S’ka Flash në Mac!

[vaaldr1n]

Apple Inc ka thënë të premten se nuk do të dërgojë në treg kompjuterë Mac me Adobe Flash të para-instaluar, pasi që kompania po vazhdon të vendos barriera ndaj softuerit në fjalë.

Vendimi i Apple nuk bllokon funksionimin e Flash në kompjuterët e saj – sikurse që është i ndaluar në iPhone dhe iPad. Përdoruesit ende do të jenë në gjendje të shkarkojnë dhe instalojnë Flash lexues, që përdoret me të madhe për të shikuar video në ueb.

Apple edhe publikisht ka qenë armiqësor ndaj Flash dhe vet Steve Jobs ka kritikuar Adobe, dhe e ka quajtur atë një kompani dembele dhe me produkte të mbushura me vrima. Adobe në anën tjetër ka reaguar duke e quajtur Apple kompani shumë të kufizuar dhe të mbyllur.

Në mes tjerash, Apple ka bllokuar zhvilluesit që të përdorin Flash për të ndërtuar aplikacione për pajisjet e saja mobile, por kompania lëshoi paksa pe muajin e kaluar para rregullatorëve në SHBA. Apple të mërkurën shpalosi gjithashtu shpalosi një MacBook Air ultra të hollë, që gjithashtu do të paraqitet në treg pa Flash të para-instaluar. E në këtë mënyrë pa Flash do të paraqiten edhe kompjuterët tjerë të Apple. /pcworld.al