Torte ananasi

[MAJDI]

Torte ananasi

perberesit:

200g miell
100g sheqer
100g arra
100 g gjalpe
3 veze
2 luge sode buke
dhe sipas deshires 4-5 feta ananasi

Ne fillim rihen vezet me sheqerin ,derisa formohet nje tip kremi me pas shtohet mielli gjalpi i shkrire ..trazohen te gjitha bashke derisa te perzihen mire shtohen dhe arrat dhe soda e bukes. Mbasi jane perzier e leme menjane dhe bejme gati tepsine ku do e pjekim te cilen e lyejme me gjalpe dhe me miell me qellim qe torta te mos ngjitet kur ta nxjerrim...vendosim fetat e ananasit dhe siper hedhim perberjen qe pergatitem...
piqet ne furre me 180? per 30'. Kur ta nxirrni, permbyseni tepsine me qellim qe fetat e ananasit te dalin siper tortes si dekoracion ...mund te lini nje pjese te arrave per tia hedhur siper...

[MAJDI]

GURABIE
Per 1 kg miell perberesit jane :

1 filxhan çaji kos
3 veze
1 filxhan sheqer
1/2 filxhani gjalpe i shkrire
1 luge kafeje sode buke
vanilje (sipas deshires)

Përgatitja

Ne fillim vendos miellin ne tepsi, pak a shume ne formen e nje vullkani dhe ne pjesen e kraterit hidh perberesit. (mire eshte qe soden e bukes ta perziesh me kosin ne fillim dhe pastaj ta hedhesh tek mielli).

Me pas perzje miellin me perberesit, pak a shume njesoj si mund te punoje brumin per lakror. (perberesit mund ti hedhesh dhe tek makinat e bukes, ne gjysem proces e ti perziesh dhe perpunosh atje).

Pasi ke pergatitur brumin, me forma te vogla kuzhine mund ta ndash ne pjese (ose mund te formosh me dore trekendesha te vegjel). Copat e vogla te brumit (te prera ne forma) vendosi mbi tepsine e lyer me gjalpe (copezat vendosi pak larg nga njera tjetra qe mos ngjiten).Lyej nga siper copezat me veze te rrahur dhe pluhur sheqeri dhe leri te piqen.

Nuk jam e sigurt ne cfare temperature duhen te piqen, por si do qe te jete nuk duan te piqen gjate (duhet tu rrish tek koka aq min sa i le ne furre, qe mos digjen

[MAJDI]

Akullore kremi me vanilje
Përgatitja. Kjo është receta bazë për shumë akullore. Zieni qumështin me vaniljen. Punojini të verdhat e vezëve me sheqerin derisa masa bëhet e bardhë dhe e fryrë. Vendoseni në zjarr, hidhni pak nga pak qumësht të nxehtë dhe vazhdoni të përzieni pa e lejuar të marrë valë. Kur kremi e vesh lugën hiqeni nga zjarri dhe filtrjeni në kullesë. Lëreni të ftohet duke e përzier herë pas here. Hidheni në makinën e akullores, lëreni për 15-20 minuta. Hiqeni kremin në momentin e servirjes.

[Nerti]

o sa receta Majdi, ajo e para eshte shume e mire dhe e lehte per tu bere...do ta provoj..faleminderit. dhe vazhdo shkruaj receta.

[MAJDI]

trahana


Për 1 kg miell duhen:2 gota qumësht, gjalpë 2 lugë gjelle, 1 lugë gjelle kripë.



Sitet mielli, hapet një gropë në mes dhe hidhet gjalpë i shkrirë pak por jo i djegur, qumësht dhe kripë. Duke filluar nga mesi e perziejmë brumin duke mos e gatuar shumë por të përzihet aq sa të mos pijë krejt miellin, brumë i fortë dhe i shkriftë. Sipër e spërkatim me miell, e mbulojmë dhe e lemë të vijë për 2-3 ditë. Pastaj e kapim copa dhe e lemë të thahet pak dhe e shkoqim me dorë, e kalojmë në sitë të rrallë e thajmë përsëri. Ruhet në vende të thata pa lagështi e te freskëta. Në tenxhere shkrijmë gjalpin, hedhim trahanane dhe e skuqim lehtë, hedhim ujin e nxehtë, e perziejmë që të mos bëhet kokrra, shtojmë djathë të thërmuar ose shëllirë dhe e lëmë të ziej per 10 minuta. Serviret e ngrohtë.

