Skandal: Kanibali han fytyrën e një të pastrehu

**Erinaa** · 28-05-2012, 07:17 PM

Një burrë ka sulmuar në mënyrë brutale një të pastrehë në një mbikalimnë Majami të Floridës. Pas sulmit ka filluar edhe ta hajë fytyrën e tij, përcjellin mediat lokale.

Sipas burimeve të njëjta, viktima gjendet në spital dhe është në gjendje të rëndë shëndetësore, pasi se njoftohet se viktimës i janë kafshuar hunda dhe mollëzat e syve.

Policia akoma nuk ka informata se si ka arritur deri te takimi i dy personave. Por merret vesh se viktima ka qenë person i pastrehë dhe me sulmuesin janë takuar rastësisht.

VIktima ka shpëtuar pasi se një polic e ka parë ngjarjen dhe e ka gjuajtur “kanibalin”.

Zëdhënësi i policisë Xhavi Ortiz deklaroi se në bazë të informatave deri më tani të njohura, polici që e ka gjuajtur sulmuesin është “hero që ka shpëtuar jetë”.

Shkaqet e sulmit akoma nuk janë zbuluar, po supozohet se edhe sulmuesi ka qenë person i pastrehë edhe pse një gjë e tillë akoma nuk është konfirmuar, por polica llogarit se sulmuesi ka qenë në mbidozë nga kokaina, pasi se nga efektet e kokainës rritet temperatura e trupit dhe ndikon që personi i varur të heq rrobat e tij.

I gjithë rasti ka ndodhur në mbikalimin e paraparë për kalim të këmbësorëve. Sulmuesi i lakuriq, e shtyu viktimën për tokë dhe filloi ta hajë fytyrën e tij, kurse rastin e ka lajmëruar një kalimtarë i rastit.

Pas arrtijes së policisë në vendin e ngjarjes, polici ka gjuajtur mbi sulmuesin, por ai edhe më tej nuk e ka lëshuar viktimën duke vazhduar së kafshuari, kështu që polici ka qenë i detyruar të gjuaj edhe disa plumba për të neutralizuar kanibalistin i cili ka vdekur në vendin e ngjarjes, përcjell Majami Herald.