Te rejat rreth Teknologjise

[kristimcs]

Kur drejtori ekzekutiv i ndonjë kompanie papritmas fillon të përmend situatën e keqe në firmë, atëherë bëhet fjalë për ndonjë gafë të madhe apo mënyrën që nëpërmes derës së vogël të tërhiqet vëmendja mbi problemet të cilat qartazi ekzistojnë. Pikërisht kjo po ndodhë në Sony Ericsson.

Sony Ericsson assesi nuk po arrin sukses për t’iu ofruar Nokias dhe duket se udhëheqësit e kompanisë dalëngadalë po i humbin nervat.

Drejtori ekzekutiv, Howard Stringer në një intervistë dhënë gazetës gjermane Die Welt ka deklaruar se “blerja e partnerëve asnjëherë nuk është një punë e lehtë' dhe se, në rast se nuk arrin ta kthejë mbrapsht trendin negativ, Sony Ericsson do të duhet të gjej ndonjë “zgjidhje të saj'.

Me fjalë tjera, Sony, si edhe Motorola, thjesht nuk sheh mënyra që të fillojë të fitojë më mirë nga prodhimi i celularëve dhe me gjasë janë duke menduar që të shesin krejtësisht këtë njësi apo ta mbyllim.

Ky është edhe një lajm i keq për tregun e celularëve në përgjithësi, i cili pas dështimit të Siemens dhe problemeve të shumta të Motorolas po ngushtohet rrezikshëm.

[kristimcs]

Linja e televizorëve Bravia nga kompania Sony zgjerohet deri në banjë. Modeli i fundit rezistent ndaj ujit u dedikohet atyre që me të vërtetë nuk mund të bëjnë pa serinë e tyre të preferuar.

Sony Bravia XDV-W600 është një televizor i vogël me ekran të diagonales prej 4 inçësh dhe rezolucion 272x480 piksela, derisa është në gjendje të shfaq 6.7 milionë ngjyra. Ka radio të integruar AM/FM radio dhe 2 GB të memories së brendshme, përderisa kënaqësia do të zgjasë 23 orë, sepse po aq kohë do të arrin ta mbajnë dy bateri rimbushëse AA.

Pajisja është tërësisht rezistente ndaj ujit, atë mund ta mbani në thellësi deri në një metër me kohëzgjatje prej tridhjetë minutash, e nëse kënaqeni duke shikuar televizion në guaskë, sigurisht do tu pëlqen fakti se lundron mbi ujë. Përsosmëri.

Çmimi është rreth 368 dollarë, që nuk është edhe ndonjë çmim shumë i madh për një pajisje kaq të lezetshme e praktike.

[kristimcs]

Ankesat se disa prej shërbimeve të uebmailit Gmail nuk janë në dispozicion për shfrytëzuesit e shfletuesit Internet Explorer në versionin 6, gjiganti i internetit ka vendosur t’i rregullojë.

Sipas paralajmërimeve, shfrytëzuesit e IE6 tani e tutje nuk do të duhej të kishin kurrfarë problemi.

Tregu i shfletuesve të internetit është mbushur bukur mirë duke marrë parasysh se secili nga taborët kanë paraqitur risitë e tyre të shumta, mirëpo edhe përkundër këtij fakti, një numër i madh i shfrytëzuesve edhe më tutje shëtisin nëpër internet duke përdorë tanimë arkaikun Internet Explorer në versionin 6. Disa nga mundësitë e Gmail, shërbimit pa pagesë për uebmail nga Google, nuk kanë qenë në dispozicion për ta, mirëpo tani janë rregulluar.

Google në rregullimin e tyre ka punuar me ekipin e Internet Explorer, derisa mangësitë si pamundësia e shënimit të porosive me ngjyra të ndryshme, pamundësia e qasjes në disa funksione të caktuara të Gmail Labs, integrimi jo i plotë me AOL Instant Messenger tani veçmë janë rregulluar. Në bashkëpunim me Microsoft janë rregulluar edhe mangësitë siç ka qenë performansa e shfletuesit IE6 gjatë hapjes së programit JavaScript gjatë shfrytëzimit të Gmail dhe të ngjashme.

Sidoqoftë, si Microsoft ashtu edhe Google megjithatë këshillojnë shfrytëzuesit të shkarkojnë versionet më të reja të cilitdo version më të ri të shfletuesve të internetit sepse shfletimi do të jetë dukshëm më i lehtësuar dhe mbi të gjitha më i sigurt.