[MAJDI]

shkume me cokollat

Përgatitja:
Grimconi cokollatën dhe shkrijeni në banjo-mari, hiqeni nga zjarri dhe shtoni gjalpin. Kur kremi të jetë një masë e njëllojtë, bashkojini 2 të verdha veze. Rrihni të bardhat e vezëve derisa të bëhet si shkumë, shtoni vaniljen dhe sheqerin. Bashkojeni me kremin e cokollatës. Hidheni nëpër tasa dhe mbajeni në frigorifer për 12 orë

[MAJDI]

Akullore me lajthi
Përgatitja. Vendosni lajthitë në furrën e ngrohtë për 15-20 minuta, hiqini, eleminoni lëkurën dhe grijini imët. Zjeni qumështin dhe aromatizojeni me vanilje, përziejeni. Punojini lajthitë e grimcuara me disa lugë qumësht, pastaj shtoni qumështin e mbetur duke përzier. Rrihni të verdhat e vezëve me sheqerin dhe kur të përftohet një masë e fryrë shtoni lajthitë. Vendosini në zjarr të ngadaltë duke i trazuar vazhdimisht. Hiqeni kremin sapo fillon të marrë valë. Kur të jetë ftohur, hidheni në makinën e akullores për rreth 20 minuta.

[MAJDI]

Kek me fruta dhe arra
Pastaj brumi hidhet në tavë me korent duke i vënë në mes formën e cila lyhet me gjalpë dhe pudroset me miell. Pas pjekjes lihet të ftohet, pastaj hiqet nga tava duke e përmbysur kekun, hiqet forma e mesit dhe pudroset me sheqer pudër. Për 1 kek rreth 1 kg duhen: miell 1 gotë e gjysmë uji, sheqer një gotë uji, gjalpë i freskët 2 filxhanë kafeje, vezë 6 kokrra, arra të qëruara 1 filxhan caji, recel (kokrra) 2 filxhanë kafeje, sheqer pudër 1 lugë gjelle.

[MAJDI]

tort me puding
(per 15 vete)

3 kokrra veze
20 lug sheqer
20 lug miell
20 lug qumesht
1 pecive
1 vanile
puding
shllag

Ne nje ene 3 vez dhe 20 lug sheqer perzihen me mikser mir pastaj shtohen 20 lug miell 20 lug qumesht 1 peciv dhe nje vanile dhe keto perzihen deri sa masa te behet homogjene pastaj e qesim ne tave dhe e fusim te piqet keshtu i bejm dhe dy pet tjera ne ket menyre
pastaj ziejm pudingun dhe pasi te piqen te 3 petet dhe ftohetn ne mes te peteve i bejm me puding dhe ne fund e lyejm tere torten me shllag pasi ta lyejm me shllag torten e dekorojm me pem sipas shijes.

[EMAUS]

Faleminderit shume Majdi duken veretete interesante

[MAJDI]

Krem cokollate
4-5 filxhane caji qumësht 2 vezë 1 filxhan caji - ujë 2 filxhane kafeje - sheqer 3 lugë kafeje - nisheste 1 lugë gjelle - kakao

[MAJDI]

Akullore me fruta pylli
Përgatitja. Pastroni, lani e thani frutat, hiquni bishtat. Vendosni në frulator. Shtoni dhe lëngun e gjysëm limoni të filtruar në kullesë, sheqerin dhe panën. Frulojini të gjitha. Pastaj hidheni përgatesën në makinën e akullores duke e lënë rreth 20 minuta ose sipas instruksioneve të aparatit.

[MAJDI]

Këshilla të rëndësishme për kuzhinën tuaj


1 Në mënyrë që të heqesh erën e peshkut nga duart, pastroji ato duke i ferkuar mirë me limon.

2 Mund të zhdukësh erën e qepës apo të hurdhrave duke i fërkuar duart me uthull të bardhë menjëherë pas mbarimit të pregatitjes së ushqimit.

