Shqipëri: Bien temperaturat, borë në verilindje

[aurel]

Rënia e ndjeshme e temperaturave dy ditët e fundit ka bërë që në verilindje të Shqipërisë, në Dibër dhe Kukës të ketë reshje bore në zonat e thella malore.
Sasia e borës së rënë ka qenë deri ne 10 centimetra dhe nuk ka krijuar probleme në lëvizjen e mjeteve dhe njerëzve.

Temperaturat variojne deri afër 0 grade Celsius në disa zona ndërsa në pjesën tjetër të vendit ka pasur reshje shiu të cilat kanë shkaktuar edhe përmbytje.

Ne qytetin e Lezhës ku rrugët kryesore të qytetit janë përmbytur po ashtu janë përmbytur edhe disa fshatra veçanërisht në Ishull Lezhe.

Hidrovorët nuk kane punuar për të larguar ujërat për shkak se edhe vetë nënstacioni elektrik për ore të tëra ka qenë nën ujë duke lënë pa energji edhe qytetin e Lezhës dhe rrethinat.

Përmbytje ka pasur edhe në Laç dhe disa fshatra të zonës fushore. Ndërkohë në Lezhë, Shkodër, Dibër dhe Kukës janë mbledhur shtabet e emergjencave dhe janë marrë në shqyrtim situata e rrugëve dhe zonave që mund të bllokohen nga dimri në një kohë kur kanë nisur edhe reshjet e borës në disa zona veriore.