[kristimcs]

Edhe pse sipas të dhënave të raportit të ekspertëve të kompanisë TeleGeography Research, trafiku i përgjithshëm i internetit nga mesi i vitit 2007 e deri më sot, është rritur për 53 për qind, kjo e dhënë megjithatë nënkupton rënien e rritjes së trafikut të internetit.

Sipas të dhënave të kompanisë TeleGeography Research, qarkullimi global i internetit nga mesi i vitit 2007 deri në mesin e vitit 2008 është rritur për madje 53 për qind. Megjithatë, sipas të dhënave nga një vit më parë, kjo do të thotë se ka rënie prej tetë për qind, kur merret parasysh se kjo shifër atëherë ka qenë 61 për qind.

Në ndërkohë kapaciteti i përgjithshëm i kabllove optike në mbarë botën është rritur për 62 për qind, me të cilën vihet deri te e dhëna se trafiku i internetit shfrytëzon vetëm 29 për qind të kapacitetit të tij të përgjithshëm.

Në të njëjtën kohë TeleGeography Research që prej vitit 2001 shënon rënie të numrit të përdoruesve të ri të lidhje me shirit të gjerë (broadband), mirëpo në aspektin global trafiku po rritet marrë parasysh nevojat çdo ditë e më të mëdha të përdoruesve për videot online dhe shërbimet e ngjashme.

[Kliton]

Në fund të vitit të kaluar Samung në Evropë pati paraqitur disa modele të reja të celularëve, derisa një prej tyre e mbante emrin Pixon. Modeli i përmendur tani bëhet me një varg përditësimesh nga të cilat kryesorja është me fotoaparatin prej 12 megapiksela.
Siç pohojnë në Samsung, bëhet fjalë për celularin e parë me fotoaparatin mbresëlënës prej 12 megapiksela, që ndryshe është rezolucion i cili është në mënyrë standarde i pranishëm në shumicën e fotoaparateve të sektorit të kompaktëve.

Samsung Pixon 12 përmban ekran AMOLED 3.1 inçësh të ndjeshëm në prekje, fotoaparat prej 12 megapikselash me auto-fokus, derisa fotografitë e bëra është e mundur që me anë të shërbimit Share Pixon të kompanisë Samsung të barten thjesht në shërbimet si Facebook, Picasa e të ngjashëm.

Në celular është integruar hapësira e të dhënave prej 150 MB i cili mund të zgjerohet edhe më shumë me anë të qasjes microSD, celulari bie në kategorinë e pajisjeve quad-band GSM/GPRS/EDGE, HSPA 900/2.100 MHz, përmban GPS, ËiFi, FM radio dhe mbështetje të gjerë për paraqitjen e përmbajtjeve multimediale.

Samsung Pixon 12 në treg fo të duhej të paraqitej në fund të këtij muaji të cilit sapo kemi hyrë.

[Kliton]

Kompania DigiCube në ngjarjen e Computex e paraqiti produktin e e saj të ri MIDPhone produkt-50.

Siç sugjeron edhe emri i këtyre pajisjeve, këtu janë të dy pajisje në një - një pajisje e lëvizshme e internetit - me sistem të plotë operativ Windows XP si dhe lidhjen 3.5G të telefonisë mobile në paketën me ekranin touchscreen dhe tastierën QWERTY.

Pajisja ka një ekran diagonal me gjatësi prej 4.8 dhe me rezolucion prej "800x480 piksela, Web kamerë nga ana e përparme dhe touchpad.

Portet në dispozicion të përfshira për këtë pajisje janë, një mini-USB, USB standarde, një prizë për kufje dhe microSD kartelë. Jeta e baterisë është e certifikuar për dy orë në pajisjen e cila përdor procesor të Atom Z klasë dhe memorie deri në 1GB.

[Kliton]

Sipas rezultateve të kompanisë për vizitueshmërinë e faqeve të internetit, makina e re e kërkimit të Microsoftit e cila është paraqitur rishtazi e ka tejkaluar atë të kompanisë Yahoo.
Sipas statistikave të StatCounter, makina e kërkimit Bing nga Microsoft vetëm disa ditë pas lansimit ia ka grabitur 16.3 për qind të tregut të makinave të kërkimit të internetit në Shtetet e Bashkuara të Amerikës. Me këtë rezultat Microsoft ka qenë para 10.2 për qind të Yahoo-së, por larg pas 71.47 % nga sa i ka pasur Google deri në atë ditë të numërimit.