3 Në mënyrë që të zhdukësh erën e mykut apo cdo lloj ere tjetër jo të këndshme në dollap apo në syrtare mjafton të vendosni në kënd të tyre një copëz qymyr.

4 Për zierjen e vezëve të plasaritura mjafton t'i mblidhni ato me nje copë letër alumini dhe të hidhen në ujë.

5 Mos e lër orizin apo thjerrëzat apo cdo lloj ushqimi tjetër që futet në këtë grup në qese plasmasi në guzhinë, futi në qese basme në mënyrë që të mos zënë krimba apo të meken.

6 Mundohu që të mos blesh perime të ndënjura apo të vyshkura sepse ato e kanë humbur një pjesë të madhe të vlerave të tyre ushqimore.

7 Mos i lër perimet një kohë të gjatë në ujë në larjen e tyre është më mirë që ato të lahen në ujë të rrjedhshëm e pastaj të vihen në kullesë në mënyrë që të thahen.

8 Përdor thikë të mprehtë në prerjen e perimeve në mënyrë që të shmangësh dëmtimet e lekurës apo të gjetheve të tyre.

9 Griji perimet me lëkurën e tyre në mënyrë që të mbrojnë vlerat e tyre ushqimore.

10 Erëzat: majdanozi, kopër etj. ruhen mirë për disa ditë nëse futen në qese plasmasi e mblidhen mirë, e më pas vendosen në frigorifer apo në vende të freskëta.

11 Majdanozi, kopër etj nga erëzat e gjelbërta nuk grihen me makinë sepse u humbet lëngu është mirë që të grihen me thikë.

12 Sa më të mëdhaja të priten perimet aq më pak e humbasin vlerën e tyre ushqimore.

13 Perimet ruhen mirë për disa ditë nëse mbështillen me një pecete të lagur.

14 Perimet qërohen jo shumë kohë para gatimit dhe zihen në tenxhere me kapak të mbyllur dhe me pak ujë.

15 Vitaminat që ndodhen në perimet e freskëta janë shumë të ndjeshme gjatë përpunimit të nxehtë, prandaj është më mirë që ato të zihen shpejt e në zjarr të fortë.

16 Patatet e ziera qërohen më lehtë nëse pas zierjes hidhen në ujë të ftohtë.

17 Që panxhari i kuq të ruajë ngjyrën gjatë zierjes, në vend të kripës në ujë hidhet pak uthull.

18 Mbas qërimit të patateve, karrotave, e perimeve të tjera duarve ju hiqen njollat nëse lahen me lëng limoni ose limontos.

19 Kur gjiza është e thartë përzihet me qumësht në raportin 1:1, pasi lihet një orë kullohet, kështuqë gjiza bëhet e ëmbël dhe e freskët.

20 Djathi shumë i kripur njomet me ujë të zier por të ftohur.

21 Djathi i tharë që të bëhet i butë vihet për pak kohë në qumësht.

22 Vezët e freskëta kur futen në ujë me kripë bien në fund ndërsa ato që s'janë të freskëta notojnë.

23 Kur rrihen të bardhat e vezëve që t'u shtohen më shumë vëllimi për cdo kokërr vezë i shtohet një gjysëm luge gjelle ujë.

24 Lakra turshi nuk shpërlahet me ujë të nxehtë sepse i ulen vlerat ushqimore.

25 Gjatë zierjes së lakrës në mënyrë që të mos vijë erë e keqe, në tenxhere hidhet një fetë buke e lyer me uthull.

26 Kur lulelakra ruhet në dritë nxihet dhe i keqësohet shija.

27 Për të zier një kg. fasule duhen 2-3 litra ujë.

28 Për të përmirësuar shijen e fasuleve gjatë zierjes hidhen majdanoz dhe karota.

29 Gjatë gatimit të gjellëve të nxehta mos i mbani fëmijët pranë.

30 Mos përdorni mjetet elektrike kur duart i keni të lagura, si dhe kur dyshoni se kanë difekte teknike.

[MAJDI]

Buding molle

Për 6-8 vetë:

* 6 lugë margarinë
* 12 feta buke tost, tuli bukës të jetë i bluar
* 12 kg mollë
* 23 filxhan ujë
* 12 filxhan sheqer
* 1 filxhan marmelatë

1 - Fërgoni në një tigan të thellë me margarinë fetat e bukës në një zjarr mesatar deri sa ato të zverdhen. I vendosni ato mënjanë.

