Digjen rëndë katër punëtorë në Elbasan

[aurel]

Një shpërthim aksidental në Elbasan në furrnaltën e shkrirjes të firmës turke "Kurum International" të Elbasanit ka shkaktuar plagosjen rëndë për jetën e katër punëtorëve.
Policia tha se shpërthimi i ndodhur rreth orës 22:00 të mbrëmjes së të shtunës, në një nga furrat e shkrirjes së çelikut të kompanisë turke "Kurum International” ketë qenë aksidentale, dhe është shkaktuar nga pakujdesia e vetë punonjësve.

Gjendja shëndetësore e dy prej 4 metalurgëve të cilët u plagosën mbrëmë nga shpërthimi në një nga ish-uzinat e Kombinatit Metalurgjik të Elbasanit, të cilët ndodhen në sallën e reanimacionin të Spitalit Ushtarak në Tiranë, vazhdon të mbetet e rëndë.

Dy metalurgët e tjerë ndodhen të shtruar në spitalin rajonal të Elbasanit dhe gjendja shëndetësore e tyre është jashtë rrezikut për jetën.

Metalurgët ishin pjesë e një grupi punonjësish prej 20 vetash që të shtunën do të punonin në turnin e natës.