LONDER (Reuters) – Astronomet kane zbuluar nje planet ekzotik, qe duket se eshte i perbere nga diamanti, duke u sjelle rrotull nje ylli te vogel ne “kopshtin” e galaktikes sone.

Planeti i ri ka nje dendesi shume me te madhe se cdo planet tjeter i njohur deri me sot dhe perberjen me te madhe e ka nga karboni.

Duke qene se eshte kaq i dendur, sipas llogaritjeve te shkencetareve, karboni duhet te jete ne formen e kristalines, qe do te thote se nje pjese e mire e kesaj bote te cuditshme do te jete prej diamanti.

“Historia e evolucionit dhe densiteti i mahnitshem i planetit sugjerojne se ai perbehet nga karboni – domethene nje diamant gjigand qe rrotullohet rreth nje ylli neutron cdo dy ore ne nje orbite aq te ngushte, sa do ta nxinte edhe vete Dielli yne,” tha Matthew Bailes i Universitetit te Teknologjise ne Melburn.

I ndodhur 4000 vite drite larg, ose rreth nje te teten e rruges drejt qendres se Rruges se Qumeshtit nga Toka, planeti ka shume mundesi te jete mbetja e nje ylli qe dikur ka qene shume i madh, por qe ka humbur shtresat e tij te jashtme per shkak te yllit pulsues rreth te cilit rrotullohet.

Yjet pulsues jane yje neutrone te vegjel, te vdekur qe jane vetem 20 kilometra ne diameter dhe rrotullohen me qindra here ne sekonde, duke nxjerre rrezatim.

Ne rastin e yllit pulsues J1719-1438, keto rreze e pershkojne rregullisht Token dhe jane monitoruar nga teleskopet ne Australi, Britani dhe Hauai, duke u lejuar astronomeve te zbulojne ndryshimet e planetit tone shoqerues te fshehur, per shkak te terheqjes gravitacionale

Matjet sugjerojne se planeti, qe rrotullohet rreth yllit te vete cdo dy ore e dhjete minuta, eshte pak me i rende se Jupiteri, por eshte rreth 20 here me i dendur, raportuan Bailes dhe koleget e tij ne revisten e Shkences te enjten.

Pervec karbonit, planeti i ri ka mundesi te permbaje oksigjen, qe mund te jete me mbizoterues ne siperfaqe dhe te vije duke u rralluar drejt qendres se pasur me karbon.

Densiteti i larte i planetit na ben te mendojme se elementet me te lehte si hidrogjeni dhe heliumi, qe jane perberesit e gjiganteve prej gazi si Jupiteri, nuk gjenden ne kete planet.

Megjithate, se si ngjan tamam nga afer kjo bote e cuditshme prej diamanti, eshte nje mister.

“Nese do te pyesnim si ngjan ai, une nuk do te isha ne gjendje as te hamendesoja,” tha Ben Stappers i Universitetit te Mancesterit.

“Megjithate nuk mendoj se ajo qe kemi ketu eshte fotografia e nje objekti qe shndrin”.