2 - I qëroni mollët dhe i prisni në katrorë të vegjël. I zieni më ujë dhe sheqer dhe afro 25 minuta në një tenxhere deri sa ato të zbuten krejt.

3 - Shtoni në formë sufleje me shtresa 1 filxhan me tul buke të fërguar, 2 filxhanë me salcë molle dhe 12 filxhani marmelatë frutash. Përsërisni të njëjtën gjë deri sa të mbarojnë lëndët e përgatitura duke përfunduar me shtresën e sipërme me tulin e bukës dhe mandej e piqni budingun për afro 25 minuta në furrë të ngrohur në 180 gradë. Nëse dëshironi, e lyeni në formë garniture budingun me një shtresë të hollë marmelate, krem qumësht dhe e servoni disi të vakët

[MAJDI]

Akullore me cokollatë
Përgatitja. Zieni qumështin. Në një tigan tretni në banjo-mari cokollatën e grimcuar me disa lugë qumësht të nxehtë dhe pastaj hidheni kremin e përftuar në qumështin e mbetur. Në një tenxhere punoni të verdhat e vezëve me sheqerin derisa të përftohet një masë e bardhë dhe e fryrë. Hollojeni me qumështin me cokollatë të hedhur ngadalë. Vendoseni në zjarr në flakë të ulët dhe duke e përzier, lëreni që kremi të trashet por pa arritur të ziejë. Filtrojeni kremin nëpërmjet një kullese, hidheni në një enë dhe lëreni të ftohet duke e përzier herë pas here. Vendoseni në makinën e akullores dhe hiqeni pas 20 minutash. Akullorja është gati.

[MAJDI]

Akullore me cokollatë
Përgatitja. Zieni qumështin. Në një tigan tretni në banjo-mari cokollatën e grimcuar me disa lugë qumësht të nxehtë dhe pastaj hidheni kremin e përftuar në qumështin e mbetur. Në një tenxhere punoni të verdhat e vezëve me sheqerin derisa të përftohet një masë e bardhë dhe e fryrë. Hollojeni me qumështin me cokollatë të hedhur ngadalë. Vendoseni në zjarr në flakë të ulët dhe duke e përzier, lëreni që kremi të trashet por pa arritur të ziejë. Filtrojeni kremin nëpërmjet një kullese, hidheni në një enë dhe lëreni të ftohet duke e përzier herë pas here. Vendoseni në makinën e akullores dhe hiqeni pas 20 minutash. Akullorja është gati.

[MAJDI]

Pasta akulli me krem e cokollatë
Përgatitja. Përgatisim kremin e pasticerisë me qumështin, vezët, miellin dhe sheqerin. Hidheni gjysmën e tij në një enë. Kremi të mbetur shtojini 2-3 lugë qumësht, rivendoseni në zjarr për disa minuta. Hidheni në një enë të dytë. Vendosini të dy kremrat në frigorifer. Rrihni kremin e qumështit me një lugë vanilje ndajeni përgjysëm, bashkojani kremrave. Visheni një formë nga brenda me një letër trasparente hidhni në fillim një krem, pastaj tjetrin. Vendoseni në frigorifer për 12 orë.

[MAJDI]

Fruta me shllak
200 gr biskota caji të thërrmuara trashë 1 filxhan qershi pa bërthama 1 filxhan pjepër, të prerë në copa të vogla 10 kajsi, të prera në copa të vogla 5 pjeshkë, të prera në copa të vogla 12 luleshtrydhe 2 lugë sheqer të zakonshëm lëng i 1 portokalli ½ kg djathë maskarpone 1 ½ filxhan kremë qumështi 1 filxhan kos të kulluar ½ filxhan sheqer pudër 1 lugë liker Amareto ose Schnapps

[MAJDI]

Embëlsira

Kabuni me rrush të thatë
Për 4-5 persona duhen:

