MSI GX660 – laptop i lirë për gaming por...

[vaaldr1n]

Ky që po shihni në imazh është një laptop vërtetë mjaft i fuqishëm dhe i dedikuar për argëtim, por realisht përmban një dizajn shumë të keq që ia humbet shijen performancës.

MSI, dëshiron që klientët potencial të bëjnë gati 1.750 dollarë për të marrë në pronësi këtë bishë, që përmban këto veçori: ekran 15.6 inç LCD me rezolucion 1920 x 1080 piksela, procesor Intel Core i7 Q740 1.73 Ghz, dy HDD 320 GB në një konfigurim RAID 0, 6GB RA, dhe një kartelë grafike ATI Radeon HD 5870.

Laptopi është dizajnuar që të jetë i dedikuar për lojëra (me shigjeta në tastet WASD), dhe natyrisht si i tillë sjellë mjaft shumë fuqi, por nuk është se thyen ndonjë rekord në këtë aspekt. Testimet e bëra treguan rezultate të një makine të nivelit të larët, por ka shumë të tjerë në treg që sjellin rezultate më të mira.

MSi GX660 në mes tjerash ka edhe bateri që funksionon për 1 orë e 51 minuta, mjaft shumë, duke pasur parasysh se është laptop i dedikuar për lojëra, si dhe ka një peshë relativisht të lehtë prej 3.45 kg.

Në bazë GX660 ka edhe kontrollues të ndjeshëm në prekje, që është një veçori mjaft e bukur, dhe në mes tjerash ka edhe taste shtesë të MSI të cilat kryejnë punën e tyre ashtu si duhet.

Përfundimisht mund të thuhet se pavarësisht që janë zgjedhur altoparlantë që paraqiten shumë të dukshëm dhe nuk ofrojnë kushedi se çfarë kualiteti, GX660 është një laptop i lirë për gaming. /pcworld.al