Në nivelin global Bing gjithashtu ka qenë para Yahoo-së, edhe pse me përparësi më të vogël – 5.62 %, në krahasim me 5.13 % të cilat i ka pasur Yahoo. Mirëpo, është interesante e dhëna se shumicën e përdoruesve Bing ia ka grabitur gjigantit Google.




Rezultat të mirë fillestar deri diku është pritur kur merret parasysh pompoziteti i cili është krijuar me lansimin e makinës së re të kërkimit. Natyrisht, mbetet të shihet a do të mundet Microsofti të mbaj pjesëmarrjen e vet. Spekulohet se kompania për promovimin e Bingut do të investojë në mes të 80 e 100 milionë dollarë amerikanë.


Përgjigja e Google ndaj Wolfram Alphas: Google Squared





Pasi që njëra pas tjetrës, brenda një periudhe të shkurtër, janë paraqitur Wolfram Alpha e Bing dy makina të reja të kërkimit, Google ka qenë e shtyrë të përgjigjet në këtë sfidë. Përgjigja quhet Google Squared.


Përshtypja e parë që lihet në krahasim me aplikacionet tjera në të cilat Google zakonisht vendos shenjën beta në këtë produkt i është dashur ta vendos atë alpha.

Interesante është ideja që përgjigjet kërkohen dhe merren në formë tabelore, por rezultatet janë paksa të dyshimta.

Mbetet të shihet nëse kjo do të jetë përgjigja e duhur, apo Google do të mundohet edhe më për t’iu përgjigjur konkurrentëve në treg

[Kliton]

Zgjedhjet për Parlamentin Evropian në Suedi kanë sjellë sukses të madh për Partinë Pirate, e cila angazhohet për shkarkim të lirë të filmave, muzikës dhe përmbajtjeve tjera nga interneti, sepse ka arritur të zë një vend në mbledhjen e ardhshme të parlamentit.Partia Pirate ka fituar madje 7.1 për qind të votave në zgjedhjet suedeze, që është një sukses jashtëzakonisht i madh për një grup aktivistësh të cilët luftojnë për rrëzimin e sistemit për mbrojtjen e të drejtave autoriale dhe zvogëlimit të mbikëqyrjes së internetit.

"Kjo është fantastike”, ka deklaruar për agjencinë e lajmeve Reuters kandidati i Partisë Pirate Christian Engstrom duke vlerësuar se rezultatet e zgjedhjeve dëshmojnë se për shumë votues është me rëndësi integriteti personal dhe marrëdhënia e drejtë ndaj shoqërisë së re të informacionit.

Partisë i është rritur popullariteti dukshëm pasi që muaj më para katër administratorët e faqes për shkarkimin e dosjeve torrent Pirate Bay në gjyq janë shpallur fajtorë për shkelje të drejtave autoriale dhe janë dënuar me një vit burg si dhe dënim material prej 30 milionë krunash suedeze (2.75 milionë euro).

Pirate Bay është njëra prej faqeve më të njohura në botë për shkëmbimin e materialeve. Ajo është themeluar në vitin 2003 nga organizata Piratbyran e cila lufton kundër mbrojtjes së drejtave autoriale, derisa katër të dënuarit e kanë udhëhequr atë. Nëpërmes kësaj faqe çdo ditë shkëmbehen miliona materiale.

[Kliton]

Në Shtetet e Bashkuara të Amerikës ka filluar shitja e telefonit të ri të mençur (smartphone) nga kompania Palm me çmim tanimë të njohur - 200 dollarë me kontratë dyvjetore.
Palm nëpërmes operatorit amerikan të telefonisë mobile Sprint ka filluar zyrtarisht me shitjen e telefonit të paralajmëruar shumë kohë më parë - Pre.

Karakteristikat harduerike të Palm Pre janë ekrani 3.1 inçësh të ndjeshëm në prekje me rezolucion prej 480 x 320 piksela, tastiera rrëshqitëse QWERTY, lidhje WiFi, USB, Bluetooth e HSDPA, fotoaparat me rezolucion prej tre megapikselash, konektor 3.5 milimetërsh për dëgjuese, 8 GB të memories së integruar, MMS dhe shumë gjëra tjera.

