Apple do të shfaq MacBook Air më të vogël

[vaaldr1n]

Apple pritet që të shpalos një MacBook Air të ri dhe më të vogël, në konferencën për media që do të mbahet gjatë javës së ardhshme.

Çdo gjë rreth të riut Air do të jetë më e vogël, duke përfshirë edhe çmimin. Çmimi i saktë final është ende i panjohur, por do të ketë lirime, së paku kështu thotë një burim i afërt me agjendën e eventit. Pavarësisht se i besojmë atyre që po thuhen, ende nuk mund të konfirmojmë zyrtarisht diçka sepse Apple duhet ta bëjë këtë vet.
Në terme të madhësisë i riu Air është përshkruar si “më i vogël dhe më i hollë”, por dimensionet e sakta janë të panjohura. Thashethemet e tanishme rreth ekranit 11.6 inç mund të jenë të sakta apo shumë të afërta. Ne e dimë se Apple do të shpalos një Air në këtë konferencë me madhësi nën 13.3 inç, por padyshim që do të jetë më i madh sesa 9.7 inçëshi iPad.

Kjo mund të ketë edhe kuptim, pasi që laptopët me ekran 11.6 inç janë bërë më të zakonshëm në muajt e fundit, dhe kanë një çmim fillestar prej 399 dollarë me CPU një bërthamësh, dhe më pas është tregu i ultraportabilëve me dy-bërthama si Dell Inspiron M101z, që mund të arrijë çmim prej 500 dollarë.

Sipas burimit, i riu Air do të veçohet me një version më të vjetër të procesit Core të Intel, dhe specifikat do të duhej të vendosnin edhe çipset Nvidia MCP89. Është interesant, se MacBook i tanishëm 13 inçësh me çmim prej 999 dollarë përdor një CPU më të vjetër Intel Core 2 Duo, me të njëjtin çipset MCP89, në vend se të ketë çipa më të rinj si Core i5/i7 që ofrohen në modele MacBook Pro. Apple gjithashtu do të shfaq një bateri me jetëgjatësi më të madhe për Macbook Air.

Megjithëse nuk është produkti më i nxehtë që Apple po shet tani në treg, mund të thuhet se ka shumë Mac tjerë që konsumohen me të madhe nga tregu. Para dy ditësh IDC paralajmëroi se Apple ka marrë 10.6 për qind të tregut të kompjuterëve në SHBA gjatë çerekut të tretë, që është më i larti në historinë e fundit të kësaj kompanie. Me këtë hap, Apple padyshim që dëshiron të mos largojë vëmendjen e shitjes nga laptopët e saj me iPad-in e saj, në veçanti kur dihet se çmimi mesatar për laptop është 1.000 dollarë dhe çmimi për një iPad sillet rreth 600 dollarë.

Pavarësisht se tregu i ri po buron nga iPad-i me ekran të ndjeshëm në prekje, Apple do të duhej të theksoj se iPad dhe MacBook Air super i hollë dhe portabil, janë raste të ndryshme dhe se kanë përdorim të ndryshëm për nevojat e secilit konsumatorë. /pcworld.al