Porsche planifikon kthimin në Formula 1?

[vaaldr1n]

Porsche do të mund të kthehej në Formula 1, është njëra nga lajmet më të mëdha botërore nga panairi parisien i automjeteve ku ka kaluar vala e premierave, e shefat janë relaksuar dhe kanë folur.

Kështu, shefi i ri i Porsche Matthias Müeller, i pyetur se çfarë janë planet sportive të Porsche, ka deklaruar se nuk ka kuptim që Audi e Porsche si dy anëtarë të grupimit VW të garojnë paralelisht në kampionat. Prandaj njëri prej tyre do të mund të kthehej kah Formula 1. Duke marrë parasysh faktin se pak kohë pas marrjes së tretë të tri vendeve të para në dhjetë vitit e fundit në La Mans, shefi i Audi për aktivitete sportive ka deklaruar se Audi e F1 nuk shkojnë bashkë, është e lehtë të konkludohet se kush do t’i bashkëngjitet Formula 1.

Po, gjasat janë që Porsche do të jetë garuesi i radhës në F1, mirëpo vendimi nuk është marrë ende. Müeller ka konfirmuar se për këtë çështje do të diskutohet shumë shpejt dhe se rol të madh në tërë këtë tregim do të ketë interesimi i Volkswagen për pozitën e ofruesit të motorëve F1.