Ajo çka e bën celularin Pre më interesant është platforma krejtësisht e re softuerike, ajo webOS me pamje të bukur

[Kliton]

Viliv S5 është një pajisje mjaft atraktive me ekran të ndjeshëm në prekje prej 4,8-inç e cila ka një çmim prej 599 $.

Por çka ndodh nëse ju themi se ju mund të merrni një pajisje tjetër të ngjashme, por edhe pak më të madhe, një X70 për të njëjtin çmim?
Do të dukej e çmendur, por Viliv X70 do të jetë në dispozicion nga importuesi Dynamism për të njëjtin çmim prej 599 $.

Ju humbni një grimë qasje nga një ekran më i madh. Modeli i ri i X70 është më i vogël, për 1.45 paundë dhe 8 inç. Mirëpo, ky model është i mjaftueshëm për ta mbajtur në xhep pa e vërejtur se e mbani me vete.

Mund të mos jetë i kapshëm sikur modeli S5, mirëpo X70 përmban energji të mjaftueshme kompjuterike, sa të bëjë gjithçka që ju keni pritur nga një pajisje UMPC, ndërkohë që pajisja bën edhe më shumë se sa që pritej, në një madhësi më të vogël.

[ReniX]

Ky Viliv S5, qenka i mire fare. Sa me pelqen nje gje e tille, vetem se çmimi qenka i kripur!

[Kliton]

Nën presionin e Bashkimit Evropian, të cilit për shkak të shkeljes së rregullave të konkurrencës tanimë është dashur t’i paguaj 2.63 miliardë dollarë dënim, Microsoft ka vendosur që në tregun evropian të paraqes sistemin e vet operativ Windows 7 pa shfletuesin Internet Explorer.

Versioni evropian i Windowsit do të quhet Windows 7 E dhe nuk do të ketë shfletuesin Internet Explorer të para-instaluar e as ndonjë shfletues tjetër.

Tani sigurisht pyesni: e qysh dreqin do të shfletoj internetin, e edhe nëse shkarkoj ndonjë shfletues tjetër? Për momentin kjo nuk është edhe aq e qartë, mirëpo në Microsoft pohojnë se gjithsesi do t’u mundësojnë përdoruesve të shkarkojnë Internet Explorerin, derisa prodhuesit e kompjuterëve do të kanë mundësinë të ofrojnë shfletuesin IE në CD të veçantë i cili mund të vjen me kompjuterin apo në pako me Windows.

Windows 7 në Evropë vjen më 22 tetor të këtij viti.

[Kliton]

Kompania Apple ka lëshuar versionin e plotë të shfletuesit të saj të internetit Safari 4 për Mac OS X dhe Windows, kështu që përdoruesit më në fund të shkarkojnë versionin përfundimtar të këtij versioni.

Safari 4 sjell me vete një varg të masave parandaluese të sigurisë si dhe shumë opsione të reja në krahasim me versionin paraprak nga të cilat dallohet ai Cower flow për shfletimin e historisë dhe bookmarks, si dhe përshtatja shumë më e mirë me Windows, siç është shfrytëzimi i llojit të shkronjave standardeve të Windows (me mundësi të përdorimit të atyre nga Apple).

Shfletuesi i ri është katër herë më i shpejtë se ai paraprak, si dhe nga shfletuesit tjerë konkurrent prandaj edhe ka marrë epitetin “shfletuesi më i shpejtë në botë.

Me përparësitë e përmendura, Safari 4 ka edhe një makinë të re interne me emrin Nitro e cila në JavaScript është madje tetë herë më i shpejtë sesa Internet Explorer 8 dhe katër herë më i shpejtë sesa Firefox 3, si dhe me lexim më të shpejtë të vet faqeve.


Download Apple Safari 4

[Kliton]

Gecko EduBook me çmim prej 200 dollarësh është një prej netbookëve më të lirë në treg, derisa karakterizohet nga modulariteti i tij.
Diagonalja e ekranit me rezolucion prej 1.024 x 600 pikselash është prej 8.9 inçësh, derisa në të është integruar ndriçimi LED i prapavijës. Për shkak të efikasitetit të lartë energjetik të procesorit arrin kohën e autonomisë deri në katër orë, derisa ftohja e integruar është pasive (pa ventilator). Procesori dhe RAM-i mund të integrohen sipas nevojës nëpërmes moduleve përkatëse.

