Dy zjarrfikës humbin jetën në Kaliforni

[aurel]

Zjarret e shkaktuara nga temperatura rekord, po kërcënojnë tashmë më shumë se 12,000 ndërtesa, thonë zyrtarët.
Guvernatori i Kalifornisë, Arnold Schwarzenegger, tha se zjarri i fuqishëm në një nga kodrat e Los Anxhelosit tashmë ka dalë jashtë kontrollit dhe se po kërcënon me mijëra shtëpi - disa prej tyre me një vlerë prej miliona dollarësh.

Ai i tha në një konferencë për shtyp se zjarri - që shpërtheu javën që shkoi - ishte shumë i fuqishëm dhe i rrezikshëm.

Zjarri i fuqishëm që vetëm 5% e të cilit është nën kontroll, ka djegur më shumë se 55 milje katrorë në pyllin kombëtar të Los Angeles.

Në disa lagje janë dhënë urdhëra të detyrueshëm evakuimi, në një kohë kur guverantori i Kalifornisë, Arnold Schwarzenegger, duke i kërkuar njerëzve që të respektojnë paralajmerimet.

Tani rrezikohet një observator solar si edhe kullat e transmetimit televiziv. Ato janë të vendosura në Mount Wilson, në afërsi të qytetit të Pasadenas. Flakët janë duke iu afruar zonës shumë shpejt.

Në Kaliforni, ka të paktën edhe 7 zjarre të tjera në djegie e sipër. Parashikimi i motit për ditët e ardhshme është se i nxehti do të ulet gjatë ditëve në vazhdim.