World of Warcraft ka 12 milion abonentë

[vaaldr1n]

Edhe pas gjashtë viteve, loja më e famshme në botë - World of Warcraft raporton se ka mbi 12 milionë abonentë me pagesë.

Ky moment historik u arrit në prag të fillimit të zgjerimit edhe në tregun kinez me versionin e dytë të lojës, edicionin e njohur si, Wrath of the Lich King, ndërsa më 7 dhjetor 2010 pritet lansimi i zgjerimit të tretë të lojës, i emërtuar Cataclysm.

Blizzard Entertainment pati njoftuar për lojën tashmë të njohur, World of Warcraft më 2 shtator të vitit 2001, ndërsa loja doli më 23 nëntor 2004, në përvjetorin e 10-të të franshizës Warcraft.

Fakte për World of Warcraft
Serverët e WoW përbëhen nga 20.000 kompjutera, 1,3 petabytes hapësirë të magazinimit, 75.000 CPU, 5.5 milion rreshta të kodit të lojës dhe 2 milion fjalë.

Zgjerimi i dytë, Wrath of the Lich King, kishte shitur 1933 kopje në minutë për një total prej 2.8 milion njësive që ishin shitur në fund të ditës së parë të lansimit në treg, duke e bërë atë lojën më të shitur të të gjitha kohërave.