LUSHNJE - Nje 28-vjecar nga Divjaka u shtrua me urgjence ne spitalin civil te qytetit, ne repartin e reanimacionit, pasi piu fosfor organik, per shkak se nuk kishte para per ti bere dhurate te dashures me rastin e festes se te dashuruarve. Sipas te dhenave, Julian Meta u transportua rreth ores 21.30 te dites se djeshme ne spital nga familjaret e tij, ne gjendje te rende shendetesore. Mjeket reanimatore theksojne se i riu kishte pire fosfor organik, nje lloj pesticidi qe perdoret ne bujqesi per helmimin e insekteve. Ata kryen mjekimin e menjehershem te pacientit, jeta e te cilit eshte ende ne rrezik. Sipas te afermve, i riu punonte argat ne tokat bujqesore ne Divjake. Mesa duket, gjendja e veshtire ekonomike ka vene ne siklet te riun per blerjen e dhurates se te dashures ne diten e Shen Valentinit, ndaj ai vendosi ti jape fund jetes, duke u vetehelmuar. E ema e te riut nuk ishte ne dijeni te ketij fakti, por kur anetaret e familjes Meta u kthyen ne shtepi, pane te tmerruar djalin e tyre qe qendronte shtrire perdhe, prane te cilit ndodhej shishja me fosfor organik. Menjehere ata iu drejtuan spitalit te Lushnjes, ku i riu vazhdon te trajtohet intensivisht me mjekime.