Mercedes konfirmon karavanin E-class për Frankfurt

**Kliton** · 28-07-2009, 04:35 PM

Përkundër kohëve të vështira, Mercedes ka me çfarë të lavdërohet. E-class i ri tanimë është shitur në mbi 40.000 njësi, derisa kjo listë do të duhej të bëhej edhe më e gjatë pas paraqitjes së automjetit edhe në tregjet e Shteteve të Bashkuara të Amerikës dhe të Kinës.

Mercedes Benz gjithashtu ka konfirmuar zyrtarisht se versionin karavan të E-class do ta paraqes këtë vjeshtë në panairin e automjeteve në Frankfurt. Automjeti do të duhej të gjendej në shitje menjëherë pas mbylljes së panairit, derisa në Sindelfingen presin që edhe karavani do të kontribuojë dukshëm në shitjen e përgjithshme të serisë E-class.

Edhe pse, marrë parasysh recesionin e shumë përfolur, nuk është mirë të supozohet për suksesin e E-class, duhet të pranohet se gjenerata e re e limuzinës luksoze afariste do të mund të kishte bukur do telashe në tentimin e vet për ta tejkaluar paraardhësin e vet që për gjashtë vjet prodhimi është shitur në hiq më pak se 1.5 milionë njësi në mbarë botën.