Projekti "Punësimi Veror Sezonal 2008"

[EMAUS]

Bashkia hap dyert për punësimin e 50 të rinjve në administratë

Projekti "Punësimi Veror Sezonal 2008"


Projekti i Punësimit Veror Sezonal në Bashkinë e Tiranës implementohet për të gjashtin vit radhazi në Bashkinë e Tiranës.

Ky projekt u ofron mundësi të rinjve pjesëmarrës të njihen me administratën lokale e me proceset vendimmarrëse, të vënë në praktikë dijet e marra në teori, të identifikohen si potencialë të mundshëm e pas përfundimit të studimeve të mund të integrohen në strukturat e administratës lokale. Këtë vit numri i kërkesave për aplikim ishte i shumtë dhe u përzgjodhën 50 studentë të fakulteteve të ndryshme. Studentët do të angazhohen sipas arsimit që ndjekin pranë drejtorive. Ata gjatë angazhimit të tyre duhet të sjellin ide dhe një kontribut të vlefshëm në drejtoritë ku do të kryejnë praktikën. Të gjithë studentët do të vlerësohen për punën e kryer dhe përveç eksperiencës së ofruar nga një staf profesionistësh, në fund të punësimit studentët pajisen me një certifikatë për punën e kryer.

Shqip