Google shet reklama për rrjetin DirecTV

[vaaldr1n]

Google është duke kërkuar të diversifikojë edhe më tej reklamimin në internet.
Motori më i madh i kërkimit në botë do të shesë disa spote televizive për rrjetet kabllore të cilat barten nga DirecTV, ofruesi më i madh i televizionit satelitor në SHBA.

Google do të shesë reklama për rrjetet televizive duke përfshirë Fox, Sleuth, TV Guide dhe Bloomberg TV, thuhet në deklaratën e këtyre kompanive. Kushtet financiare të marrëveshjes nuk janë zbuluar.

Google, e cila grumbulloi 96 për qind të të hyrave të saj (6.56 miliardë dollarë) nga reklamat në interneti në tremujorin e fundit, është zgjeruar për të shitur hapësirën e saj reklamuese në televizione, për të reduktuar varësinë e saj nga interneti.

Marrëveshja rriti programin e reklamave në Google TV pasi kompania ka filluar punën me Dish Network Corp në vitin 2007.
Për DirecTV, marrëveshja është një mënyrë për të synuar reklamat në audienca të veçanta dhe për të joshur ndërmarrjet që nuk kanë blerë më parë spote reklamuese në televizion.