Në pikën doganore Morinë kapet një sasi e armatimit

[aurel]

Oficerët doganorë kanë zënë një sasi e armëve në pikën doganore Morinë mbrëmë në mesnatë, të cilat transportoheshin të fshehura në një autobus.
Në një komunikatë për media doganat bëjnë të ditur se gjatë një kontrolli rutinor të autobusit në dalje, oficerët doganorë kanë zbuluar 20 copë armë të vogla të llojit Bereta.

Autobusi ishte me targa KS dhe udhëtonte në drejtimin e Shqipërisë. Autobusi është ndalur nën mbikëqyrje doganore deri në përfundimin e procedurave të këtij rasti.

Personi i dyshimtë është ndaluar nga policia, kurse armët i janë dorëzuar policisë për procedim të mëtejmë.