Motorola prezanton Droid 2

[vaaldr1n]

Motorola dhe Verizon kanë shpalosur zyrtarisht Motorola Droid 2 dhe sipas detajeve të paraqitura nga këto dy kompani ky celularë do të ofrohet në treg me 12 gusht të këtij viti, ndërsa para-porositë do të fillojnë prej 11 gushtit.

Motorola Droid 2 veçohet me ekran 3.7 inç të ndjeshëm në prekje dhe me një tastierë rrëshqitëse QWERTY dhe do të jetë i pajisur me sistemin operativ më të fundit të Google, Android 2.2 (Froyo) dhe do të ofrojë përkrahje me Adobe Flash 10.1

Specifikat tjera në Motorola Droid 2 përfshijnë 8GB memorie të integruar, plus një port për kartelë memorie MicroSD që mund të përkrahë kartela me kapacitet deri në 32GB, pastaj në ofertë është edhe aplikacioni Swype, kamera me kapacitet prej 5 megapiksel, etj.

Motorola Droid 2 do të ofrohet në treg me një kontratë dyvjeçare me Verizon Wireless.