Samsung lanson modelin e telefonit të mençur, Transform

[vaaldr1n]

Operatori mobil amerikan Sprint, dhe prodhuesi i njohur i telefonave mobil Samsung, kanë paralajmëruar telefonin e ri të mençur mobil, i cili do të bazohet në sistemin operativ Android dhe rrjetin e telefonisë mobile të Sprint.

Modeli më i ri i telefonit të mençur i lansuar nga dy kompanitë, Samsung Transform, posedon ekran të ndjeshëm në prekje me 3.5 inç, tastierë të plotë rrëshqitëse QWERTY, VGA kamerë në pjesën e përparme të telefonit për video thirrje, dhe aparat fotografik me 3.2 mega-piksel me ndriçues të integruar.

Specifikat tjera të modelit më të ri, Samsung Transform përfshijnë edhe Android 2.1, procesor me 800MHz, WiFi, GPS, Bluetooth dhe 3G.

Ndër tjera, në këtë model të telefonit janë të integruara edhe shërbimet e Google si, Google Maps, Gmail, YouTube dhe Search.

Samsung Transform do të jetë në dispozicion në treg, më vonë gjatë këtij muaji, për një çmim mjaft të volitshëm prej 199 dollarësh.