje perfitim prej 10 milione eurosh ne vit, beri te ditur spanjollja 'As'.

Eshte logjike kerkesa e Eto'o ne kete moment terendesishem kur behen edhe transferimet, po mbetet ende per t'u kuptuar nese presidenti Moratti eshte gati te pranoje nje kerkese te tille.

[Kliton]

Manchester City më në fund e ka kompletuar edhe transferimin e sulmuesit Emmanuel Adebayor, për të cilin i ka paguar Arsenalit 25 milionë funte.

Sulmuesi raportohet se ka nënshkruar marrëveshje pesëvjeçare me klubin nga Mancehsteri dhe bëhet kështu përforcimi i tretë i kësaj vere në sulmit të ‘qytetarëve’.

Menaxheri i Cityt, Mark Hughes, tashmë ka nënshkruar edhe me Roque Santa Cruz dhe Carlos Tevez, dhe me Adebayorin e ardhur në klub, numri i sulmuesve shkon në nëntë.

Transferimi i sulmuesit nga Togo u prit të ndodhë gjatë javës, por përcaktimi i kushteve personale dhe leja e punës frenuan arritjen e marrëveshjes. Adebayor pritet të mbajë të njëjtën fanellë që kishte edhe në Arsenal, pra numrin 25.

Ardhja e ish-topçiut vë në dyshim qëndrimin e sulmuesve të tjerë të klubit si Craig Bellamy, Benjani, Felipe Caicedo dhe Valeri Bojinov, dhe është e mundur largimi i tyre në kërkim të gjetjes së ekipeve ku do të jenë pjesë të formacioneve startuese.

[Kliton]

Mesfushori i Barcelonës, Andres Iniesta, është i pasigurt rreth marrëveshjes së shkëmbim të lojtarëve mes ekipit të tij dhe Interit.

Barcelona është në prag të marrë shërbimet e Zlatan Ibrahimovic duke ofruar 40 milionë euro si dhe duke dërguar në drejtim të kundërt Samuel Eto’o, por kjo nuk e kënaq Iniestan.

“Ende nuk ka asgjë zyrtare. Mendoj se lojtari suedez është shumë i rëndësishëm, por bashkë-lojtari im është Samuel dhe unë e respektoj atë shumë. Kam kaluar shumë kohë të mira me Samuel”, ka thënë mesfushori, i cili ka shtuar se ‘do ta mirëpresim’ Ibrahimovic.

[Kliton]

Ish-sulmuesi i Arsenalit, Emmanuel Adebayor, thotë se ai nuk i është bashkuar Manchester Cityt për para.

“Njerëzit të cilët mendojnë se i jam bashkuar Cityt për para janë gabim. Nëse do ta kisha bërë për këtë arsye, do të kisha luajtur për Barcelonën ose Milanin në sezonin e kaluar. Ata më dhanë ofertë më të mirë se që më dha Arsenali për të qëndruar”, ka thënë Adebayor.

“Jam këtu për shkak të ambicieve të klubit. Dua të jem pjesë e klubit i cili synon të jetë më i madhi në botë. E di se kam shumë për t’i ofruar ekipit dhe do të punoj shumë ta arrij këtë”, ka shtuar sulmuesi nga Togo.

I pyetur nëse e ndjen presionin e konkurrencës me disa prej sulmuesve më të mirë në ligën angleze, Adebayor thotë:

“Jo aspak. Para se të vija në Arsenal, ata kishin Dennis Bergkamp, Thierry Henry, Robin van Persie, dhe unë nënshkrova. Nënshkrova edhe këtu, e di se ka shumë lojtarë të mirë. Ata sapo nënshkruan me Tevez, Santa Cruz, kanë këtu Benjani që është një mik i mirë i imi. Ata kanë shumë lojtarë të mirë, por edhe unë jam një lojtar i mirë”.

[Kliton]

Ekipi i Lyonit edhe zyrtarisht ka pohuar se mbrojtësi i majtë Aly Cissokho ka kompletuar transferimin nga Porto për shumë që arrin shifrën e 15 milionë eurove.

Cissokho, transferimi i të cilit në Milan dështoi pasi stafi mjekësor i rosonerëve nuk ishte i kënaqur me testet mjekësore, është përforcimi i tretë i ekipit të Lyonit.

Mbrojtësi i majtë nënshkroi marrëveshje pesëvjeçare pasi Porto dhe Lyon kishin arritur më herët pajtim për nivelin e dëmshpërblimit dhe Cissokho me sukses i kaloi analizat mjekësore.

“Olimpique Lyon dhe Porto këtë pasdite arritën marrëveshje për transferimin e mbrojtësit Aly Cissokho për një shumë prej 15 milionë eurosh (nëse Lyoni e shet lojtarin, ekipi i Portos do të fitojë 20% nga shuma e transferimit). Pasi i kaloi me sukses testet mjekësore në Porto, lojtari nënshkroi marrëveshje pesëvjeçare me Lyonin”, shkruhet në faqen zyrtare të Lyonit.

[Kliton]

Zlatan Ibrahimovic afrohet edhe me shume me Barcelonen pasi agjenti i tij dhe presidenti Laporta kane arritur nje marreveshje te perbashket.

Lajmin e ben te ditur gazeta “El Mundo Deportivo”, sipas se ciles, suedezi do perfitoje nga 9 milione euro ne sezon per 5 vitet e ardhshme. Marrreveshja parashikon gjithashtu nje klauzole per largimin e tij, e cila arrin deri ne 150 milione euro.
Keshtu shtatlarti nga Malmoe realizon endrren e tij per t’u bashkuar me nje klub te suksesshem ne Europe. Nderkohe trajneri Gurdiola tregohet i matur duke thene se vetem nese Eto’o do pranoje oferten e Interit, marreveshja per Ibrahimovic do realizohet. “Eto’o mund te beje si te doje, te pranoje ose jo, kjo eshte ne doren e tij”, thekson Guardiola.

[Kliton]

Samuel Eto'o, tashme eshte futbollist i Interit.
Arrihet marreveshja mes klubit zikalter dhe sulmuesit kamerunez per transferimin e tij ne ekipin italian.

Njoftimin e dha agjenti i futbollistit, pas bisedimeve ne Milano me drejtuesit e Inter. Eto'o do te paguhet te Interi me 10.5 milione euro ne sezon