Google shpërblen aplikacionet më të mira për Android

[aurel]

Gjatë muajit maj të këtij viti Google pat nisur garën e dytë me radhë për zhvillimin e aplikacioneve për platformën e vet mobile Android. Gara ka marrë fund e janë zgjedhur edhe fituesit të cilëve u janë dorëzuar shpërblime të majme në para.
Android Developer Challenge 2 apo ADC2 është gara e dytë e këtij lloji nga kompania Google, në të cilën kanë mundur të përfshihen të gjithë përdoruesit e celularëve me Android. Për aplikacionet e nominuara kanë votuar hiq më pak se 26.000 përdorues, e në garë janë paraqitur diç më shumë se 1.700 aplikacione.

Si aplikacioni më i mirë është shpallur “SweetDreams” i cili thirrjet gjatë natës i drejton në postën me zë, e pronarët e saj tani janë më të pasur për 250.000 dollarë




Vendin e dytë e ka marrë loja mobile për më shumë lojtarë “What The Doodle!?”, gjersa aplikacioni i tretë është “WaveSecure” i cili përdoruesve u mundëson mbikëqyrje mbi celular, duke krijuar një kopje të sigurt të sistemit dhe mbyllje e fshirje të tij në rast të vjedhjes.

[ReniX]

Me pelqen te futesha ne boten e Android, por koha sma premton...