Çmimi i EduBook për tregun amerikan është 200 dollarë, derisa vjen me sistemin operativ Ubuntu Remix. Prodhuesi përmend se është mbështetur edhe instalimi për sistemin operativ Windows XP.

[Kliton]

Samsung ka paraqitur për publik detajet e plota mbi modelin më të ri WB1000 (ndryshe të njohur si TL320) i cili përmes akrepave analog dhe specifikave të tij, tërheq vëmendjen e secilit.

WB1000 është krijuar përreth një sensori 12.2 megapikselësh, që është në gjendje të fotografojë imazhe deri në ISO 3200 (në modus të reduktuar 3.2 megapiskel) dhe video në format 720p, të cilat mund të zbuten, sikurse videot SD, përmes stabilizuesit të integruar optik në këtë aparat. Thjerrëza kapën mjaftë gjerë në 24 mm -120 mm që është ekuivalente me gjatësitë fokale të filmi.

Në anën e prapme ju mund të gjeni një ekran OLED 3.0 inç hVGA (480 x 360 piksela) ndërsa në maje gjendet një çift i matësve analog , të clët monitorojnë mbushjen e baterisë dhe kapacitetin e kartelës SD. Pjesa tjetër e aparatit digjtial nuk është kushedi çfarë dizajni i rangut të lartë, më thjeshtë thënë prisni një kamerë mesatare të kategorisë drejto-dhe-fotografo.

Sipas të gjitha gjasave në treg do të paraqitet me 18 qershor, dhe atë për një çmim prej 380 dollarë që nuk është çmim i shtrenjtë nëse kualiteti i imazhit dhe videos së incizuar është ashtu si duhet.

[Kliton]

Microsoft Malicious Software Removal Tool që është azhurnuar këtë javë ka marrë si detyrë që të detektojë një tip gjenerik të antivirusit falso,që është i njohur si ‘Win32/Internet/Antivirus.’

Microsoft Malware Protection Center e kategorizon Win32/internet/antivirus në nivelin alarmues “të ashpër”. Softueri është një “program vjedhës që paraqet lajmërime false dhe të gabuara që kanë të bëjnë me malware, në mënyrë që ti bind përdoruesit ta blejnë softuerin grabitqar të sigurisë”, thuhet në një blog post të Microsoft Malware Protection Center. Programi në fjalë gjithashtu shfaq një mesazh falso “Windows Security Center”.
Përveç kësaj, programi në fjal përmban një vjedhës të fjalëkalimeve të quajtur “TrojanSpy: Win32/Chadem”, që tenton të vjedh emra të përdoruesve dhe fjalëkalime në FTP, të cilat mund të përdoren për të kompromituar server në mënyrë që të vendosen në ta malware.

“Ata përdorin emra të domeneve të rinjë çdo ditë, shpeshëherë në një kohë të caktuar edhe regjistrojnë emra të shumtë, sikurse scanfan4.info, star4scan,info dhe scanstar4.info” thuhet në postin e Microsoft. “Kjo është mjaft normale për sjelljet mashtruese të këtyre ditëve. Si zakonisht, vetëm keni parasysh të përdorni softuer të sigurisë që është testuar nga një palë e besueshme e dorës së tretë”.

Programet falso të antiviruseve janë shumë të zakonshëm dhe ofrojnë një mënyrë të dëmshme të skanimeve për të fituar para të lehta. Scammer-ët luten në frikat e hulumtuesve të uebi që drejtohen në rrugë të gabuar duke besuar se sistemi i tyre është infektuar dhe pastaj zakonisht paguajnë, 50$ për një program që jo vetëm nuk e mbron kompjuterin e tyre, por shpesh është i dëmshëm.

Microsoft dhe Zyra Gjenerale e Avokatëve në Uashington kanë vendosur një numër të padive ndaj të ashtuquajturave reklama paraqitëse “Scareware”, që shtyjnë konsumatorët të paguajnë për softuer që thuhet se riparojnë gabime kritike në një PC.

