Zani Çaushi për 10 orë i lirë në Vlorë. Kishte të atin sëmurë

[aurel]

Nën masa të rrepta sigurie, Myrteza Çaushi, i njohur si “i forti” Çoles ka udhëtuar sërish drejt qytetit të Vlorës. I dënuari me burgim të përjetshëm është lejuar të vizitojë të atin, i cili ndodhet në gjendje të rëndë shëndetësore. Lajmi konfirmohet nga burime zyrtare të Drejtorisë së Përgjithshme të Burgjeve, të cilat saktësuan se Myrteza Çaushit i është dhënë e drejta të shkojë pranë familjes së tij për dhjetë orë.
Kreu i burgut të sigurisë së lartë Burrel, Shkëlqim Gjecuka, citon Gazeta Shqiptare tha se “gjatë shoqërimit nuk u shënua asnjë incident”. Kjo është hera e dytë që i cilësuari si një prej të dënuarve VIP është lejuar të lërë qelinë dhe të “fitojë” lirinë për dhjetë orë.

I forti i Çoles ka shkelur në shtëpinë e tij në mesditë dhe ka qëndruar me babanë e sëmurë për një orë. I gjithë itinerari është mbajtur në sekret të plotë për të shmangur çdo incident të mundshëm. Në orën 20:00 të mbrëmjes i dënuari përjetë ka zënë vend sërish në qelinë e tij, ku ndodhet prej dhjetë vitesh.

Në gusht të vitit 2008, Myrteza Çaushi u shoqërua për në Vlorë për t’i dhënë lamtumirën motrës së tij Natashës, e cila ndërroi jetë nga një sëmundje e rëndë.

Myrteza Çaushi njihet si një prej kapobandave që veproi në qytetin bregdetar gjatë vitit 1997. Banda kriminale e drejtuar prej tij akuzohet për dhjetëra krime makabre. I forti i Vlorës u arrestua në vitin 1998, pasi dyshohej për disa krime të rënda. Më 22 mars 1999 u lirua në sallën e gjyqit, pasi u cilësua fajtor vetëm për armëmbajtje pa leje. Akuzat fillestare ishin për krijim bandash të armatosura, pengmarrje, vrasje me paramendim, etj.

Në shtator 1999, pas një incidenti me armë në fshatin Mifol Myrteza Çaushi përfundon në qeli, ku dënohet me burgim të përjetshëm për ngjarjen e 7 korrikut të po këtij viti. Në këtë vrasje mbetën viktima Rovert Shehu dhe daja i tij, Luan Bedini si dhe krahu i djathtë i Zanit, Afrim Rami.

Një vit më parë u dënua me 18 vjet heqje lirie për vrasjen e Bernard Duçkës, Niko Borakut dhe vëllezërve Neritan e Edmond Dednika, si dhe rrëmbimin e Artur Gjoshit, Pëllumb Petritit, Foto Kolës dhe Sokol Kamberit.

Gjatë përplasjes me bandat e armatosura Zani Çaushi ka humbur tre vëllezërit.

[kuklla]

Nga ana njerezore te vjen keq per nje familje qe , ka 4 femije te vdekur dhe 1 femije ne burg te perjetshem, e nje baba qe dergjet ne shtrat. Perseri kur mendon se sa familje ka bere te jene te deshperuar ky njeri te vjen keq per keta te fundit.
Ndjenjat per fat te keq apo per fat te mire nuk jane ligj qe te thone se cduhet bere.