Bast adoleshentësh: Zhvishen nudo në ambientet e shkollës...

[Altin111]

26/02/2008 Zhvishen nudo në ambientet e shkollës katër gjimnazistë

Ankohen prindërit, justifikohen protagonistët

Një lodër adoleshentësh e katër nxënësve të vitit të dytë e të tretë të një shkolle të mesme të përgjithshme në një fshat të rrethit të Beratit, që u shërben nxënësve të gjithë zonës të Mesit të Urave që janë zhveshur pothuajse nudo në ambientet e shkollës, u ka kushtuar atyre vitin mësimor, pasi janë përjashtuar nga drejtoria e kësaj shkolle.

Ngjarja e pazakontë, sipas dëshmive, mësohet se ka ndodhur në shkollën e mesme të përgjithshme të fshatin Syzes të komunës Poshnje 18 km në perëndim të qytetit, më se një javë më parë, por që Drejtoria e shkollës dhe ajo rajonale Arsimore e kanë mbajtur të fshehtë, ndonëse ka irrituar edhe prindër të tjerë të kësaj zone që kanë nxënësit në këtë shkollë. Për këtë ngjarje, gjithsesi nxënësit për veprimin e pahijshëm që kanë kryer, kanë marrë edhe masën ndëshkimore më ekstreme, atë të përjashtimit nga shkolla duke lënë pa përfunduar vitin mësimor 2007-2008.

Ngjarja

Dëshmitë nga shkolla e mesme e përgjithshme e fshatit Syzezë, bënë të ditur se më se një javë më parë, katër nxënësit, emrat e të cilëve për arsye etike s’bëhen të ditur, pas pushimit të gjatë janë futur në klasë dhe pas një ore bosh pa mësim kanë filluar të bëjnë shaka, ndërsa dikujt prej tyre i ka shkuar në mendje për t’u zhveshur nudo dhe se kush e kryen këtë veprim fiton dhe një bastë të caktuar. Lodra e adoleshentëve ka filluar menjëherë. Sapo ata kanë arritur të zhvishen deri në rrobat e brendshme (të mbathurat), kanë qenë disa nxënës të tjerë ata që kanë lajmëruar menjëherë një nga mësuesit e shkollës dhe drejtorin e saj.

Veprimi skandaloz i nxënësve ka irrituar drejtorin e shkollës. Pasi u thirrën nxënësit në drejtori dhe u bë verifikimi, pas mbledhjes së stafit të mësimdhënësve, u morën masa ekstreme e përjashtimit nga shkolla për katër nxënësit që kanë kryer aktin e pa hijshëm.

Sipas të njëjtave dëshmive, mësohet se në argumentimin e këtij vendimi u bë e ditur se katër nxënësit kishin thyer normat e moralit dhe rregulloren e shkollës, për të cilat u mor edhe masa ekstreme.

Masat

Pas kësaj, nxënësit kërkuan ndihmën e prindërve për masën që mori drejtoria e shkollës.

Prindërit nga ana e tyre, mësohet se kanë kërkuar në drejtorin e shkollës që fëmijët e tyre të mos përjashtohen ose atyre t’u jepet e drejta të vazhdojnë vitin arsimor në një nga shollat e tjera të mesme ku ata mundet të regjistrohen, gjë të cilën e kanë pranuar edhe Drejtoria Arsimore.

Prindërit e nxënësve pasi kanë pritur disa ditë që drejtoria e shkollës të ndryshonte vendimin dhe të pranonte fëmijët e tyre në shkollë, kanë kërkuar ndihmën e prefektit të qarkut të Beratit, Thoma Rmunici, kur nga ana e kësaj drejtorie nuk kishte asnjë reagim tjetër. Më pas ka qenë prefekti ai që ka marrë takim me drejtorin e Drejtorisë rajonale të Arsimit në Berat, Yzedin Hima, të cilit i ka kërkuar zgjidhjen e këtij problemi.

Në një deklaratë të tijën, prefekti i Beratit, Rumnici, u shpreh se “të katër nxënësit do të kthehen tek e njëjta shkollë për arsye se edhe vetë nxënësit kanë pranuar gabimin dhe janë angazhuar se nuk do ta përsërisim më një veprim të tillë”, ndërsa ka pohuar se për këtë problem ka rënë dakord gjatë bisedës edhe me drejtorin e arsimit të Beratit, Yzedin Hima.

Vetë nxënësit, mësohet se kanë pohuar në drejtorin e shkollës se e kishin kryer aktin e pahijshëm pa u menduar më shumë dhe se kjo ka qenë mes disa shokëve për arsye basti ose si dhe e kanë quajtur vetë ata një shaka.

Precedenti

Rreth 12 vjet më parë, një skandal i ngjashëm në Kuçovë

Ky është rasti i parë që ndodh në gjimnazet e qarkut të Beratit për këto vitet e fundit, ndërsa rasti më flagrant ka qenë 12 vjet më parë kur disa nxënës të një gjimnazi në rrethin e Kuçovës, kryen një veprim tjetër të këtij lloji, atë vit ndaj drejtorit të shkollës, nxënësve dhe mësuesve të saj u morën masa ekstreme deri në largimin nga puna dhe përjashtimin e disa nxënësve që u përfshinë në atë skandal.