Itali: Shkatërrohet banda e hajdutëve shqiptarë

[aurel]

Shkatërrohet banda e hajdutëve shqiptarë në Itali, që për 2 muaj kishin sulmuar dhe vjedhur mjaft vila në provincat e Udines e Perdonones në Itali. Operacioni i koduar “Sonni Tranquilli’ (Gjumë i ëmbël) ka vënë në pranga shqiptarët: Elida Manjani, 22 vjeçe, Dylber Damën, ndërsa është shpallur në kërkim Adriano Ademi.
Kjo bandë ka arritur të grumbullojë 200 mijë euro nga 133 vjedhje në 26 lokalitete të ndryshme të dy provincave brenda dy muajve. Ademi konsiderohet si kapo i bandës hajdute shqiptare, por ai ka mundur të arratiset pak para arrestimit.

Për Adriano Ademin pritet që prokurori i Udines, Lorenzo del Xhudice të nxjerrë një mandat ndërkombëtar arresti, pasi mendohet se është larguar drejt Kroacisë. Policia thotë se Ardian Ademi ishte prej kohësh në kërkim.

Ndërkohe hetimet mund te shtrihen edhe tek persona të tjerë të dyshuar, në dy shqiptarë dhe një italian, banorë në Venezia, të cilët mund të kenë bashkëpunuar në këto vjedhje.

Policia thotë se banda vepronte në mënyrë të mirëorganizuar. Pasi caktonin zonën që do të godisnin, hynin natën në vilat e pasura, në kohën kur pronarët flinin dhe vidhnin objekte me vlerë të cilat i shisnin në Shqipëri, por edhe para të thata.

[MAJDI]

mos ja ka prishur planet