Vitin tjetër vjen Aston Martin Cygnet

[vaaldr1n]

Nga prodhuesi Aston Martin vjen konfirmimi se përpunimi i tyre i Toyotas më të vogël në ofertë do të vjen gjatë vitit të ardhshëm.

Sido që ta quajnë atë, Aston Martin Cygnet apo Toyota iQ në versionin premium, është e sigurt se në treg vjen si pasojë e standardeve çdo ditë e më të rrepta të emetimit të gazrave dhe kërkesave për shpenzim më të ulët. Një gjë është e sigurt, dihet se ky model do të futet në lëvizje nga motori 1.33-litërsh me benzinë i Toyotas me 98 kuaj fuqi dhe 123 Nm, prandaj mund të pritet një shpenzim prej 4.8 litrash në 100 kilometra të kaluara, mu si në rastin e motorit bazë.

Modeli më luksoz për qytet në të njëjtën kohë është edhe automjeti më i vogël i cili do të del nga qyteti i Gaydonit, zyrës kryesore të Aston Martinit. Në të njëjtën kohë ky është modeli i tetë me radhë nga Aston Martini që prej vitit 2004, kur kompania ka bërë një kthesë drastike në afarizëm.

Detaje më të shumta për modelin Cygnet pritet të bëhen publike deri në fund të këtij viti