Oriz 1 gotë uji, lëng mishi 2 gota uji, rrush i thatë 1 filxhan kafeje, sheqer 1 filxhan caji, gjalp 3-4 lugë gjelle.
Orizi pastrohet, lahet dhe kaurdiset me gjalpë, pastaj shtohet lëng mishi (mundësisht dashi) ose ujë, rrush i thatë (shpëlahet më parë me ujë të vakët), pak kripë dhe vihet të ziejë. Kur është thithur pothuajse i gjithë lëngu dhe në sipërfaqe janë krijuar vrima, hiqet nga zjarri, përzihet me sheqer, kanellë e karafil të bluar. E mbulojmë me kapak dhe e leme ne nje vend te ngrohte. Masa hidhet në forma ose filxhanë dhe pastaj përmbyset. Për kabuni masa e orizit dhe e lëngut merret si për pilaf të zakonshëm: 1 kg oriz me 2 litra ujë.

Sheqerpare
Për 25 copë duhen:

Për brumin:
Miell 3 gota uji, gjalpë 1 gote, vezë 1 kokërr ose 2 të verdha, sodë një majë luge kafeje, pak vanilje, sheqer 1 gotë uji.


Për shërbetin duhen:
2 gota sheqer, një gotë e gjysmë ujë.

Rrihet gjalpi me sheqer, shtohen vezët pjesë-pjesë duke i rrahur vazdimisht dhe në fund hidhet mielli i perzier me sodë. Zihet brumi i cili pritet ne forma dhe shtrohen në tavë të lyer me yndyrë. Lihet të piqet për 20-25 minuta, hiqet nga furra dhe kur të vlohet i hidhet shërbet i aromatizuar me vanilje. Duhet pasur kujdes që shërbeti të mos i hidhet i nxehtë pasi sheqerparet qullosen.

Shëndetlie
Për 25 copë duhen:

Miell 3 gota uji , sheqer 1 gotë uji, mjaltë 2-3 lugë gjelle, vezë 2 kokrra, sodë një majë luge kafeje, arra 1-2 filxhanë kafeje, gjalpë 2 filxhanë kafeje, pak vanilje dhe ujë 2 filxhana kafeje.


Për shërbetin:
Sheqer 3 gota uji, ujë 2 gota e gjysëm.

Në një enë përzihen mirë vezët sheqeri, mjalti, gjalpi dhe në fund shtohen arra. Pastaj hidhet miell i përzier me sodë. Zihet brumi i cili nuk duhet të punohet shumë që të mos bëhet elastik. Brumi i përgatitur vendoset në tavë të lyer me yndyrë, rrafshohet me dorë, lyhet sipërfaqja me vezë, bëhen disa vija me pirun në formë rombi dhe hidhet shërbet i vakur i aromatizuar me vanilje.

Tullumba
Për 25 copë duhen:

Për brumin:
Miell 1 gotë, vaj ose gjalpë 2-3 lugë gjelle, vezë 3-4 kokrra, pak kripë e sheqer, ujë treçerek gote.


Për shurupin:
Sheqer 2 gota, ujë 2 gota, vaj për skuqje.

Brumi për tullumba përgatitet duke zier në uje miell së bashku me gjalpë ose yndyrë tjetër dhe pas zierjes ky brumë përzihet me sasi të madhe vezësh, Për ti dhënë formën tullumbave përdoret një vegël e dhëmbëzuar. Forma mbushet me brumë dhe vihen të piqen nga të dyja anët në zjarr të nxehtë. Pas skuqjes hiqen nga zjarri dhe hidhen në shërbet të ftohtë ku mbahen 1-2 ninuta. Pastaj hiqen dhe rreshtohen në pjatë.

[MAJDI]

Akullore me portokalle
Përgatitja. Lani portokallet dhe limonin, thajini dhe fërkojini lehtë lëkurat mbi sheqer që të marrë aromë. Ndajini përgjysëm portokallet, shtrydhini, filtrojini lëngun, hidheni në një tigan, shtoni gjithë sheqerin dhe lëngun e limonit, shkrijini në zjarr shumë të dobët duke i përzier. Hiqini, lërini të ftohet shtoni panën, lëngun e mandarinës e të portokallit. Përzjejini dhe vendoseni në makinën e akullores