Shqipëri: Moti i keq, probleme në gjithë vendin

[aurel]

Pas borës së dendur që përfshiu për disa ditë pjesën verilindore të vendit nisja e reshjeve të shiut ka sjellë edhe lehtësimin në qarkullimin rrugor në aksin Kukës-Qafë Mali.
Njoftohet se të bllokuara mbeten ende zonat e Arrësit dhe Zapodit në qarkun e Kukësit, ndërsa probleme dhe disa komuna të bllokuara nga bora vërehen edhe në Dibër e Gramsh.

Ndërkohë, problematike paraqitet edhe furnizimi me energji elektrike i 15 fshatrave në rrethin e Kukësit. Zyra vendore e OSSH-se njofton se po punohet për rikthimin e energjisë elektrike në të gjithë fshatrat dhe se avaritë kanë qenë pasojë e motit të ftohtë që ka sjellë edhe mbingarkimin e rrjetit.

Mot i keq shkakton probleme edhe në Fier. Kështu Lumi i Gjanicës ka dalë nga shtrati duke shkaktuar përmbytjen e tregut industrial dhe katet e para të rreth 100 shtëpive.