Neser matura shteterore ne kosove

**eugjeni** · 06-06-2009, 06:43 AM

Çdo gjë është gati për provimin e nesërm të Maturës Shtetërore
Komisioni Qendrorë Shtetëror i Maturës (KQSHM) ne një konferencë për shtyp, sot ka shpalosur planin dinamik të veprimit gjatë procesit të mbajtjes së Maturës Shtetërore 2009.

Nehat Mustafa, Kryetar i këtij komisioni, njoftoi mediat mbi të gjitha përgatitjet intensive që MASHT-i ka ndërmarrë nga aspekti organizativ dhe përmbajtjesor për menaxhim të suksesshëm të provimit të Maturës Shtetërore.
“Ne kemi bere të gjitha përgatitjet intensive që garantojnë një proces të rregullt dhe transparent, me qëllim që maturantëve t’iu sigurojmë mundësi për të qenë të përkushtuar gjatë provimit, njëherit kemi siguruar ne mënyrë absolute testin shtetëror duke përjashtuar çdo mundësi ekspozimi.

Numri i maturantëve që do t’i nënshtrohen provimit është përafërsisht 27 mijë, ndërsa në ketë test do hyjnë edhe kandidatët të cilët vitin e kaluar kanë dështuar të kalojnë provimin dhe kandidatë që kanë përfunduar mësimin joformal, ne mënyrë që të ju hapet mundësia për shkollim të lartë.

Ne provim do të hyjnë edhe nxënësit me nevoja të veçanta të cilët do të kenë një përkujdesje adekuate.

Detajet mbi formalitetet organizative para dhe gjatë procesit të mbajtjes së provimit janë shpërndarë me kohë, ndërsa testi kësaj here përveç gjuhës shqipe është shtypur edhe ne gjuhën boshnjake, turke dhe angleze.

Numri i administruesve është dyfishuar dhe kësaj here do ketë monitorues nga Komisioni parlamentar për arsim, nga Universiteti i Prishtinës dhe pjesëtarë të MASHT-t” tha më tutje kryetari i komisionit, Mustafa.

Zyrtarët e MASHT-it kanë falënderuar mediat e shkruara dhe elektronike për kontributin e dhënë ne sensibilizimin e opinionit dhe maturantëve ne veçanti, mbi procesin e mbajtjes së provimit të Maturës Shtetërore, thuhet në komunikatën e Zyra për komunikim dhe marrëdhënie me publikun pranë
MASHT-it, në të cilën po ashtu njoftohet se edhe gjatë ditës së sotme ,Nehat Mustafa, kryetar i KQSHM-së me bashkëpunëtor ka zhvilluar takim e konsultative me rreth 500 mësimdhënës të komunës së Prishtinës të cilët nesër do të jenë administratorë të e provimit të maturës në qendra të ndryshme të Kosovës.

Takime të ngjashme me administratorë të këtij procesi janë mbajt edhe në qendra tjera të Kosovës , me c`rast janë dhënë sqarime të nevojshme me qëllim të kalimit me sukses të kësaj sfide.

Me kete rast, Albeu.com te gjithe maturanteve qe neser do te futen ne provimin e Matures Shteterore, ju uron suksese.