Rroba kundër gripit të derrave

[aurel]

Xhaketa dhe pantallonat e kompanisë japoneze “Haruyama Trading Co.” duken si të gjitha tjerat, mirëpo ato do të paraqesin një pengesë të pakalueshme për gripin e derrave. Siç thonë në kompani, këto rroba janë punuar nga materiali i cili mbron nga infektimi me këtë virus.
Rrobat e kësaj kompanie janë të mbuluar me titan-dyoksid i cili në reaksion me dritën shkatërron virusin e gripit të derrave nëse ndeshet me të. Kimikati i përmendur, ndryshe mund të gjendet në pasta për dhëmbë dhe kozmetika të ndryshme.

Rrobat, të cilat sipas stilit nuk dallojnë aspak me tjerat, vijnë në katër ngjyra.

Rrobat mbajnë kualitetet e tyre kundër viruseve edhe pas shumë larjeve. Shkurt, tani vetëm duhet të kujdeseni pranë kujt do t’i zhvishni këto rroba dhe gripi nuk do të ketë punë me ju.