Ja mënyrat për të qenë "të virgjër"

[ReniX]

Meshkujt e sotëm deklarojnë se preferojnë vajzat që kanë pasur eksperienca më parë, por kjo bie ndesh me numrin e madh të vajzave që paraqiten në maternitet


Mesatarisht 3 vajza në ditë i nënshtrohen ndërhyrjes kirurgjikale

Virgjëria është një koncept i gjerë, i cila vitet e fundit diskutohet shumë gjerë në ambientet e të rinjve. Një pjesë e mirë e tyre e shohin atë si një stad që duhet kaluar gjatë adoleshencës, për të mos hasur probleme emocionale më vonë. Ndërsa të tjerët e konsiderojnë virgjërinë “trofe” për femrën. Meshkujt e sotëm deklarojnë se preferojnë vajzat që kanë pasur eksperienca më parë, por kjo bie ndesh me numrin e madh të vajzave që paraqiten çdo ditë në dyert e maternitetit apo klinikave private për t’u rikthyer “të virgjra”. Duket qesharake, por është shumë e vërtetë që një pjesë e mirë e vajzave paguajnë deri në 20 mijë lekë për të pasur mundësi të krijojnë familje. Edhe pse ndërhyrjet të tilla nuk lejohen në spitalet shtetërore, burime brenda maternitetit tregojnë se ka një numër të madhe vajzash që i nënshtrohen kësaj ndërhyrje. Sipas mjekëve ato preferojnë të mbeten anonim dhe për këtë arsye nuk ka statistika konkrete për numrin e saktë të tyre. Por mendohet të jenë mesatarisht 3 ndërhyrje në ditë, por në të vërtetë numri nuk mund të përcaktohet, pasi mjekët deklarojnë se numri më i madh i ndërhyrjeve bëhen në klinika private. Ndërhyrja mund të rezistojë deri në tre ditë dhe brenda këtij afati kohor vajzat gjatë aktit seksual mund të nxjerrin hemorragji, e cila çon në dukjen e virgjërisë së saj. Pas këtij afati nuk mund të ndodh asgjë, pra shenjat e virgjërisë së shtirur nuk mund të shfaqen. Mjekët gjinekolog tregojnë se kjo lloj ndërhyrje vërtet mund të çojë një femër drejt martesës, por ajo mund t’i rrezikojë asaj edhe jetën. Hemorragjia që vajzat presin të kenë pas ndërhyrjes gjatë aktit seksual, mund të çojë në humbje e një sasie të konsiderueshme gjaku, deri në vdekjen e saj. Për faktin që këto ndërhyrje bëhen në mënyrë mjaft të fshehtë, vajzave nuk u jepet një informacion i duhur për pasojat që ato mund të kenë pas kësaj ndërhyrjeje. Grupmosha e femrave që i nënshtrohen kësaj ndërhyrje është e ndryshme, ato variojnë nga 18 deri në 30 vjeç. Pjesa më e madhe e tyre janë nga kryeqyteti, pasi zonat rurale jo vetëm që kanë mungesë informacioni, por kanë një periudhë mjaft të hershme të martesave të vajzave. Për të kryer një ndërhyrje të tilla mjafton të kesh një numër telefoni të personelit të maternitetit dhe çdo gjë mund të mbarojë për disa orë, edhe pse askush nga mjekët nuk e pranon ekzistencën e ndërhyrjes brenda ambienteve të maternitetit.
Lind me dy dhëmbë, fat apo...
Pranë maternitetit “Kocco Gliozheni” një nënë 18-vjeçare nga Kukësi, me banim në Paskuqan ka sjellë në jetë një djalë me dy dhëmbë. Ky fëmijë bën pjesë në rastet e rralla të lindjeve. Shefi i pediatrisë, Eduart Tusha thotë për Gt-në se fëmijë gëzon shëndet të plotë dhe nuk ka asnjë problem për jetën, madje ai është si fëmijët e tjerë. Fëmija ka lindur me peshë normale 3,4 kg dhe dhëmbët janë vënë re nga mjeku që ka pritur fëmijën. Dhëmbët e tija janë në pjesën e poshtme të gojës dhe sipas mjekëve ato do të bien shumë shpejt dhe do të zëvendësohen nga dhëmbët e tjerë që do të dalin në periudhën e caktuar të tyre. Familjarët e fëmijës dhe sidomos nëna e saj e kanë pritur shumë keq këtë gjendje të fëmijës, pasi siç deklarojnë edhe ata vet gojëdhënat e tyre tregojnë se fëmijët që lindin më dhëmbë nuk duhet t’i shohë njëri përveç nënës së vet, pasi nuk e kanë jetën e gjatë. Kjo është edhe arsyeja që ata ndihen të pafuqishëm për ta përballuar situatën. Ndërkohë mjeku pediatër deklaroi se rastet e tilla i përmban edhe literatura në rastet e rralla, por që nuk asnjë informacion për jetëgjatësinë e fëmijës. “Përderisa fëmija nuk shfaq shqetësim për shëndetin, nuk ka arsye pse të mendohet që ai nuk do të rrojë gjatë”, - përfundon mjeku.

Burimi Gazeta Tirana