Procesorë Eksperimentalë 48 core!!!

[Peniel]

Surprizat në fushën e teknologjisë nuk kanë të mbaruar. Kjo tregon se në duart tona kemi një teknologji 'të vjetëruar' e cila na është ofruar dhe na ofrohet sipas të dëshirave të disave. Nëse firmat prodhuese të procesorëve apo edhe të prodhimit të pjesëve të tjera teknologjike nxjerrin prodhime të këtij niveli, çfarë fshihet vallë në sirtarët e tyre?

Intel prodhoi procesorë prototipë 48 bërthamësh (core) të cilët do ti dërgojë për testime tek institucione kërkimore me qëllim eksperimentimin e tyre dhe nxjerrjen rezultateve për llojin e teknologjisë multicore që do të ofrohet në të ardhmen tek përdoruesit. Procesorët funksionojnë me frekuencë të afërt me procesorët Atom, 1,66 GHz dhe 1,83 GHz, të cilët përdoren për laptop dhe për desktop të vegjël dhe kanë ngjashmëri të njëjtë me këta procesorë edhe përsa i përket konsumit të energjisë.

Christopher Anderson, inxhinier i Intel Labs deklaroi se lidhja e bërthamave në formën mesh dhe jo në formën seriale apo paralele siç është sot, do të sjellë rritje të madhe të fuqisë së tyre procesorike. Me formën e lidhjes mesh, bërthamat do të komunikojnë me njëra tjetrën brenda chip-it dhe jo me ndërmjetës bus në mënyrë që të mos ketë vonesa në transmetim.

Që të arrihet kjo, çdo CPU ka të ashtuquajturit "routers", të cilat bëjnë lidhjen midis bërthamave. Çdo bërthamë ka buffer-in e saj i cili mundet të komunikojë njëkohësisht me gjithë të tjerët (bufferat). Këta procesorë kanë aftësinë të fikin bërthamat dhe ti aktivizojnë sipas nevojave të përdoruesit duke arritur të funksionojnë me konsum energjie vetëm me 25W! Mënyra e njohur e overlocking këtu nuk do të praktikohet pasi është e panevojshme. Në ditët e sotme overlocking ngre frekuencën e procesorit duke rritur gjithashtu edhe temperaturën e tij, ndërsa në të ardhmen kjo nuk do të jetë e nevojshme. Procesori 48 bërthamësh ka 24 "routers" midis bërthamave që mundësojnë komunikimin midis tyre.

Duket se beteja midis Intel dhe AMD në të ardhmen, do të jetë numri i bërthamave dhe konsumi i energjisë elektrike.

[ReniX]

Nje artikull interesant qe tregon se me çfare hapi gjigant po ecen teknologjia. Performanca e ketij procesori nuk ka te meta por uroj qe shkalla e perhapjes te jete me e gjere!

Si do ta perdornin anetaret e Lirenti.com nqs do ishin perballe nje procesori super te shpejt?

Presim komentet tuaja!

[MAJDI]

UN do ta perdorja per adobe photoshop Css5 per te gjith paketen e Css5

[ReniX]

Un do ta perdorja te zgjidha probleme te matematikes, (persh: numrat prim) qe mund te fitosh me miliona dollar