Android dyfish më i popullarizuar se iOS në SHBA

[vaaldr1n]

Sipas rezultateve të fundit të kompanisë për analiza NPD, Android është dyfish më i adhuruar në mesin e blerësve të telefonave të ri të mençur sesa atij iOS i Apple.

Nëse mund t’i besohet kompanisë NPD, në tregun amerikan Android është dyfish më i popullarizuar se iOS. Në fakt, në tremujorin e tretë të këtij viti, prania e telefonave të mençur me Android në SHBA ka qenë 44%, derisa pajisjet me iOS kanë mbajtur 23%.

Pjesë të madhe e popullaritetit, Androidit i kanë sjellë “ikjet” nga Blackberry. Në fakt, derisa RIM në tregun amerikan gjatë vitit të kaluar ka mbajtur hiq më pak se 46%, pjesëmarrja e kompanisë këtë ka rënë në 22%. Arsyet kryesore të kësaj gjendje në treg hulumtuesit ia veshin numrit të madh të celularëve të mirë me Android, si dhe shpërndarjes në ofertë në një numër shumë të madh të operatorëve të telefonisë mobile.

Megjithatë, përkundër rritjes të jashtëzakonshme të Androidit, nëse shihen modelet e veçanta të celularëve, ata me Google OS megjithatë nuk janë më të shiturit. Në fakt, gjatë verës në SHBA iPhone 4 ka qenë telefoni më i shitur i mençur, pasuar nga BlackBerry Curve 8500. /Telegrafi/