Vetëvaret 24-vjeçari, humbi paratë në kazino

[EMAUS]

Vetëvaret 24-vjeçari, humbi paratë në kazino

ANILA PEÇI



VLORË- Një 24-vjeçar i ka dhënë fund jetës duke u vetëvarur, pasi ka lënë një sasi të konsiderueshme parash gjatë lojës në kazino. Sipas burimeve policore bëhet e ditur se Miklovan Pazaj, baba i një fëmije ka varur veten sot në vendin e punës. Me një tel elektrik ai është vetëvarur në tualetin e mobilerisë, ku punonte në zonën e rrugës Transballkanike në Vlorë. Nga hetimet e para për ngjarjen, mësohet se shkak ka qenë humbja e parave në kazino, një ditë më parë. Në gjendje të rënduar psikike, pas kësaj humbjeje ai i ka dhënë fund jetës. Policia ka shkuar menjëherë në vendngjarje dhe ka bërë ekspertimet e trupit të viktimës, gjithashtu është finalizuar dhe autopsia nga ku ka rezultuar se shkak i vdekjes ka qenë asfiksia si pasojë e telit të lidhur në grykë. Familjarët kanë deklaruar se kanë qenë në dijeni të humbjes së parave dhe kanë shtuar se shkak i këtij vendimi mund të ketë qenë pikërisht kjo arsye. Ku është rasti i dytë i vetëvrasjeve në Vlorë në harkun kohor të tre ditëve. Dy ditë më parë ish kreu i PD-së së Vlorës, Shpëtim Xhyheri u vetëvra me një armë zjarri, edhe ky si pasojë e depresionit.

Shekulli

[noemi84]

me te vertet per te ardhur keq se njeriu ne depresion e siper nuk di se cfar ben.

[girl08]

ka patur mjaft raste te tilla, ku per shkak te depresionit njerezit kane vrare veten... por nuk mendoj qe kjo eshte menyra e duhur per te zgjidhur problemet, duhet te mendohet dhe per familjen qe lene pas, vetem dhe ne meshire te fatit.