Raketa me emrin Audi R8 GT

[Kliton]

Super-automjeti më i fuqishëm i shumëpritur nga Ingolstadti më në fund e ka treguar fytyrën e tij – vjen me më pak kilogramë dhe më shumë kuaj fuqi si dhe do të blihet nga vetëm 333 blerës me xhepa të thellë.

Inxhinierët e Audi kanë arritur të lehtësojnë R8 V10 në formën standarde për njëqind kilogramë. Kjo nuk ka qenë edhe aq punë e lehtë për t’u bërë kur merret parasysh se modeli R8 në pjesën më të madhe të tij është i përpunuar nga alumini si dhe është dashur të ruhen standardet e larta të sigurisë.






Në Audi për të arritur këtë kanë vendosur të zvogëlojnë xhamin e përparmë, të pasmin ta zëvendësojnë me të plastikës, derisa shumicën e pjesëve të aluminta të karrocerisë t’i zëvendësojë me të fijeve karbonike.
Motori 5.2-litërsh V10 me disa intervenime në elektronikë është përforcuar nga 525 në 560 kuaj fuqi e kjo fuqi transmetohet në katër boshtet me anë të marshit gjysmë-automatik R-Tronic.






Përshpejtimi deri në njëqind kilometra në orë është sa “qel e mshel sytë” – 3.6 sekonda, e në Audi pohojnë se R8 GT arrin shpejtësinë maksimale prej 320 kilometrash në orë.
Ky model do të shitet në gjithsej 333 njësi dhe do të prodhohet me çmim prej 193.000 eurosh pa tatime e shtesa tjera.