Tableti më i ri Coby Kyros kushton vetëm 250$

[vaaldr1n]

Duket se prodhuesit tashmë në mënyrë të rregullt janë duke lansuar modele të reja të kompjuterëve tablet, ndërsa edhe ne në Telegrafi.com kemi raportuar vazhdimisht për modelet e ndryshme të kompjuterëve tablet. I fundit në këtë treg është modeli i ri i tabletit të cilin e ka prezantuar prodhuesi – Coby.

Coby Kyros MID7015 është dizajnuar të jetë një model më i lirë i tabletit që bazohet në Android, ndërsa i njëjti përfshin specifika të ngjashme si, ekran të ndjeshëm në prekje me 7 inç dhe rezolucion prej 800x400 piksel, si dhe versionin e sistemit operativ Android 2.1.

Karakteristikat e tjera të Coby Kyros përfshijnë 4GB hapësirë për memorie, plus një port për mikroSD kartelë dhe një tjetër për standard HDMI, i cili sipas prodhuesit Coby është në gjendje të bëjë trajtim të plotë për kualitet të Full HD në 1080p.

Mirëpo, pjesa më e mirë e këtij tableti është vetë çmimi i saj – 250 dollarë për një të tillë. Për më shumë detaje, vizitoni faqen e prodhuesit – Coby. / Telegrafi /

[MAJDI]

Shum cmim i arsyeshem por ma do mendja do jet shum difektoz