Pamja e parë në serinë 5 të BMW-së

[aurel]

Para se të na e paraqesin zyrtarisht serinë e re 5 F10, më BMW kanë vendosur të luajnë edhe pak me ne dhe kanë lëshuar disa fotografi të cilat vetëm pjesërisht e shfaqin pjesën e përparme të automjetit për të cilin bavarezët pohojnë se është automjeti më i bukur i BMW-së deri më tani.
Edhe pse nuk do të donim të merrnim guximin dhe të vërtetojmë pohimin e tyre, posaçërisht jo para se të shohim tërë automjetin, duhet të theksohet se në shikim të parë të dizajnit të tij duket se linjat e reja të “pesëshes” më shumë janë evolucionare sesa revolucionare krahasuar me paraardhësin e tij.

Gjëja e ngjashme pritet të ndodhë edhe nën kofano, ku linja aktuale e motorëve nga seria 5 do të duhej të gjej vend me disa performansa më të mira dhe shpenzime më të ulëta.




Nëse spekulimet të cilat janë duke qarkulluar nëpër internet tregohen të vërteta, do të mund të prisnim edhe motorin me benzinë prej katër cilindrash me turbo-mbushës në këtë gjeneratë të re të serisë 5.