Ngjyrat & Endrrat

[Lirenti]

[align=justify:10w7bjh6]Këndvështrimi rreth ngjyrës tek çdo njëri nga ne është krejtësisht i ndryshëm. Ky fakt mund të vërtetohet në rastin ekstrem të ekzistencës së njerëzve që kanë mungesë "ngjyre" apo që ngatërrojnë të gjelbrën me blunë. Për të kuptuar në realitet se çfarë roli ka ngjyra në jetën tonë është mirë që të hedhim një vështrim të kujdesshëm tek veshjet që zgjedhim por edhe tek objektet me të cilat zbukurojmë ambjentin shtëpiak. Do të kuptojmë shumë më mirë se cilat ngjyra na sjellin optimizëm dhe cilat përcjellin "energji" negative. Ngjyra mbi të gjitha shoqërohet edhe me disa shenja simbolike. Në çdo vend të botës që të shkoni do të kuptoni ndryshimin midis semaforit të gjelbërt dhe të kuq apo një nuseje dhe një vejushe. Por duhet thënë se jo kudo trajtimi i ngjyrave është i njëllojtë. Kështu, psh. ngjyra e bardhë në vendet e lindjes është ajo që sim-bolizon vdekjen dhe jo e zeza, siç jemi mësuar ta trajtojmë gjithmonë. Kjo gjë është mjaft e vlefshme për t'u njohur, me qëllim që të shmangen gabimet e ndryshme Por ngjyrat sundojnë edhe në ëndrrat tona, megjithëse është shumë e vështirë që t'i kujtojmë në mëngjes, kur zgjohemi. Përderisa ëndrrat kanë ndikim të konsiderueshëm në jetën reale, atëherë edhe ngjyrat që shfaqen në to, përmes simboleve të shumta, përqellin mesazhe të qarta. Kështu, ekzistojnë ngjyra negative dhe pozitive që përcjellin mesazhet përkatëse. Por ne kësaj here do të ndalemi tek tri ngjyra dominuese dhe shumë domethënëse: ngjyra rozë, portokalli dhe e gjelbërt të cilat i takojnë kategorisë së parë dhe janë ngjyra të dashurisë, lumturisë dhe sigurisë


Roza
Zakonisht lidhet me dashurinë dhe veçanërisht me lidhje tepër të qëndrueshme. Gjithashtu, ajo simbolizon edhe fuqitë shëruese të shpirtit njerëzor. Të tjera simbole të ngjyrës rozë e lidhin atë me feminilitetin, freskinë, pranverën, miqësinë dhe ëmbëlsinë. Ngjyra rozë gjithashtu, largon refuzimin.
Roza eshte ngjyra e shendetit

Simbole në rozë
Lule
Lulet kërkojnë të përcjellin mesazhin e veprimtarive të këndshme shoqërore.
Fytyrë
Ndjenja që ushqeni për një person të dashur është e thellë dhe shumë shpejt do të marrë formë konkrete.

Dirtarja
Dritarja simbolizon një shans në planin personal ose shoqëror i cili nuk është shfrytëzuar akoma.

Zemër
Zakonisht në ëndrra më shpesh paraqitet një objekt në formë zemre dhe jo një zemër e vërtetë.

Veshje
Mendoni se do t'ju duhettë krijoni një lidhje të re shoqërore ose erotike por dyshoni për vazhdimësinë e saj. Peshoni anët pozitive dhe negative por nuk do të jetë e lehtë të merrnin vendimin për-fundimtar.
Karrige
Nëse karrigia nuk lëviz gjatë kohëzgjatjes së ëndrrës tregon se ndodheni në një periudhë të qëndrueshme të jetës suaj.

Dollap
Në përgjithësi dollapi ka lidhje me idenë e depos. Zakonishttë gjithë dollapët mbajnë brenda objekte të papërdorshme që kanë mbetur nga vitet e kaluara. Kështu edhe në ëndërr dollapi shër-ben si ambjent depozitimi, veçse jo të objekteve materiale, portë ndjenjave shpirtërore. Atje brenda fshihet dashuria juaj për dikë dhe prisni që të piqen kushtet për ta shprehur.
Statujë
Shumë rrallë në ëndërr mund të shihni statujë, e cila kërkon t'ju paralajmërojë se së shpejti do të arrini në sferën profesionale diçka tepër të sigurt dhe që do të vazhdojë për një periudhë shumë të gjatë kohore.
Shkallë
Shkallët simbolizojnë përpjekjen që duhet të ndërmerrni për t'u ngjitur në ndonjë nivel të hierarkisë si dhe për të arritur një qëllim të vështirë përmes një pune të mundimshme.


E gjelbërt
Ngjyra e gjelbërt në përgjithësi lidhet me elementin e natyrës dhe të prodhimit. Simbolizon qetësinë, shpresën dhe optimizmin, d.m.th. të gjitha ato ndjenja që përjetojmë kur ndodhemi në natyrë. Ngjyra e gjelbërt në ëndrra gjithashtu simbolizon një përmirësim të mundshëm, progres apo lulëzim në sferën profesionale, personale dhe shoqërore.

