Nga mosha nëntëvjeçare do të mendojnë për karrierën

[aurel]

Nxënësit britanikë nga mosha nëntëvjeçare do të marrin këshilla për rrugët e tyre të karrierës së ardhshme me anë të faqeve të internetit, siç është YouTube, nëpërmjet një skeme të re- ka njoftuar qeveria britanike të hënën.
Nëpërmjet një programi të planifikuar për fëmijët e të gjitha shtresave socio-ekonomike, do t’iu ndihmohet për të arritur qëllimet e tyre në të ardhmen me anë të mentorëve, do të kenë mundësinë të vizitojnë universitetet, dhe njëkohësisht do të këshillohen se për cilat lëndë të studiojnë.

Programi, i cili do të testohet në 38 shkolla, është i planifikuar që të inkurajojë fëmijët të mendojnë për aspiratat e tyre që në moshë të re.