Apple ka para sa të blejë prodhimin vjetor slloven

[vaaldr1n]

Aktualisht kompania Apple është bërë me të vërtetë e fortë. Produktet e saj janë të pranuara mirë, shitjet dhe të ardhurat e saj po rriten, derisa aksionet e saj po duan ta prekin qiellin.

Para pak muajsh Apple madje ka arritur të largojë nga froni Microsoftin si kompania më e madhe teknologjike në botë si dhe u bë e dyta, respektivisht treta në botë sipas kapitalizimit të saj (pas Exxon dhe PetroChina). Të ardhurat e saj vjetore aktualisht janë rreth 65 miliardë dollarë, që janë shumë para, dhe kjo shifër është edhe më interesante nëse shikohet në perspektivë.

Sllovenia, siç besoj të janë njoftuar shumica e lexuesve të portalit tonë, është një shtet ish-jugosllav. Ky shtet ballkanik ka rreth dy milionë banorë të cilët pothuajse arrin të jetojnë në paqe. GDP-ja (bruto prodhimi vendor) i saj gjatë vitit 2009 ishte rreth 24.000 dollarë për kokë banori apo 49 miliardë në total.

Sllovenët janë një popull i vogël sa që fqinjët bëjnë shaka me këtë punë, por gjithsesi janë njerëz krenar dhe të zotë, të cilët ia kanë bërë mundimin për të qenë aty ku janë tani. Kur flitet për gjëra të vogla, sot nuk është e aq pazakontë që korporatat e mëdha të kanë të ardhura më të mëdha se GDP-ja e një shteti të vogël, por nëse një kompani ka më shumë para se GDP-ja e një shteti, kjo është bukur qesharake. Por, Apple peshon mbi 50 miliardë dollarë (11 miliardë para të thata plus 14 miliardë në sigurime afatshkurtra tregtimi, plus 25 miliardë në sigurime afatgjata tregtimi), që do të thotë se Apple është në gjendje të blejë tërë prodhimin vjetor të produkteve vendore të Sllovenisë.

Sigurisht që Apple nuk do ta bëj këtë gjë, por me gjasë do të duhet të bëj diçka me tërë këto para që ka. Po qarkullojnë spekulime se kjo kompani po dëshiron të blejë rrjetin më të popullarizuar për shoqërim online Facebook (vlera e përafërt 33 miliardë), duke u fokusuar në pagesa mobile, dhe shumë tjera. Do të jetë interesant të shihet se çfarë do të ndodhë, por padyshim se Steve Jobs do të dijë të bëj gjënë e duhur.

Kompania është shumë e shëndoshë, kërkesa është e madhe, prandaj do të ishte një punë e lehtë për t’u bërë. Veç shihni këto fakte interesante më poshtë, të cilat paraqesin rastin Apple - Slloveni. Shihet qartazi sa e vogël është Sllovenia. /Telegrafi/