Bravia, celular për adhuruesit e multimiedias

[aurel]

Po kush tjetër pos japonezëve, më saktësisht operatorit të telefonisë mobile KDDI, i cili ka paralajmëruar daljen në treg të një celulari që bazohet në serinë e televizorëve Bravia të kompanisë Sony. Si rezultat i kësaj edhe vet pajisja do të quhet Bravia Phone.
Sa u përket detajeve teknike Bravia Phone përmban ekran WVGA prej tre inçësh si dhe ka mbështetje të integruar për riprodhimin e dosjeve Blu-ray.

Bravia po ashtu ka qasje për kartelat e memories microSDHC, është rezistues ndaj ujit në mënyrë që njerëzit të kënaqen duke shikuar filma derisa bëjnë dush, ka fotoaparat prej pesë megapikselash, WiFi, Bluetooth, GPS e TV tuner si dhe shtojca tjera që janë tipike për këtë lloj të pajisjeve.




Data e saktë e lansimit dhe çmimi ende nuk janë bërë publike.