[Kliton]

Microsoft ka paralajmëruar se do të shpërndajë pa pagesë programin e vet të ri kundër viruseve, i cili ende është në testim e sipër.
Morro, siç quhet softueri i ri, lufton kundër viruseve, por nuk e ka opsionin i cili prindërve do t’u mundësonte bllokimin e faqeve të caktuara të internetit, gjë që gjendet në paketën e cila paguhet.

Morro është tentimi i dytë i kompanisë Microsoft që të “hidhet” në tregun në të cilin nuk është konkurrent, atë të softuerëve mbrojtës të kompjuterit. I pari ka qenë Windows Live OneCare, i cili nuk ka arritur të popullarizohet në mesin e përdoruesve, të cilët më shumë priren nga prodhimet e Symantec e McAfee etj.
Kur Morro të jetë paraqitur në treg, Microsoft do të ndalojë së prodhuari Live OneCare.

Tani për tani nuk është publikuar data e paraqitjes së programit mbrojtës, por më së voni do të duhej të paraqitej në fund të këtij viti. Morro do të duhej të luftojë kundër viruseve, spyware-ve, softuerëve të hakerëve dhe trojanëve.

[Kliton]

Hewlett Packard e ka lëshuar në shitje ultra-laptopin interesant Pavilion dv2z, një prej të rrallëve që vjen i bazuar në procesorët Neo të kompanisë AMD.
Shtëpiza e dizajnuar bukur është përpunuar nga legura e aluminit dhe magnezit dhe vjen në kombinim të ngjyrave me emra inovativ Espresso black dhe Moonlight white.

Në ofertë janë tre procesorë, një-bërthamëshi Athlon Neo MV-40 me takt punues 1.6 GHz si dhe dy-bërthamëshit Athlon Neo X2 L355 e Turion Neo X2 L625, që të dy po ashtu me takt prej 1.6 GHz.

Blerësit mund të zgjedhin në mes të memories 2 apo 4 GB DDR2, deri në 500 GB hapësirë disku dhe grafikën e ATI-së, atë të integruar X1250 apo diskrete Mobility Radeon HD 3410.



Ekranin e ka të diagonales 12.1 inç (1280 x 800 piksela), derisa në gjërat tjera hynë kamera e uebit, rrjeti me dhe pa tela me Bluetooth, lexuesi i kartelave të memories, 3 konektorë USB si dhe altoparlantët e Altec Lansing.

Kompjuteri në formë standarde vjen me baterinë me gjashtë qeli dhe Vista Home Basic (32-bitëshe) apo atë Home Premium (64-bitëshe). Çmimet sillen prej 600 dollarë e lartë.

[Kliton]

Jo shumë kohë më parë i gëzoheshim memorieve me kapacitet prej 64 e 138 megabajt, e tani kompania Kingston sjell memorien me kapacitet hiq më pak se 128 gigabajt.
Ja besa ashtu si e keni lexuar edhe është: Kingston DataTraveler 200 është shkop i memories USB me kapacitet prej 128 gigabajt, që e bën pajisjen e tillë më të madhe deri më tani.

Së bashku me kapacitetin e madh, DataTraveler 200 sjell edhe mbrojtjen nga goditjet, pluhuri dhe lagështia dhe një dizajn i cili mundëson fshehjen e qasjes USB në trupin e pajisjes, që do të thotë se nuk u nevojitet kapak mbrojtës, i cili në të gjitha llojet e këtyre pajisjeve edhe ashtu fillon të bjerë pas një kohe.

Çmimi është i kripur, 546 dollarë, derisa të njëjtën pajisje mund ta blini edhe me kapacitet prej 32 e 64 GB me çmime prej 120 respektivisht 213 dollarë.

[Kliton]

Kompania Garmin ka paraqitur pajisjet e saj GPS Fortrex të cilat në dorë mbahen si orë, respektivisht dy modelet e reja 301 e 401.

Të dyja pajisjet janë të rezistueshme ndaj ujit, vijnë në shtëpizë gome me funksion Tracback për shënimin e rrugës së kaluar.

Më i avancuari prej tyre, modeli 401, ka të integruar busulle elektronike dhe matës të lartësisë.

Mbushja e pajisjeve bëhen me anë të baterive AAA të cilat ofrojnë deri në 18 orë punë. Garmin premton pranim të mirë të sinjalit GPS edhe në situatat më të vështira.

Informatat mbi çmimet dhe datat e paraqitjes nuk janë publikuar tani për tani.