Simbole në ngjyrë të gjelbërt

Perime
Në rast se në ëndërr shikoni perime me shumicë, kjo tregon se do të keni shëndet të mirë, por edhe optimizëm në përgjithësi.
Fruta
Nëse frutat janë të papjekura, kanë ngjyrë të gjelbërt, atëherë kjo tregon se përpiqeni të hartoni një plan, synoni të nënshkruani ndonjë marrëveshje profesionale ose doni të merrni një vendim personal përfundimtar për të cilën nuk jeni e përgatitur siç duhet ose nuk keni krijuar kushtet e nevojshme.
Pemë
Pema në përgjithësi simbolizon pafundësinë. Kështu, ajo mund të tregojë se do të keni një shëndet të mirë dhe mbijetesë të gjatë.
Lëkura
Natyrisht që një lëkurë e tillë në ngjyrë të gjelbërt nuk është normale. Në këtë rast e gjelbërta simbolizon lagështirën, baltën, sëmundjen dhe vdekjen.
Gurë të çmuar
Këto gurë simbolizojnë në përgjithësi qetësinë dhe sigurinë.
Kartmonedha
Kartmonedhat në ngjyrë të gjelbërt lidhen me shkëmbime, shlyerje borxhesh por edhe sipërmarrje detyrimesh të reja ekonomike.
Uji
Uji në ngjyrë të gjelbërt është diçka jo e mirë. Zakonisht e takojmë në zona moçalore, ku ujrat nuk lëvizin për shumë kohë, duke mbledhur mushkonja por edhe barishte që dalin në sipërfaqe. Kështu edhe në ëndrra, uji i gjelbërt tregon se keni mbetur prapa me disa detyrime.
Nuk veproni, nuk drejtoheni për nga rruga e drejtë por mbeteni i lidhur me të shkuarën. Mesazhi që ju dërgojnë ëndrrat është se duhet të shprehni ndjenjat që mbani fshehur si dhe të merrni disa vendime të nevojshme.
Monopat
Monopati i madh simbolizon një udhëtim shumë të gjatë. Mund
të jetë pa kthim ashtu sikurse ka mundësi të bëhet për arsye profesionale.

Portokalli
Në përgjithësi portokalli është ngjyrë tepër pozitive.
Lidhet me mirësjelljen, bujarinë, optimizmin, shkëlqimin dhe
rrezatimin.
Gjithashtu, paralajmëron për ndryshime të mëdha, progres në
jetën personale dhe profesionale, udhëtime, lindjen e njëfëmije,
hyrjen në universitet, lumturinë në çdo fushë.



Simbole në ngjyrë portokalli
Këpycë
Simbolizojnë një lëvizje pozitive, një hap përpara drejt një qëllimi të ardhshëm, ndryshimin e banesës, ndoshta edhe drejt një vendi të huaj. Gjithashtu, këpucët në ngjyrë portokalli simbolizojnë edhe një karrierë të mirë profesionale që ndodhet në pikën kulmore.
Pasoportë
Pasporta në përgjithësi do të thotë një portë që hapet apo një shans i paraqitur. Nuk është e rastit shprehja "pasaportë dhe lumturi".
Tokë
Toka në ngjyrë portokalli simbolizon një udhëtim që kryhet për arsye profesionale.
Fytyra juaj
Nëse shikoni fytyrën tuaj në ngjyrë portokalli do të thotë se i jepni rëndësi jashtëzakonisht të madhe gjërave që nukju interesojnë. Dispononi një ndjeshmëri hiperbolike rreth temave "vetja juaj" dhe "qendra e vemendjes".
Vullkan
Nuk është jonormale që të shihni në ëndërr një vullkan në ngjyrë të tillë, përderisa llava ka ngjyrë portokalli në të kuqe. Vullkani simbolizon shkëndijën e krijimit që fshihet brenda jush, por që akoma nuk është përdorur siç duhet
Lule
Një lule portokalli simbolizon gjallërinë dhe këmbënguljen.
Kapele
Një kapele në ngjyrë portokalli është simbol i krijimit, ideve të veçanta që po të vihen në zbatim do të sjellin trazira në sferën profesionale.

Ngjyra te tjera pozitive
E arte
Simbolizon mençurinë shpirtërore dhe fuqinë hyjnore. Ajo përbën një ngjyrë misterioze, e cila i dedikohet Zotit. Shpesh e takojmë në përralla e mite.
E argjente
Kjo ngjyrë simbolizon fuqinë e hënës por edhe ndikimin e saj në marrëdhëniet njerëzore. Gjithashtu, simbolizon feminilitetin, shpirtin femëror, mbështetjen dhe përfektshmërinë.
Kafe
Simbolizon prakticitetin, qëndrueshmërinë dhe ndjeshmërinë e trupit njerëzor.[/align:10w7bjh6]