Microsoft lëshon numër rekord të arnimeve

[aurel]

Gjiganti softuerik në praktikën e tij të zakonshme të arnimeve mujore ka lëshuar numrin rekord prej 13 arnimeve, të cilat rregullojnë gjithsej 34 probleme brenda zgjidhjeve të tij softuerike.
Paketa e arnimeve zgjidh një varg lëshimesh në Windows, Internet Explorer, Silverlight, paketën për zyre Office si dhe në disa aplikacione tjera.

Gjashtë nga 13 arnimet janë theksuar si kritike dhe përdoruesve u rekomandohet t’i instalojnë sa më parë sepse ato drejtpërdrejt zgjidhin lëshimet të cilat kanë të bëjnë me sulmet e paautorizuara në kompjuterët e përdoruesve si dhe sulmet tjera të hakerëve.

Disa përditësime zgjidhin problemet e sigurisë brenda sistemit më të ri operativ Windows 7, i cili ende nuk ka filluar të funksionojë nëpër kompjuterët e botës, por që në shitje del gjatë javës së ardhshme.

www.microsoft.com