Zucchero, live në “Selman Stërmasi”

[KLEA]

Pas këngëtarit italian, njoftohet ardhja e solistes së “Cranberries”, Dolores O’Riordan

Pas 11 vjetësh Zucchero takon sërish publikun shqiptar. Në datën 13 qershor stadiumi “Selman Stermasi” pret një nga emrat e njohur të muzikës italiane. Prezanton albumin më të ri “Fly”, në vijim të turit të koncerteve që po zhvillon nëpër Evropë. Këngëtari mbërrin në Tiranë, mbrëmjen e 12 qershorit së bashku me stafin teknik dhe bandën prej 25 vetësh. Parashikohet që pak orë përpara koncertit, Zucchero të dalë në një konferencë për shtyp. Koncerti do të jetë live dhe mendohet të zgjasë nga 90-120 minuta. Krahas këngëve të reja, në programin e tij nuk mungojnë këngët e njohura, që ftojnë publikun të këndojë me të. Këngëtari italian vjen në Tiranë me ftesën e agjencisë “Living Room Shoë”, që solli në Pallatin e Kongreseve grupin “Europe” dhe mitikët “Deep Purple”.

Por të tjera surpriza mendohet të ketë deri në fund të vitit 2007. Vetëm pak ditë më vonë, në datën 19 qershor, po në stadiumin “Selman Stërmasi” një tjetër artiste do të këndon live në Tiranë. Bëhet fjalë për ish-vokalisten e grupit “Cranberries”, Dolores O’Riordan, e njohur në Shqipëri prej këngëve “Promises”, “Zombie”, “Animal instict” etj. Ajo vjen për promvimin e albumit “Are you listening”. Bileta për këto koncerte, kushton 2000 lekë të reja. Nëse blihen së bashku, kushton 3000 lekë të reja. Ato mund të gjenden pranë “Living Room”, sportelit të Teatrit Kombëtar të Operas dhe Baletit, agjencisë “Joy Travel” pranë stadiumit “Selman Stërmasi” dhe në dyqanet muzikore në kryeqytet. Përfitojnë 10 % zbritje nga bileta, studentët, që paraqesin librezën e studentit, ose ata që janë të pajisur me kartën “Euro 26” nga Zyra për Mbrojtjen e Qytetarëve.

( marre nga gazeta Shekulli)

[EMAUS]

Faleminderit Klea per informacionin qe solle.

Dini ndonje faqe nga ku mund te zbresim kenget e Zucchero? Mua me pelqen shume

[ingal]

Emaus provoje njehere me programin BEARSHARE
ose LIMEWIRE , MP3 TORPEDO , MP3 ROCKET.

Me keta eshte e sigurte qe do ti gjesh.